ລິ້ງ ສຳຫລັບເຂົ້າຫາ

ອົງການ NASA ກ່າວ​ວ່າ ​ຄັ້ງນຶ່ງ ​ເຄີຍມີນ້ຳ ຢູ່​ທີ່​ດາວ​ອັງຄານ


ນ້ຳເບາະ? ບໍ່ມີອີກຕໍ່ໄປ. ຢູ່ທາງພາກເໜືອສຸດຂອງດາວອັງຄານ ແມ່ນເປັນເຂດທະເລຊາຍ ທີ່ເຫັນໄດ້ວ່າ ກຳລັງເລີ້ມປາກົດຂຶ້ນມາ ຕາມລະດູການ ຂອງລະດູໜາວທີ່ປົກຄຸມໄປດ້ວຍ ກາບອນ ດາຍອອກສ໌ໄຊ້ ຫຼືນ້ຳກ້ອນແຫ້ງ ຢູ່ໃນພາບທີ່ໄດ້ມາຈາກໂດຍ ກ້ອງ HiRISE ທີ່ຕິດຕັ້ງຢູ່ເທິງ ຍານ NASA's Mars Reconnaissance Orbiter, ວັນທີ 16 ມັງກອນ 2014.

ນ້ຳເບາະ? ບໍ່ມີອີກຕໍ່ໄປ. ຢູ່ທາງພາກເໜືອສຸດຂອງດາວອັງຄານ ແມ່ນເປັນເຂດທະເລຊາຍ ທີ່ເຫັນໄດ້ວ່າ ກຳລັງເລີ້ມປາກົດຂຶ້ນມາ ຕາມລະດູການ ຂອງລະດູໜາວທີ່ປົກຄຸມໄປດ້ວຍ ກາບອນ ດາຍອອກສ໌ໄຊ້ ຫຼືນ້ຳກ້ອນແຫ້ງ ຢູ່ໃນພາບທີ່ໄດ້ມາຈາກໂດຍ ກ້ອງ HiRISE ທີ່ຕິດຕັ້ງຢູ່ເທິງ ຍານ NASA's Mars Reconnaissance Orbiter, ວັນທີ 16 ມັງກອນ 2014.

ອົງການ​ອາ​ວະ​ກາດ​ສະຫະ​ລັດ ຫຼື NASA ກ່າວ​ວ່າ ​ໃນຄັ້ງນຶ່ງ​ເຄີຍ
​ມີນ້ຳຢູ່​ໃນ​ດາວ​ອັງຄານ ຫຼາຍກວ່າຢູ່​ທີ່​ມະຫາສະມຸດອາກຕິກ ຫຼື
ຂົ້ວ​ໂ​ລກເໜືອ ຂອງໂລກມະນຸດເຮົາ.

​ໃນ​ການ​ສຶກສາຄົ້ນຄວ້າໃໝ່ ຢູ່​ໃນ​ວາລະສານວິທະຍາສາດນັ້ນ
ບັນດານັກຄົ້ນຄວ້າ ກ່າວ​ວ່າ​ພວກ​ເຂົາ​ເຈົ້າ ​ໄດ້​ປຽບທຽບ ອັດຕາ
ສ່ວນ​ຂອງສອງ​ປະ​ເພດ​ແຕກ​ຕ່າງ​ກັນ ທີ່ໄດ້ພົບຢູ່​ໃນ​ບັນຍາກາດ
​ຂອງ​ດາວ​ອັງຄານ ​ໃສ່​ກັບ​ອັດຕາ​ສ່ວນ​ຂອງພວກ​ນ້ຳ ທີ່​ຖືກ​ກັງຂັງ
ໄວ້​ໃນອຸ​ກາ​ບາດ​ ຂອງ​ດາວ​ອັງຄານ ທີ່​ມີ​ອາຍຸ​ໄດ້ 4 ພັນ 500 ​ລ້ານ
ປີນັ້ນ.

ພວກ​ເຂົາ​ເຈົ້າກ່າວ​ອີກ​ວ່າ ຫຼາຍກວ່າ 4 ຕື້​ປີ​ກ່ອນ​ນັ້ນ ດາວ​ອັງຄານ ​ແມ່ນ​ປົກ​ຄຸມ​ດ້ວຍ ນ້ຳທີ່​ເລິກ​ເຖິງ 137 ​ແມັດ ​ແລະ​ວ່າ ​ນ້ຳເກືອບ​ທັງໝົດ​ໄດ້ລະເຫີຍເປັນ​ອາຍ ​ໄປສູ່​ອະ​ວະ​ກາດ.

ບັນດາ​ນັກວິທະຍາສາດ ກ່າວ​ວ່າ​ນ້ຳອາດໄດ້​ປົກ​ຄຸມ​ດາວ​ອັງຄານ ​ໃນ​ຊ່ວງໄລຍະ​ເວລາ
ດົນກວ່າທີ່​ຄາດ​ຄິດກັນ​ໄວ້​ກ່ອນ​ໜ້າ​ນີ້ ໝາຍ​ຄວາມ​ວ່າ ມັນ​ອາດມີ​ສິ່ງ​ທີ່​ມີ​ຊີວິດ​ໃນຮູບ​ໃດ​
ຮູບ​ນຶ່ງ ເທິງ​ດາວ​ອັງຄານມາ​ໄດ້​ດົນນານກວ່າ ທີ່ເຄີຍໄດ້​ເຊື່ອ​ກັນນັ້ນ.

ດາວ​ດັ່ງ​ກ່າວ ດຽວ​ນີ້ ສ່ວນ​ໃຫຍ່​ແລ້ວ ແມ່ນໄດ້ກາຍ​ເປັນ​ທະ​ເລ​ຊາຍ.

XS
SM
MD
LG