ລິ້ງ ສຳຫລັບເຂົ້າຫາ

ທ່ານ Kerry ກ່າວວ່າ ສຫລ ຍັງມີອິດທິພົນ ໃນການຕໍ່ລອງ ຢູ່ ຊີເຣຍ


ລັດຖະມົນຕີການຕ່າງປະເທດສະຫະລັດ ທ່ານ John Kerry ກ່າວໃນລະຫວ່າງກອງປະຊຸມຖະແຫຼງຂ່າວ ທີ່ວຽນນາ ປະເທດອອສເຕຣຍ. (27 ພຶດສະພາ 2026)

ລັດຖະມົນຕີການຕ່າງປະເທດສະຫະລັດ ທ່ານ John Kerry ກ່າວໃນລະຫວ່າງກອງປະຊຸມຖະແຫຼງຂ່າວ ທີ່ວຽນນາ ປະເທດອອສເຕຣຍ. (27 ພຶດສະພາ 2026)

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ກຳລັງ​ຊອກ​ຫາ​ຊ່ອງ​ທາງ ເພື່ອ​ຈະ​ກຳຈັດ​ຄວາມ​ນຶກ​ຄິດ​ທີ່​ວ່າ ​ສະຫະລັດ​ໄດ້​ສູນ​ເສຍ​ອິດທິພົນ​ຂອງ​ຕົນ​ໄປ​ແລ້ວ​ໃນ ຄວາມ​ພະຍາຍາມ​ ເພື່ອ​ຮັບ​ມື​ກັບ​ອຳນາດ​ການ​ປົກຄອງຊີ​ເຣຍ ຍ້ອນ​ການ​ໂຈມ​ຕີ​ທາງ​ອາ ກາດ​ຂອງ​ຣັດ​ເຊຍ ທີ່​ແນໃສ່​ເພື່ອ​ຍຶດຄືນ​ເອົາ​ດິນແດນ​ຈາກ​ພວກ​ຕໍ່ຕ້ານ.

ທ່ານ Kerry ໄດ້ກ່າວ​ໃນ​ວັນ​ອັງຄານ​ວານ​ນີ້ ຕໍ່​ການ​ຖະ​ແຫຼ​ງຂ່າວຫລັງ​ຈາກ​ກອງປະຊຸມ ນາໆ​ຊາດ​ຂອງ​ກຸ່ມ​ໃຫ້ການ​ສະໜັບສະໜຸນ​ຕໍ່​ຊີ​ເຣຍທີ່​ເອີ້ນຫຍໍ້​ ISSG ວ່າ ສະຫະລັດ​ອາ ເມຣິກາ​ແມ່ນ​ມີ​ອິດ​ທິພົນ​ໃນ​ການ​ຕໍ່​ລອງ​ສະ​ເໝີ​.

ຮູບພາບທີ່ພິມເຜີຍແຜ່ ໂດຍອົງການຂ່າວ SANA ຂອງທາງການຊີເຣຍ ທີ່ສະແດງໃຫ້ເຫັນ ປະຊາຊົນ ໄປໂຮມຊຸມນຸມກັນ ຢູ່ບ່ອນເກີດລະເບີດ ທີ່ບ້ານ Mukharam al-Fawkan ທາງກ້ຳຕາເວັນອອກ ຂອງເມືອງ Homs. (ວັນທີ 5 ພຶດສະພາ 2016)

ຮູບພາບທີ່ພິມເຜີຍແຜ່ ໂດຍອົງການຂ່າວ SANA ຂອງທາງການຊີເຣຍ ທີ່ສະແດງໃຫ້ເຫັນ ປະຊາຊົນ ໄປໂຮມຊຸມນຸມກັນ ຢູ່ບ່ອນເກີດລະເບີດ ທີ່ບ້ານ Mukharam al-Fawkan ທາງກ້ຳຕາເວັນອອກ ຂອງເມືອງ Homs. (ວັນທີ 5 ພຶດສະພາ 2016)

ທ່ານ Kerry ປາກົດ​ວ່າ ບໍ່​ຄ່ອຍ​ພໍ​ໃຈ​ປານ​ໃດ​ກັບ​ຄຳ​ຖາມ​ກ່ຽວ​ກັບ​ວ່າ​ສະຫະລັດ​ສູນ​ເສຍ ຄວາມ​ສາມາດ ​ໃນ​ການ​ໃຊ້​ຄວາມ​ກົດດັນ ​ຕໍ່ອຳນາດການ​ປົກຄອງ​ຂອງ​ປະທາ​ນາ​ທິບໍ​ດີ Barshar al-Assad ​ເພື່ອ​ໃຫ້​ປະຕິບັດ​ຕາມ​ຂໍ້​ຕົກລົງ​ຕ່າງໆ ຮວມທັງ​ປະຕິບັດ​ໂດຍ​ເຕັມ ຕໍ່ຂໍ້​ຕົກລົງ​ຢຸດ​ຍິງ ​ໃຫ້ການ​ສະໜັບສະໜຸນ ​ຕໍ່​ການ​ເຈລະຈາ ​ໃນ​ການ​ໂອນ​ອຳນາດ​ທາງ​ການ​ເມືອງ ​ແລະ​ອະນຸຍາດ​ໃຫ້​ຈັດ​ສົ່ງ​ການ​ຊ່ອຍ​ເຫລືອ ທາງ​ດ້ານ​ມະ​ນຸດ​ສະ​ທຳ​ ໄປ​ຍັງ ເຂດທີ່​ຖືກ​ປິດ​ລ້ອມ​ຕ່າງໆ​ແບບ​ບໍ່​ມີ​ການ​ຈຳກັດ.

ທ່ານ Kerry ກ່າວ​ວ່າ ຖ້າ​ທ່ານ Assad ​ໄດ້​ບັນລຸ​ ການ​ສະຫຼຸບ​ທີ່​ວ່າ ​ບໍ່​ມີ​ແຜນ B ​ແລ້ວ ຫຼັງຈາກ​ນັ້ນ ທ່ານ​ກໍ​ຈະ​ສະຫລຸບ​ວ່າ ນັ້ນ​ແມ່ນ​ບໍ່​ມີ​ພື້ນຖານ​ໃດໆ​ທັງ​ໝົດບໍ່​ວ່າ​ແມ່ນ​ຫຍັງ​ ກໍຕາມ

ທ່ານ​ກ່າວ​ວ່າ ອິດ​ທິພົນ​ໃນ​ການ​ຕໍ່​ລອງ​ໃຫຍ່​ທີ່​ສຸດ ​ກໍ​ແມ່ນ​ຄວາມ​ຈິງ​ທີ່​ວ່າ​ທ່ານ Assad ​ແລະ​ພວກ​ສະໜັບສະໜຸນ ຈະ​ບໍ່​ສາມາດ​ຍຸຕິ​ສົງຄາມໃນ​ຊີ​ເຣຍ​ໄດ້ ຖ້າພວກ​ເຂົາ​ຫາກ​ບໍ່​ ຍອມ​ເຈລະຈາຕົກລົງ​ເພື່ອແກ້ໄຂ​ທາງ​ດ້ານ​ການ​ເມືອງ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG