ລິ້ງ ສຳຫລັບເຂົ້າຫາ

ຈຳນວນ ຜູ້ເສຍຊີວິດ ຍ້ອນການໂຈມຕີ ຢູ່ນະຄອນ Brussels ຫຼຸດລົງເປັນ 32 ຄົນ.


ທະຫານແບລຢ້ຽມ ຢືນຍາມຢູ່ໃກ້ໆກັບບ່ອນໄວ້ອາໄລ ໃຫ້ພວກເຄາະຮ້າຍ ຈາກການໂຈມຕີທີ່ນະຄອນ Brussels.

ທະຫານແບລຢ້ຽມ ຢືນຍາມຢູ່ໃກ້ໆກັບບ່ອນໄວ້ອາໄລ ໃຫ້ພວກເຄາະຮ້າຍ ຈາກການໂຈມຕີທີ່ນະຄອນ Brussels.

ເຈົ້າໜ້າ​ທີ່​ແບລຢ້ຽມ​ ກ່າວ​ໃນ​ວັນ​ອັງຄານ​ວານ​ນີ້ວ່າ ຈຳນວນ​ຜູ້​
ເສຍ​ຊີວິດ ຍ້ອນ​ການ​ໂຈມ​ຕີ ​ຂອງພວກ​ກໍ່​ການ​ຮ້າຍ ​ໃນ​ອາທິດ
​ແລ້ວທີ່​ສະນາມ​ບິ​ນນາໆ​ຊາດ​ ແລະ​ສະຖານີລົດ​ໄຟໃຕ້​ດິນ​ທີ່​ນະ
ຄອນ Brussels ​ໄດ້​ປັບປ່ຽນໃຫ້ຫຼຸດລົງ​ເປັນ 32 ຄົນໂດຍບໍ່​ໄລ່
​ພວກ​ໂຈມຕີ​ດ້ວຍ​ລະ​ເບີດ​ສະຫຼະຊີບ​ສາມ​ຄົນ.

ກ່ອນ​ໜ້າ​ນີ້​ເຈົ້າໜ້າ​ທີ່​ເວົ້າວ່າຈຳນວນ​ຜູ້​ເສຍ​ຊີວິດ​ທັງ​ໝົດ​ແມ່ນ
35 ຄົນ ​ແລະ​ມີຄວາມ​ຜິດພາດ ​ກ່ຽວ​ກັບ​ການ​ນັບ​ສາມ​ຄົນ ​ທີ່​ຖື​
ສອງ​ສັນຊາດ​ຊ້ອນ.

​ທ່ານ​ນາງ Ine Van Wymersch ໂຄສົກ​ສຳນັກງານ ​ໄອ​ຍະ​
ການຂອງແບ​ລຢ້ຽມ ກ່າວ​ວ່າ ຜູ້​ເຄາະ​ຮ້າຍ​ທັງ​ໝົດ​ ຈາກ​ການ​ໂຈມ​ຕີ​ທັງ​ສອງ​ບ່ອນ​ ໃນ​ວັນ​
ອັງຄານ​ອາທິດຜ່ານ​ມາ ແມ່ນໄດ້​ຮັບ​ການ​ສັນ​ນະ​ສູດ​ແລ້ວຮວມທັງ​ຊາວ​ແບ​ລຢ້ຽມ 17 ຄົນ​
ແລະ​ຊາວຕ່າງປະ​ເທດ 15 ຄົນ.

ນອກ​ນັ້ນ​ເຈົ້າໜ້າ​ທີ່​ຍັງ​ກ່າວ​ວ່າ ມີຢ່າງ​ໜ້ອຍ 90 ຄົນ​ຍັງ​ຮັບ​ການ​ປິ່ນປົວ​ຢູ່​ທີ່​ໂຮງໝໍ ແລະ​
ຫລາຍ​ກວ່າ 40 ຄົນ ແມ່ນ​ຍັງ​ມີ​ອາການສາຫັດ​ຢູ່.

ຂະນະ​ດຽວ​ກັນ ສະຫະລັດ​ກ່າວ​ວ່າ ມີຫຼາຍຢ່າງຕື່ມ​ອີກທີ່ “ສາມາດແລະຕ້ອງເຮັດໃຫ້ສຳ
ເລັດໄດ້” ກ່ຽວກັບການເພີ່ມ ການແບ່ງປັນຂໍ້ມູນສືບລັບ ໃນຢູໂຣບຫຼັງຈາກການໂຈມຕີກໍ່
ການຮ້າຍທີ່ຮ້າຍແຮງ ໃນນະຄອນຫຼວງ Brussels ເມື່ອອາທິດ​ແລ້ວນີ້.

ໂຄສົກຂອງທຳນຽບຂາວ ທ່ານ Josh Earnest ໄດ້ກ່າວວ່າ ການໂຈມຕີ ທີ່ສະໜາມບິນ
ແລະ ສະຖານີລົດໄຟໃຕ້ດິນ​ໃນນະຄອນຫຼວງ Brussels ແມ່ນການເຕືອນໃຫ້ຮູ້ວ່າມັນມີ
ຄວາມສຳຄັນແນວໃດສຳລັບ “ຂໍ້ມູນຂັ້ນພື້ນຖານຂອງການສືບລັບແລະລະບຽບການດ້ານ
ຄວາມໝັ້ນຄົງແຫ່ງຊາດ” ທີ່ຕ້ອງປະຕິບັດຕາມນັ້ນ.

ທ່ານ​ໄດ້​ກ່າວ​ຢ້ ຳ​ເຖິງການ​ໃຫ້​ຄວາມ​ສະໜັບສະໜຸນ​ຂອງ​ສະຫະລັດ ​ຕໍ່​ແບ​ລຢ້ຽມ ໃນ​ລະ
ຫວ່າງ​ທີ່​ປະ​ເທດ​ດັ່ງກ່າວ​ພວມ​ທຳ​ການ​ສືບສວນ​ສອບ​ສວນ​ຢູ່​ນັ້ນ.

XS
SM
MD
LG