ລັດຖະສະພາຂອງ ເວເນຊູເອລາ ໄດ້ປະກາດໃນວັນອາທິດວານນີ້ວ່າ ລັດຖະບານ ໄດ້ກໍ່ ລັດຖະປະຫານດ້ວຍການກີດກັ້ນຄວາມພະຍາຍາມໃນການລົງປະຊາມະຕິ ທີ່ອາດນຳໄປ ສູ່ການຂັບໄລ່ປະທານາທິບໍດີ Nicolas Maduro ອອກຈາກຕຳແໜ່ງນັ້ນ.
ໃນລະຫວ່າງກອງປະຊຸມສຸກເສີນສະໄໝວິສນມັນນັ້ນ, ສະຖາບັນນິຕິບັນຍັດສຽງສ່ວນ ຫຼາຍຂອງພັກຝ່າຍຄ້ານໄດ້ຮັບຮອງມະຕິສະບັບໜຶ່ງເພື່ອປະກາດ ກ່ຽວກັບ “ການລົ້ມລະ ລາຍຂອງຄຳສັ່ງຂອງລັດຖະທຳມະນູນ” ແລະ “ການກໍ່ລັດຖະປະຫານດຳເນີນໂດຍລະ ບອບ ການປົກຄອງຂອງທ່ານ Nicolas Maduro.”
ຜູ້ນຳສຽງສ່ວນຫຼາຍທ່ານ Julio Borges ຈາກພັນທະມິດສາມັກຄີປະຊາທິປະໄຕໄດ້ກ່າວ ວ່າ “ການກໍ່ລັດຖະປະຫານຢ່າງຕໍ່ເນື່ອງໄດ້ຖືກກະທຳຢ່າງບໍ່ຖືກຕ້ອງໃນ ເວເນຊູເອລາ, ໄປຈົນເຖິງການຕັດສິນໃຈທີ່ຈະຍາດແຍ່ງລົ້ມເລີກການລົງປະຊາມະຕິຂອງພວກເຮົາ. ພວກເຮົາມາທີ່ນີ້ເພື່ອປະກາດຢ່າງເປັນທາງການເຖິງຄວາມໜ້າສະຫຼົດໃຈ ແລະ ການ ແຕກຫັກທີ່ເຈັບປວດຂອງ ລັດຖະທຳມະນູນ.”
ນອກນັ້ນ ສະພານິຕິບັນຍັດ ຍັງໄດ້ສະເໜີວ່າຈະສັບປ່ຽນບັນດາຜູ້ພິພາກສາສານສູງສຸດ ແລະ ບັນດາເຈົ້າໜ້າທີ່ເລືອກຕັ້ງແຫ່ງຊາດອີກດ້ວຍ.
ບັນດາສະມາຊິກສະພາທີ່ສະໜັບສະໜູນລັດຖະບານຂອງທ່ານ Maduro ໄດ້ກ່າວຫາພັກ ຝ່າຍຄ້ານວ່າເອົາລັດເອົາປຽບຈາກສະຖານະການ ເພື່ອກໍ່ລັດຖະປະຫານ.
ທ່ານ Earle Herrera ສະມາຊິກສະພາ ກ່າວວ່າ “ຢ່າພະຍາຍາມເອົາລັດເອົາປຽບຊ່ວງ ເວລາທີ່ຫຍຸ້ງຍາກນີ້ເພື່ອທຳລາຍປະເທດຂອງພວກເຮົາ.”
ໃນວາລະກອງປະຊຸມຂອງມື້ວັນອາທິດວານນີ້, ລັດຖະສະພາຍັງຢາກລົງຄະແນນສຽງ ເພື່ອນຳຕົວທ່ານ Maduro ໄປດຳເນີນຄະດີ, ແຕ່ບັນດາຜູ້ແທນກຳໄດ້ຖືກຢຸດຢັ້ງໄວ້ ຫຼັງ ຈາກພວກປະທ້ວງທີ່ສະໜັບສະໜູນລັດຖະບານໄດ້ບຸກເຂົ້າໄປໃນຕຶກທີ່ມີການຮັກສາ ຄວາມປອດໄພຢ່າງເຄັ່ງຄັດນັ້ນ.
ໂຄສົກພັກຝ່າຍຄ້ານທ່ານ Jesus Torrealba ກ່າວວ່າ ສິ່ງທີ່ໄດ້ເກີດຂຶ້ນຢູ່ໃນຕຶກລັດຖະ ສະພາ ໄດ້ສະແດງໃຫ້ເຫັນວ່າ ປະຊາທິປະໄຕແມ່ນກຳລັງດີ້ນຮົນຢູ່ໃນປະເທດນີ້ແນວໃດ.