ລິ້ງ ສຳຫລັບເຂົ້າຫາ

ສະຫະລັດ ຈະຄ້ຳປະກັນ ເງິນກູ້ຢືມ ແກ່ ຕູນີເຊຍ (ວີດີໂອ)


ປະທານາທິບໍດີ Barack Obama (ຂວາ)ແລະ ນາຍົກລັດ ຖະມົນຕີ Tunisia ທ່ານ Mehdi Jomaa (ຊ້າຍ)

ປະທານາທິບໍດີ Barack Obama (ຂວາ)ແລະ ນາຍົກລັດ ຖະມົນຕີ Tunisia ທ່ານ Mehdi Jomaa (ຊ້າຍ)

ສະຫະລັດ ໄດ້ປະກາດ​ແຜນການ ທີ່​ຈະ​ສະໜອງການ​ຄຳ້
ປະກັນເງິນ​ກູ້​ຢືມ 500 ລ້ານ​ໂດ​ລາ​ ແກ່ ລັດຖະບານຕູ​ນີ​ເຊຍ.
ປະທາ​ນາ​ທິບໍດີ ສະຫະລັດ ທ່ານ Barack Obama ​ໄດ້​
ປະກາດ​ໃຫ້ການ​ຊ່ວຍ​ເຫລືອ​ ໃນ​ລະຫວ່າງ​ການ​ພົບ​ປະ ​
ໃນວັນ​ສຸກ​ວານ​ນີ້​ ກັບນາຍົກລັດຖະມົນຕີ ຊົ່ວຄາວ ຂອງ
ຕູ​ນີເຊຍ ທ່ານ Mehdi Jomaa.

ທ່ານ Obama ກ່າວ​ວ່າ ຕູ​ນີ​ເຊຍ​ໄດ້​ຮັບຄວາມ​ກ້າວ​ໜ້າ
​ຊຶ່ງໄດ້ມີ​ການຄາດ​ຫວັງ ​ໄວ້ ເຖິງ​ແມ່ນ​ວ່າ ໄດ້ປະເຊີນໜ້າ
ກັບບັນຫາ​ທ້າ​ທາຍຕ່າງໆ ອັນ​ເປັນ​ພາກ​ສ່ວນນຶ່ງ ຂອງ​ຂັ້ນ
ຕອນໃນການກ້າວໄປສູ່ປະຊາທິປະ​ໄຕໃດໆກໍຕາມ.

ການ​ຊ່ວຍ​ເຫລືອ​ເທື່ອໃໝ່​ນີ້ ມີ​ຂື້ນ​ໃນ​ຮູບການຄຳ້ປະກັນເງິນ​ກູ້​ຢືມ ທີ່​ເຮັດ​ໃຫ້​ງ່າຍ​ຂື້ນ​ ສຳລັບຕູນີເຊຍທີ່ຈະກູ້​ຢືມ​ເງິນ​ໃນ​ຕະຫລາດ​ສາກົນ. ສະຫະລັດ ​ໄດ້​ສະ​ເໜີ ໃຫ້ການ
ຄຳ້ປະກັນ 485 ລ້ານ​ໂດ​ລາ ​ໃນ​ປີ 2012.

ການ​ຊ່ວຍ​ເຫ​ລື​ອດັ່ງກ່າວນີ້ ​ມີ​ຂື້ນ​ສາມ​ປີ​ຫລັງ​ຈາກ ໄດ້ມີ​ການ​ປະທ້ວງ ຮຽກຮ້ອງ ເອົາ​ປະຊາທິປະ​ໄຕ ທີ່ໄດ້ຂັບ​ໄລ່ ປະທານາທິບໍດີ Zine al-Abidine Ben Ali ທີ່​ໄດ້​ປົກ
ຄອງ​ມາ​ຍາວ​ນານ ອອກ​ຈາກອໍານາດ ຊຶ່ງໄດ້​ກໍ່​ໃຫ້​ເກີດ​ຄື້ນຟອງ ຂອງ ການລຸກຮືຂຶ້ນທີ່
ຄ້າຍຄື​ກັນນີ້ ໃນ​ທົ່ວອາ​ຟຣິກາເໜືອແລະພາກຕາ​ເວັນ​ອອກ​ກາງ.​
XS
SM
MD
LG