ລິ້ງ ສຳຫລັບເຂົ້າຫາ

ພຽງຢາງ ເປີດປະຊຸມໃຫຍ່ ຄັ້ງທີ 7 ຂອງພັກ ແຮງງານ ໃນຮອບຫຼາຍສິບປີ


ຄົນຍ່າງຜ່ານ ບ່ອນກອງ​ປະຊຸມ​ໃຫຍ່ ​ພັກ​ແຮງ​ງານ ວັນທີ 6 ພຶດສະພາ, 2016.

ຄົນຍ່າງຜ່ານ ບ່ອນກອງ​ປະຊຸມ​ໃຫຍ່ ​ພັກ​ແຮງ​ງານ ວັນທີ 6 ພຶດສະພາ, 2016.

ເກົາຫລີ​ເໜືອ​ໄດ້​ເປີດ​ປະຊຸມ​ທາງ​ການ​ເມືອງ​ທີ່​ໃຫຍ່​ທີ່​ສຸດ​ໃນ​ຮອບ 36 ປີ ​ໃນ​ຂະນະ​ທີ່​ກອງ ປະຊຸມ​ໃຫຍ່​ພັກ​ແຮງ​ງານ​ຄັ້ງທີ 7 ເລີ້ມຂຶ້ນ​ໃນ​ວັນ​ສຸກ​ມື້ນີ້.

​ແຕ່​ແນວ​ໃດ​ກໍ​ຕາມ ພວກ​ນັກ​ຂ່າວ​ຕ່າງປະ​ເທດ ​ທີ່​ເດີນທາງ​ໄປ​ຍັງ​ນະຄອນຫຼວງພຽງ​ຢາງ ​ເພື່ອ​ເອົາ​ຂ່າວ​ກ່ຽວ​ກັບ​ເລື້ອງ ຍັງ​ບໍ່​ທັນ​ໄດ້​ຮັບ​ອະນຸຍາດ​ໃຫ້​ເຂົ້າ​ໄປ​ຂ້າງ​ໃນ​ເທື່ອ.

ສະຫະລັດ​ ໄດ້​ປຶກສາ​ຫາລື​ຢ່າງ​ໃກ້ຊິດ​ກັບ​ບັນດາ​ປະ​ເທດ​ພັນທະ​ມິດ​ຂອງ​ຕົນ​ໃນ​ເອ​ເຊຍ ເພື່ອ​ຕິດຕາມ​ເບິ່ງ​ສະຖານະ​ການ​ໃນ​ແຫລມ​ເກົາຫລີ ​ໃນ​ລະຫວ່າງ​ກອງ​ປະ ຊຸມ​ລະດັບ​ສູງ ​ຂອງພວກ​ຜູ້ຕາງໜ້າພັກ ຊຶ່ງ​ຄາດ​ວ່າ​ຈະເປັນຜົນພາ​ໃຫ້​ໃຫ້​ມີ​ການ​ສັບ​ປ່ຽນ​ເຈົ້າໜ້າ​ທີ່​ຂັ້ນ ສູງ​ບາງ​ຄົນ.

ຄ່ົນຍ່າງຜ່ານປ່ອນເອ້ດອກໄມ້ ແລະປ້າຍທີ່ກ່າວວ່າ "ກອງປະຊຸມ​ໃຫຍ່​ພັກ​ແຮງ​ງານ​ເກົາຫລີຄັ້ງທີ 7 " ວັນທີ 5 ພືດສະພາ, 2016.

ຄ່ົນຍ່າງຜ່ານປ່ອນເອ້ດອກໄມ້ ແລະປ້າຍທີ່ກ່າວວ່າ "ກອງປະຊຸມ​ໃຫຍ່​ພັກ​ແຮງ​ງານ​ເກົາຫລີຄັ້ງທີ 7 " ວັນທີ 5 ພືດສະພາ, 2016.

ນອກ​ນັ້ນ ວໍ​ຊິງ​ຕັນ​ຍັງ​ຄາດ​ວ່າ ລັດຖະບານ​ທີ່​ໂດດດ່ຽວ​ຂອງ​ເກົາຫຼີ​ເໜືອ​ອາດ​ຈະ​ໃຊ້ໂອ ກາດ​ນີ້ ຍິງ​ລູກ​ສອນ​ໄຟ​ແລະທົດ​ລອງ​ອາວຸດ​ນິວ​ເຄລຍ.

ທ່ານ Mark Toner ​ໂຄສົກກະຊວງຕ່າງປະ​ເທດ​ສະຫະລັດກ່າວ​ໃນ​ວັນ​ພະຫັດວານ​ນີ້ວ່າ ພວກ​ເຮົາ​ຈະ​ສືບ​ຕໍ່​ຊອກ​ຫາ​ຊ່ອງ​ທາງ​ທີ່​ພວກ​ເຮົາ​ສາມາດ​ນຳ​ໃຊ້​ ແລະເພີ້ມຄວາມ​ກົນ​ດັນ​ ຕໍ່​ພວກ​ເຂົາ ​ຊຶ່ງໃນ​ຂະນະ​ດຽວ​ກັນ ​ພວກ​ເຮົາ​ກໍ​ຄ້ຳປະກັນ​ວ່າ ຄວາມ​ໝັ້ນຄົງ​ແມ່ນ​ໄດ້​ມີ​ການ​ຮັກສາ​ໄວ້​ແບບ​ບໍ່​ມີ​ການ​ຢ່ອນ​ຍານ.

ບັນດານັກຂ່າວຕ່າງປະເທດ ພາກັນຖ່າຍຮູບຢູ່ນອກສູນວັດທະນາທຳ ທີ 25 ເມສາ 2016.

ບັນດານັກຂ່າວຕ່າງປະເທດ ພາກັນຖ່າຍຮູບຢູ່ນອກສູນວັດທະນາທຳ ທີ 25 ເມສາ 2016.

ໃນໄລຍະ​ສອງ​ສາມ​ເດືອນ​ຜ່ານ​ມານີ້ ພຽງ​ຢາງ​ໄດ້​ທຳ​ການ​ທົດ​ລອງ​ລູກ​ສອນ​ໄຟ ຈຳນວນ ​ນຶ່ງ​ ພ້ອມໆ​ກັບ​ອາວຸດ​ນິວ​ເຄລຍໃນ​ເດືອນ​ມັງກອນ​ຜ່ານ​ມາ. ທ່ານ Toner ກ່າວ​ວ່າ ສະຫະ ລັດ ​ຈະ​ມີ​ຄວາມ​ຍິນ​ດີ​ກ່ຽວ​ກັບ​ຮ່ອງຮອຍ​ໃດໆກໍ​ຕາມ​ໃນ​ການ​ຫລຸດຜ່ອນ​ຄວາມ​ເຄັ່ງ​ຕຶງ ຂອງ​ອຳນາດ​ການ​ປົກຄອງ​ເກົາຫຼີ​ເໜືອ.

ຜູ້ອຳນວຍການ​ສືບ​ລັບ​ແຫ່ງ​ຊາດ​ຂອງ​ສະຫະລັດ ທ່ານ James Clapper ​ໄດ້​ເດີນທາງ​ໄປ​ເຖິງ​ນະຄອນຫຼວງ​ໂຊ​ລ​ໃນຕົ້ນອາທິດ​ນີ້.

ທ່ານ Clapper ​ໄດ້​ພົບ​ປະ​ກັບ​ລັດ​ຖະມົນຕີ​ກະຊວງ​ປ້ອງ​ກັນ​ປະ​ເທດ​ເກົາຫລີ​ໃຕ້ ທ່ານ Han Min Koo ​ແລະ​ໄດ້​ປຶກສາ​ຫາລື​ກ່ຽວ​ກັບ​ບັນຫາ​ຄວາມ​ໝັ້ນຄົງ ອີງຕາມ​ລາຍ​ງານ​ຂອງ​ ອົງການ​ຂ່າວ​ຢອນ​ຮັບ​ຂອງ​ເກົາຫຼີ​ໃຕ້. ນອກ​ນັ້ນຍັງ​ມີ​ການ​ປຶກ ຫາ​ລື​ກ່ຽວ​ກັບ​ຄວາ​ມ​ເປັນໄປ ໄດ້​ ໃນ​ການ​ທົດ​ລອງ​ນິວ​ເຄລຍຄັ້ງ​ໃໝ່​ ຂອງ​ເກົາຫລີເໜືອນຳ​ດ້ວຍ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG