ລິ້ງ ສຳຫລັບເຂົ້າຫາ

ປ. Chvez ປະເຊີນ ອາການແຊກຊ້ອນ ຈາກປອດອັກເສບ ຮ້າຍແຮງ (ສະໄລດ໌)


ບັນດາຜູ້ສະໜັບສະໜຸນ ທ່ານ Hugos Chvez ພາກັນ ສູດມົນພາວະນາ ໃຫ້ສຸຂະພາບຂອງ ທ່ານ Chevez ຈົ່ງຫາຍເຊົາ.

ລັດຖະບານ ​Venezuela ກ່າວ​ວ່າ ປະທານາທິບໍດີ Hugo
Chavez ກໍາລັງ​ປະ​ເຊີນໜ້າ​ກັບ​ບັນຫາ​ແຊກ​ຊ້ອນ ຈາກ​ປອດ
​ອັກ​ເສບທີ່​ຮ້າຍ​ແຮງ.

ລັດຖະມົນຕີຖະ​ແຫລ​ງຂ່າວ Venezuela ທ່ານ Ernesto Villegas ກ່າວ​ໃນ​ວັນ​ພະຫັດ ວານ​ນີ້ວ່າ ປອດ​ອັກ​ເສບ ​ເຮັດ​ໃຫ້ “ການ​ຫາຍ​ໃຈ​ບໍ່​ພຽງພໍ” ທີ່​ບັງຄັບ​ໃຫ້ທ່ານ Chavez ຕ້ອງ​ໄດ້​ປະຕິບັດ​ຢ່າງ​ເຄັ່ງ​ຄັດ​ ຕໍ່​ການ​ປິ່ນປົວຂອງ​ແພດ. ທ່ານບໍ່​ໄດ້ໃຫ້ລາຍ​ລະອຽດຫຍັງ
​ເພີ້​ມ​ເຕີມ.

ຜູ້​ນໍາຂອງ Venezuela ບໍ່ໄດ້​ປະກົດ​ຕົວໃນທີ່ສາທາລະນະ ນັບ​ຕັ້ງ​ແຕ່ ທ່ານໄດ້​ຮັບ​ການຜ່າຕັດ​ມ​ະ​ເຮັງຢູ່ທີ່ຄິວບາ ​ໃນ​ວັນ​ທີ 11 ​ເດືອນ​ທັນວາ. ທ່ານ​ໄດ້​ຖືກ​ກວດ​ພົບ​ວ່າ​ ​ເປັນມະ​ເຮັງໃນ​ປີ 2011 ​ແຕ່​ບໍ່​ເຄີຍ​ເປີດ​ເຜີຍໃຫ້​ຊາບ​ກ່ຽວ​ກັບ​ຊະນິດຫລື​ຄວາມ​ຮ້າຍ​ແຮງຂອງ​ມະ​ເຮັງ​ນັ້ນ​ແຕ່​ຢ່າງ​ໃດ.

​ໃນ​ຕົ້ນ​ອາທິດ​ນີ້ ຮອງ​ປະທານາທິບໍດີ Nicholas Maduno ​ໄດ້​ກ່າວ ​ເຖິງ​ອາການ​ຂອງທ່ານ Chavez ວ່າ “ຢູ່​ໃນ​ຂັ້ນອັນຕະລາຍ.”

ບັນດາ​ຜູ້​ນໍາ​ຝ່າຍ​ຄ້ານ​ຂອງ Venezuela ​ພາກັນ​ຮຽກຮ້ອງ​ຢາກ​ຊາບ ກ່ຽວ​ກັບ​ອາການ​ຂອງທ່ານ Chavez ຫລາຍ​ກວ່າ​ນີ້.

ທ່ານມີ​ກໍານົດ​ທີ່​ຈະ​ເຂົ້າ​ສາບານ​ໂຕ​ ​ເຂົ້າຮັບ​ຕຳ​ແໜ່​ງຕື່ມ​ອີກ​ສະ​ໄໝ​ນຶ່ງ ​ເປັນ​ເວລາ 6 ປີ ​ໃນ​ວັນ​ທີ 10 ເດືອນມັງກອນຈະ​ມາ​ເຖິງ​ນີ້ ຫລັງ​ຈາກ​ໄດ້ຊະນະ​ຜູ້​ນໍາ​ຝ່າຍ​ຄ້ານ ທ່ານ Henrique Capriles ​ໃນ​ການ​ລົງ​ຄະແນນ​ສຽງເມື່ອ​ເດືອນ​ຕຸລາປີ​ກາຍ.

ລັດ​ຖະທໍາ​ມະນູນຂອງ Venezuela ລະບຸ​ໄວ້​ວ່າ ຖ້າ​ຫາກປະທານາທິ ບໍດີ​ເສຍ​ຊີວິດ​ລົງ​ໄປ ຫລື​ປະກາດ​ວ່າ ບໍ່​ມີ​ຄວາ​ມາ​ສາມາດ​ໃນ​ການ​ປະຕິ ບັດ​ໜ້າ​ທີ່​ແລ້ວ​ ການ​ເລືອກ​ຕັ້ງ​ໃໝ່​ຈະ​ຕ້ອງ​ໄດ້​ຈັດຂື້ນພາຍ​ໃນ 30 ​ມື້.

XS
SM
MD
LG