ລິ້ງ ສຳຫລັບເຂົ້າຫາ

ສານສະຫະລັດ ຍົກເລີກຄະດີ ຟ້ອງທ່ານ Strauss-Kahn

  • ສິງ ບູຣົມມະວົງ

ທ່ານ Dominique Strauss-Kahn ອະດີດຫົວໜ້າກອງທຶນສາກົນ ແລະພັນລະຍາ ຍ່າງອອກຈາກສານໃນນະຄອນນີວຢອກ. ວັນທີ 23 ສິງຫາ 2011


















ຜູ້​ພິພາກສາ​ນະຄອນ​ນີວຢອກ​ໄດ້​ຍົກ​ເລີກ​ຄະດີ​ຂໍ້​ກ່າວ​ຫາລວນ​ລາມ​ທາງ​ເພດ​ຕໍ່​ທ່ານ Domi
nique Strauss-Kahn ອະດີດ​ຫົວໜ້າ​ກອງ​ທຶນ​ສາກົນຫລື IMF ນຶ່ງ​ມື້​ຫລັງ​ຈາກ​ພວກ​ໄອ​
ຍະ​ການ​ທໍາ​ການ​ເຄື່ອນ​ໄຫວເພື່ອ​ໃຫ້​ຍົກ​ເລີກ​ຄະດີ​ດັ່ງກ່າວ.

ຫລັງ​ຈາກ​ການ​ຍົກ​ເລີກ​ຄະດີ​ດັ່ງກ່າວ​ໃນ​ວັນ​ອັງຄານ​ວານ​ນີ້ ສາ​ນອຸທອນໄດ້​ປະຕິ​ເສດ​ຕໍ່​ຄໍາ​
ຮຽກຮ້ອງ​ຂອງ​ຜູ້​ກ່າວ​ຫາ​ທ່ານ Strauss-Kahn ເພື່ອໃຫ້​ຈັດ​ຕັ້ງ​ໄອ​ຍະ​ການ​ພິ​ເສດ​ຂຶ້ນ ​ສຳ
ລັບດໍາ​ເນີນ​ຄະດີ​ນີ້ຕໍ່​ໄປ​ນັ້ນ. ພວກ​ປະ​ທ້ວງ​ທີ່ພາກັນ​ໄປ​ໂຮມ​ຊຸມນຸມ​ກັນ​ຢູ່​ນອກ​ສານ ໃນ​ວັນ
ອັງຄານ​ວານ​ນີ້ພາກັນ​ຕໍາ​ໜິຕິຕຽນ​ໃນ​ການ​ເຄື່ອນ​ໄຫວ ຍົກ​ເລີກ​ຂໍ້​ກ່າວ​ຫາ​ດັ່ງກ່າວ​ນີ້.

ທ່ານ Strauss-Kahn ​ໄວ 62 ປີ​ ຕໍ່​ມາ​ກ່າວ​ວ່າ ​ໃນ​ລະຍະ​ຫລາຍ​ເດືອນ​ຜ່ານ​ມາ​ນີ້
ເປັນຄວາມຝັນ​ຮ້າຍ​ຫລື​ໜ້າ​ຢ້ານ​ກົວ​ສໍາລັບ​ທ່ານ​ແລະ​ຄອບຄົວ​ຂອງ​ທ່ານ. ​ໃນ​ຖະ​ແຫລ​ງ
ການ​ສະບັບ​ນຶ່ງ​ທີ່​ຂຽນ​ເປັນລາຍ​ລັກ​ອັກສອນ ​ທ່ານ​ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ​
ຕໍ່​ພວກ​ສະໜັບສະໜຸນ​ທ່ານ ​ແລະ​ກ່າວ​ຕື່ມ​ວ່າ ທ່ານ​ຂໍ​ສະ​ແດງ​ຄວາມ​ຮູ້​ບຸນຄຸນ​ທີ່ວ່າ​ໄອ
ຍະການ​ສານ​ຊັ້ນ​ຕົ້ນເຂດManhattan ​ໄດ້​ເຫັນ​ດີ​ໃຫ້​ຍົກ​ເລີກ​ຄະດີ​ນີ້.

ທ່ານ Strauss-Kahn ​ໄດ້​ຖືກ​ຈັບ​ກຸມ​ໃນ​ເດືອນ​ພຶດສະພາ​ຜ່ານ​ມາ ຫລັງ​ຈາກ​ຄົນ​ຮັບ​ໃຊ້​
ໃນ​ໂຮງ​ແຮມ​ກ່າວ​ຫາ​ທ່ານ​ວ່າ ລວນ​ລາມ​ທາງ​ເພດກັບ​ນາງ​ເວລາ​ນາງ​ເຂົ້າ​ໄປ​ທໍາ​ຄວາມ​ສະ
ອາດ​ໃນຫ້ອງ​ຂອງ​ທ່ານ​ທີ່ໂຮງ​ແຮມ​ທີ່​ຫລູຫລາ​ແຫ່ງ​ນຶ່ງ​ໃນ​ຄຸ້ມ Manhattan ນະຄອນ​ນີວ
ຢອກ​ນັ້ນ. ນາງ Nafissatou Diallo ທີ່​ເກີດ​ຢູ່​ໃນ​ປະ​ເທດ Guinea ​ໄດ້​ຕັ້ງ​ຂໍ້​ກ່າວ​ຫາ​ອະ
ດີດ​ຫົວໜ້າ​ບໍລິຫານ​ກອງ​ທຶນ​ສາ​ກົນ​ຫລື IMF ວ່າ​ປຸກປໍ້ານາງ​ທີ່​ໂຮງ​ແຮມ​ໃນ​ວັນ​ທີ 14 ພຶດ
ສະພາ​ຜ່ານ​ມາ. ພວກ​ທະນາຍຄວາມ​ຂອງ​ທ່ານ Strauss-Kahn ​ໄດ້​ປະຕິ​ເສດ​ຕໍ່​ຂໍ້​ກ່າວ​ຫາ
ດັ່ງກ່າວ ​ແລະ​ກ່າວ​ວ່າ ການ​ສົມສູ່​ທາງ​ເພດ​ໃດໆ​ກໍຕາມແມ່ນ​ໄດ້​ມີ​ຂຶ້ນ​ດ້ວຍ​ການ​ເຫັນ​ດີ​ເຫັນ​
ພ້ອມ​ນໍາ​ກັນ.

XS
SM
MD
LG