ລິ້ງ ສຳຫລັບເຂົ້າຫາ

ຜູ້ພິພາກສາ ຈະຕັດສິນໂທດ ຕຳຫຼວດ ອີກຄົນນຶ່ງ ໃນຄະດີ ການຕາຍ ຂອງທ້າວ Freddie Gray


ເຈົ້າໜ້າທີຕຳຫລວດ ທ່ານ Edward Nero, ຊ້າຍ, ຮ້ອຍໂທ Brian Rice, ທີ່ສອງຈາກຊ້າຍ ແລະ ເຈົ້າໜ້າທີ່ຕຳຫລວດ ຄົນອຶ່ນໆ.

ເຈົ້າໜ້າທີຕຳຫລວດ ທ່ານ Edward Nero, ຊ້າຍ, ຮ້ອຍໂທ Brian Rice, ທີ່ສອງຈາກຊ້າຍ ແລະ ເຈົ້າໜ້າທີ່ຕຳຫລວດ ຄົນອຶ່ນໆ.

ຜູ້​ພິພາກສາ​ຄົນ​ນຶ່ງ​ຂອງ​ນະ​ຄອນ Baltimore ຈະ​ອອກ​ຄຳຕັດສິນ​ໃນ​ວັນ​ຈັນ​ຈະ​ມາ​ນີ້ ຕໍ່​ເຈົ້າ​ໜ້າ​ທີ່​ຕຳຫລວດຊັ້ນ​ສູງ​ສຸດທີ່​ຖືກ​ກ່າວ​ຫາ​ໃນ​ການ​ຕາຍ​ຂອງ​ຄົນ​ຜິວດຳ​ທີ່​ຖືກ​ຈັບ ທ້າວ Freddie Gray ​ທີ່​ໄດ້ເສຍ​ຊີວິດ ​ໃນເດືອນ​ເມສາ ປີ 2015 ຢູ່ໃນຫລັງ​ລົດ​ຕູ້ຂອງ​ຕຳຫຼວດ.

ຄະດີ​ຕໍ່​ເຈົ້າ​ໜ້າ​ທີ່​ຕຳຫລວດ ທ່ານ Brian Rice ​ໄດ້​ເພັ່ງ​ເລັງໃສ່​ຄຳຖາມທີ່​ວ່າ ທ່ານ​ຄວນ ໃສ່ສາຍ​ແອວ​ບ່ອນ​ນັ່ງ​ໃຫ່່​ແກ່ ທ້າວ Gary ຜູ້​ທີ່​ໄດ້​ຮັບ​ບາດ​ເຈັບ ​ຢູ່​ກະດູກ​ສັນຫລັງ ​ໃນ​ລະຫວ່າງ​ການ​ຂີ່​ລົດ​ຕູ້​ຫລື​ບໍ່.

ບັນດາໄອ​ຍະ​ການ​ໂຕ້​ຖຽງ​ວ່າ ການ​ຕັດສິນ​ໃຈ​ຂອງ​ທ່ານ Rice ທີ່​ບໍ່​ໃສ່​ສາຍ​ແອວ​ໃຫ້ທ້າວ Gray ​ໄດ້​ເປັນ​ການ​ກະທຳ​ແບບ​ຕັ້ງ​ໃຈນ ​ແລະ​ຄວນ​ພິຈາລະນາວ່າເປັນ​ການກະທຳ​ຜິດ. ພວກ​ທະນາຍຄວາມ​ປ້ອງ​ກັນ​ກ່າວ​ວ່າ ທ່ານ Rice ​ໄດ້​ຕັດສິນ​ໃຈ​ຢ່າງ​ວ່ອງ​ໄວ ​ກ່ຽວ​ກັບ​ວ່າ ຈະ​ໃສ່​ສາຍ​ແອວ​ໃຫ້​ທ້າວ Gray ຫລື​ບໍ່ ຜູ້​ທີ່​ເຂົາ​ເຈົ້າ​ກ່າວ​ວ່າ ບໍ່ໄດ້ໃຫ້​ຄວາມ​ຮ່ວມ​ມື ​ແລະ​ໄດ້​ພະຍາຍາມ​ດີ້ນຢ່າງ​ແຮງ​ຢູ່​ໃນ ລົດ​ຕູ້ນັ້ນ.

ຕຳຫລວດ​ໄດ້​ມັດ​ແຂນ ​ແລະ​ມັດ​ຕີນ​ທ້າວ Gray ຢູ່​ໃນ​ລົດ​ຕູ້ ​ແຕ່​ບໍ່​ໄດ້​ໃສ່​ສາຍ​ແອວ​ໃຫ້​ລາວ​

ການ​ເສຍ​ຊີວິດ​ຂອງ​ທ້າວ Gray ຢູ່​ໃນ​ລົດ​ຕູ້​ໄດ້​ກໍ່​ເກີດ​ຄວາມ​ວຸ້ນວາຍທີ່​ຮ້າຍ​ແຮງ​ສຸດ​ໃນ​ຮອບຫລາຍ​ທົດ​ສະ​ວັດ ໃນ​ນະ​ຄອນ Baltimore ລັດ Maryland ​ແລະ​ເຮັດ​ໃຫ້​ເກີ​ດການ​ໂຕ້ຖຽງ​ໃນ​ທົ່ວ​ປະ​ເທດກ່ຽວກັບ​ການ​ປະຕິບັດ​ຂອງ​ຕຳຫລວດ ຕໍ່​ພວກຊົນ​ກຸ່່ມ​ນ້ອຍ. ການ​ອະພິປາຍ​ອີກ​ຄັ້ງ​ນຶ່ງ​ໄດ້​ເກີດ​ຂຶ້ນໃນ​ເດືອນນີ້​ຫລັງ​ຈາກ ​ການ​ເສຍ​ຊີວິດ​ຂອງຜູ້​ຊາ​ຍຜິວດຳ​ສອງ​ຄົນ ຜູ້​ທີ່​ຖືກ​ຕຳຫລວດ​ຍິງ​ຕາຍ​ຢູ່ໃນລັດ Minnesota ​ແລະລັດ Louisiana.

ທ່ານ Rice ​ໄດ້​ຖືກ​ກ່າວ​ຫາວ່າຂ້າ​ຄົນດ້ວຍ​ຄວາມ​ປະໝາດ ບໍ່ລະມັດ​ລະວັງ​ທີ່ ພາ​ໃຫ້ເປັນ​ອັນຕະລາຍ ​ແລະ​ປະພຶດຜິດ. ທ່່ານ​ເປັນ​ເຈົ້າ​ໜ້າ​ທີ່​ຄົນ​ທີ​ສີ່ ​ທີ່​ຈະ​ຖືກ​ດຳ​ເນີນ​ຄະດີ​ໃນການ​ຕາຍ​ຂອງ​ທ້າວ Freddie Gray. ​ເຈົ້າ​ໜ້າ​ທີ່​ອີກ​ສອງ​ຄົນ​ໄດ້​ພົ້ນ​ໂທດ ​ແລະ​ການດຳ​ເນີນ​ຄະດີ​ຂອງ​ເຈົ້າ​ໜ້າ​ທີ່​ຄົນ​ທີ່ສາມ​ ໄດ້​ເສັດ​ສິ້ນ​ລົງ​ໂດຍ​ຄະນະ​ຕຸລາການ​ຕົກລົງ​ກນບໍ່​ໄດ້. ນຶ່ງ​ໃນ​ບັນດາ​ເຈົ້າໜ້າ​ທີ່​ຕຳຫລວດ​ຜູ້​ທີ່​ໄດ້​ພົ້ນ​ໂທດ ແມ່ນ​ຄົນຂັບ​ລົດ​ຕູ້ ທ່ານ Caesar Goodson ​ທີ່​ໄດ້​ປະ​ເຊີນ​ໜ້າ​ກັບ​ການ​ກ່າວ​ຫາ​ທີ່​ຮ້າຍ​ແຮງ​ສຸດ ຮວມທັງການຂ້າ​ຄົນ “​ແບບ​ບໍ່​ມີ​ຄວາມ​ປານີ.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG