ຈີນ ໄດ້ປະກາດວ່າ ຈະເພີ້ມຄວາມເຄັ່ງຄັດ ສຳລັບກົດລະບຽບ
ກ່ຽວກັບຢາວັກຊີນທີ່ຈີນຜະລິດຂຶ້ນເອງເພື່ອຄ້ຳປະກັນປະສິດ
ທິຜົນຂອງຢາດັ່ງກ່າວຫຼັງຈາກໄດ້ເກີດຂ່າວນອງນັນທີ່ເຜີຍແບ
ໃຫ້ເຫັນເຖິງຊ່ອງໂຫວ່ ຂອງກົດລະບຽບກ່ຽວກັບການຄຸ້ມຄອງ
ຢາວັກຊີນ.
ຂ່າວນອງນັນແມ່ນພົວພັນກັບ ການຂາຍຢາວັກຊີນ ທີ່ບໍ່ໄດ້ມີ
ການເກັບຮັກສາ ໄວ້ໃນຕູ້ເຢັນ ຢ່າງເໝາະສົມ ໃນມູນຄ່າ 47
ລ້ານ 6 ແສນໂດລາແບບຜິດກົດໝາຍຊຶ່ງອາດໄດ້ມີການຊັກ
ໃຫ້ພວກເດັກນ້ອຍຫລາຍລ້ານຄົນ ຢູ່ໃນ 24 ແຂວງຂອງຈີນ
ນັບແຕ່ປີ 2011 ເປັນຕົ້ນມາ ອີງຕາມອົງການຄຸ້ມຄອງອາຫານ
ແລະຢາຂອງຈີນ
ເຈົ້າໜ້າທີ່ໄດ້ຍື່ນຟ້ອງ 69 ຄະດີ ຕໍ່ກຸ່ມຄ້າຢາ ຕາມທີ່ມີການກ່າວຫາ ແລະຕຳຫຼວດໄດ້ຈັບ
ຜຸູ້ຕ້ອງສົງໄສຫຼາຍກວ່າ 130 ຄົນ ຮວມທັງຫົວໜ້າບົງການ ແມ່ຍິງຄົນນຶ່ງທີ່ມີນາມສະກຸນ
ວ່າ ປາງ ຈາກແຂວງ Shandong ທາງພາກຕາເວັນອອກ ສຽງເໜືອຂອງປະເທດ.
ນາງປາງ ໄດ້ຖືກພົບເຫັນວ່າ ມີຄວາມຜິດ ກ່ຽວກັບໂທດທີ່ຄ້າຍຄືກັນນີ້ ແຕ່ໄດ້ຖືກຕັດສິນ
ໃຫ້ຝາກໂທດໄວ້ ຊຶ່ງເຮັດໃຫ້ນາງມີໂອກາດກະທຳຄວາມຜິດຕື່ມອີກ ອີງຕາມອົງການຄຸ້ມ
ຄອງລະບຽບການຂອງຈີນ.