ລິ້ງ ສຳຫລັບເຂົ້າຫາ

ເວເນຊູເອລາ ຮຽກຮ້ອງ ໃຫ້ປະຊາຊົນ ໂຮມຊຸມນຸມ ສະໜັບສະໜຸນ ທ່ານ Chavez


ປະທານສະພາແຫ່ຊາດ ທ່ານ Diosdado Cabello (ຂວາມື) ຮຽກ ຮ້ອງໃຫ້ມີການເດີນຂະບວນຊຸກຍູ້ ປະທານາທິບໍດີ Hugo Chavezໃ

ລັດຖະບານ​ເວ​ເນ​ຊູເອ​ລາ ຮຽກຮ້ອງໃຫ້​ຜູ້​ສະໜັບສະໜຸນປະທາ
ນາທິບໍດີ Hugo Chavez ຈົ່ງ​ພາກັນລົງໄປເດີນຂະ​ບວນຢູ່​ຕາມ
​ຖະໜົນ​ຫົນ​ທາງ ໃນ​ວັນ​ທີ່​ທ່ານ​ມີ​ແຜນສາບານ​ໂຕ​ເຂົ້າ​ຮັບ​ຕໍາ
​ແໜ່ງ​ເພື່ອສະ​ແດງເຖິງ​ການ ສະໜັບ​ສະ​ໜຸນ​ຢ່າງ​ໃຫຍ່​ຫຼວງຕໍ່
ປະທານາທິບໍດີທີ່​ກໍາລັງ​ເຈັບ​ປ່ວຍ​ຢູ່​ນັ້ນ.

ຜູ້​ນໍາ​ສະພາ​ແຫ່ງ​ຊາດ​ຂອງ​ປະ​ເທດ ທ່ານ Diosdado Cabello ກ່າວ​ວ່າ ປະທານາທິບໍດີຈາກ​ຫລາຍ​ປະ​ເທດ ກໍຈະ​ເຂົ້າ​ຮ່ວມ​ໃນ​ການ​ເດີນ​ຂະ​ບວນ ​ໃນ​ວັນ​ພະຫັດ​ຈະ​ມານີ້.

ທ່ານ Chavez ​ໄດ້​ຮັບ​ໄຊຊະນະໃນການ​ເລືອກ​ຕັ້ງ​ອີກຄັ້ງນຶ່ງ​ໃນ​ເດືອນ​ຕຸລາຜ່ານ​ມາ ​ແຕ່​ທ່ານ​ໄດ້​ໄປ​ປິ່ນ​ປົວ​ມະ​ເຮັງຢູ່ຄິວ​ບາ ​ແລະ​ບໍ່​ໄດ້ປະກົດ​ໂຕ​ຢູ່ໃນ​ທີ່ສາທາລະນະ​ເກືອ​ບນຶ່ງ​ເດືອນ​ແລ້ວ. ​ມັນ​ຍັງ​ບໍ່​ເປັນ​ທີ່​ແຈ້ງ​ຂາວ​ເທື່ອ​ວ່າ ທ່ານຈະ​ສາບານ​ໂຕ​ເຂົ້າ​ຮັບ​ຕໍາ​ແໜ່ງ​ໃນ​ວັນ​ພະຫັດ​ນີ້ຫລື​ບໍ່.

ບັນດາ​ຜູ້​ນໍາ​ຝ່າຍ​ຄ້ານ​ເວ​ເນ​ຊູ​ເອລາ​ໂຕ້​ຖຽງ​ວ່າ ບັນດາ​ຜູ້​ສະໜັບສະໜຸນ ທ່ານ Chavez ຈະ​ພາກັນ​ລະ​ເມີດຕໍ່​ລັດຖະທໍາ​ມະນູນ ຖ້າ​ຫາກ​ວ່າ​ເຂົາ ເຈົ້າ​ພາກັນພະຍາຍາມເລື່ອນ​ເວລາ​ໃນ​ການສາບານໂຕ​ເຂົ້າ​ຮັບ​ຕໍາແໜ່​ງ. ​ເຖິງ​ຢ່າງ​ໃດ​ກໍ​ດີບັນດາ​ພັນທະ​ມິດ​ຂອງທ່ານ Chavez ກ່າວ​ວ່າ ປະທາ ນາທິບໍດີສາມາດ​ສາບານ​ໂຕ​ເຂົ້າຮັບ​ຕຳ​ແໜ່​ງ​ຕາມ​ພາຍຫລັງ ໂດຍ​ສານ​ສູງ​ສຸດຂອງ​ປະ​ເທດ.

ບັນດາ​ຜູ້​ນໍາ​ຂອງສາສະໜາຄາ​ໂທ​ລິກຢູ່​ໃນ​ເວ​ເນ​ຊູ​ເອລາ ກ່າວໃນ​ວັນ​ຈັນ ​ວານນີ້ວ່າ ສະຖຽນ​ລະ​ພາບ​ຂອງ​ປະ​ເທດກໍ​ງລັງ​ຕົກ​ຢູ່​ໃນອັນຕະລາຍ ເນຶ່ອງຈາກ​ວິ​ກິດ​ການ ​ແລະ​ກ່າວ​ອີກ​ວ່າ ມັນ​ຈະ “​ເປັນທີ່​ຮັບ​ເອົາ​ບໍ່​ໄດ້ ທາງ​ດ້ານ​ສິນ​ທຳ” ທີ່​ຈະ​ບໍ່​ປະຕິບັດ​ຕາ​ມລັດຖະທໍາ​ມະນູນຂອງ​ປະ​ເທດ.
XS
SM
MD
LG