ລິ້ງ ສຳຫລັບເຂົ້າຫາ

ການຊັກຊ້າ ຂອງກອງກຳລັງ ໂຈມຕີ ສຫລ ສ້າງຄວາມສັບສົນ ຕໍ່ນະໂຍບາຍ ເກົາຫຼີເໜືອ


ກຳປັ່ນບັນທຸກເຮືອບິນ USS Carl Vinson (CVN 70) ເດີນທາງຜ່ານຊ່ອງແຄບ Sunda. ກຸ່ມໂຈມຕີກຳປັ່ນ Carl Vinson Carrier ປະຕິບັດພາລະກິດປົກ ກະຕິກໃນເຂດມະຫາສະໝຸດປາຊີຟິກຕາເວັນຕົກ.

ບັນດານັກວິເຄາະກ່າວວ່າ ຂໍ້ຄວາມທີ່ສັບສົນ ຫຼື ຫຼອກລວງ ກ່ຽວກັບ ວ່າ ກຸ່ມກຳປັ່ນຂະ
ໜາດ​ໃຫຍ່ຂອງກອງທັບ​ເຮືອ ສະຫະລັດ ກຳລັງມຸ່ງໜ້າໄປນ່ານນໍ້ານອກແຫຼມເກົາຫຼີ ນັ້ນໄດ້ບ່ອນທຳລາຍຄວາມເຊື່ອຖືໃນການຂົ່ມຂູ່ໃຊ້ກຳລັງທະຫານຕໍ່ ເກົາຫຼີເໜືອ ຂອງ ສະຫະລັດ.

ທຳນຽບຂາວ ແລະ ກອງບັນຊາການ​ເຂດມະຫາສະໝຸດປາຊີຟິກຂອງ ກອງທັບ ສະຫະ
ລັດ ບໍ່ຄ່ອຍຈະມີຄວາມແນ່ນອນປານໃດໃນຕົ້ນເດືອນເມສານີ້ ເມື່ອພວກເຂົາເຈົ້າໄດ້
ກ່າວວ່າ ກຸ່ມກຳປັ່ນບັນທຸກເຮືອບິນ USS Carl Vinson ໄດ້ເດີນທາງໄປທະເລຍີ່ປຸ່ນ ເພື່ອທຳການຕອບໂຕ້ຕໍ່ການທ້າ​ທາຍ​ເກາະ​ຜິດຂອງ ເກົາຫຼີເໜືອ ຖ້າມີຄວາມຈຳເປັນ.

ກຳລັງໂຈມຕີຂອງ​ກອງທັບ​ເຮືອ ສະຫະລັດ ແມ່ນຍັງຢູ່ຫ່າງໄກ​ໄປທາງຕອນໃຕ້ຂອງມະ
ຫາສະໝຸດ ອິນເດຍ, ບ່ອນທີ່ພວກເຂົາເຈົ້າໄດ້ເຂົ້າຮ່ວມໃນການຝຶກຊ້ອມກັບປະເທດ ອອສເຕຣເລຍ. ກອງບັນຊາການ​ເຂດມະຫາສະໝຸດປາຊີຟິກ ໄດ້ກ່າວໃນວັນອັງຄານ
ວານນີ້ວ່າ ກຸ່ມໂຈມຕີດັ່ງກ່າວ ຕອນນີ້ຈະເຄື່ອນທີ່ໄປພາກຕາເວັນຕົກຂອງມະຫາສະ
ໝຸດປາຊີຟິກ ຕາມຄຳສັ່ງ.

ລາຍງານກ່ອນໜ້ານີ້ ກ່ຽວກັບ ກຸ່ມກຳປັ່ນບັນທຸກເຮືອບິນ ສະຫະລັດ ກຳລັງເດີນທາງ
ໄປ ເກົາຫຼີ ນັ້ນໄດ້ສ້າງຄວາມເປັນຫ່ວງວ່າ ທ່ານ ທຣຳ ອາດເປີດການໂຈມຕີທາງທະ
ຫານຝ່າຍດຽວ ເພື່ອປ້ອງກັນ ຫຼືຕອບໂຕ້ຕໍ່ຄວາມເປັນໄປໄດ້ ​ໃນການທົດລອງອາວຸດ
ນິວເຄລຍຂອງເກົາຫຼີເໜືອ ໃນວັນທີ 5 ເມສາທີ່ຜ່ານມາ, ເຊິ່ງເປັນວັນເກີດຂອງຜູ້ກໍ່ຕັ້ງ
ປະເທດ ທ່ານ Kim Il Sung, ທີ່ມັກຈະມີ​ການສະເຫຼີມສະຫຼອງດ້ວຍການທົດລອງອາ
ວຸດ ​ເພື່​ອ​ເປັນ​ການ​ທ້າ​ທາຍ.

ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ກ່າວໃນວັນທີ 12 ເມສາທີ່ຜ່ານມາ
ວ່າ “ພວກເຮົາກຳລັງສົ່ງກຸ່ມ​ກຳ​ປັ່ນ​ຂະໜາດ​ໃຫຍ່ ທີ່​ມີ​ອະນຸພາບ​ຮ້າຍ​ແຮງ ໄປຍັງ​
ພາກພື້ນ.”

ເກົາຫຼີເໜືອ ບໍ່ໄດ້ທຳການທົດລອງອາວຸດນິວເຄລຍໃນທ້າຍສັບປະດານັ້ນ ແຕ່ໄດ້ຈັດ
ການເດີນສວນສະໜາມກອງທັບຂະໜາດໃຫຍ່​ແທນ ແລະ ໄດ້ພະຍາຍາມທົດລອງຍິງ
ລູກສອນໄຟທີ່ໄດ້ປະສົບຄວາມລົ້ມແຫຼວ.

ຄວາມສັບສົນໃນການສື່ສານທີ່ຖືກຮັບຮູ້ນັ້ນ ໄດ້ເຮັດໃຫ້ຄຳເວົ້າອັນໜັກແໜ້ນທີ່ອອກ
ມາຈາກລັດຖະບານຂອງທ່ານ ທຣຳ ນັ້ນບໍ່ເປັນຕາເຊື່ອຖື.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG