ລິ້ງ ສຳຫລັບເຂົ້າຫາ

ທ່ານນາງ ຄລິນຕັນ ເດີນທາງໄປເຖິງອິນເດຍ ເພື່ອການເຈລະຈາ

  • ທອງປານ ເທບວົງສາ

ທ່ານນາງ ຄລິນຕັນ ຂະນະພົບປະກັບທ່ານ Muhammad Yunus ຜູ້ກໍ່ ຕັ້ງທະນາຄານ Grameen ແລະຜູ້ໄດ້ຮັບລາງວັນ Nobel

ທ່ານນາງ ຄລິນຕັນ ຂະນະພົບປະກັບທ່ານ Muhammad Yunus ຜູ້ກໍ່ ຕັ້ງທະນາຄານ Grameen ແລະຜູ້ໄດ້ຮັບລາງວັນ Nobel

ຂະນະ​ນີ້ ​ທ່ານ​ນາງ ຮິ​ລ​ແລຣີ ຄລິນ​ຕັນ ລັດຖະມົນຕີ​ຕ່າງປະ​ເທດ​ສະຫະລັດ ກໍາລັງ​ຢູ່​ທີ່
​ປະ​ເທດ​ອິນ​ເດຍ ບ່ອນ​ທີ່ທ່ານ​ນາງ​ຈະ​ຮຽກຮ້ອງໃຫ້​ລັດຖະບານ​ອິນ​ເດຍ ລົດ​ປະລິ​ມານ
ການ​ນໍາ​ເຂົ້າ​ນໍ້າມັນຈາກ​ປະ​ເທດ​ອິຣ່ານ ທີ່​ຖືກລົງ​ໂທດ​ຢູ່​ໃນ​ເວ​ລາ​ນີ້.

ທ່ານ​ນາງ ຄລິນ​ຕັນ ​ໄດ້​ເດີນທາງ​ໄປ​ເຖິງ​ເມືອງ Kolkata ​ເມື່ອ​ວັນ​ອາທິດມື້​ນີ້ ຫລັງ​ຈາກ​
ທີ່​ນາງ​ໄດ້​ຢ້ຽມຢາມ​ປະ​ເທດ​ບັງ​ກລາເ​ເດ​ສ ​ແລະ​ຈີນ​ແລ້ວ. ທ່ານ​ນາງ​ຈະ​ເດີນທາງ​ຕໍ່​ໄປ
​ຍັງ​ນະຄອນຫລວງ​ນີວ​ເດລລີ​ ວັນຈັນ​ມື້​ອື່ນ​ນີ້ ​ເພື່ອ​ພົບ​ປະ​ກັບ​ບັນດາ​ເຈົ້າໜ້າ​ທີ່​ລະດັບ​ສູງ​
ຂອງ​ອິນ​ເດຍ.

ອິນ​ເດຍ​ໄດ້​ລົດ​ປະລິມານ​ການ​ເພິ່ງ​ພາ​ນໍ້າມັນ​ຈາກ​ອິຣ່ານລົງ​ໄປ​ແດ່​ແລ້ວ ​ແຕ່​ອິນ​ເດຍ ຊຶ່ງ
​ເປັນ​ປະ​ເທດ​ໃນຂົ​ງ​ເຂດ​ເອ​ເຊຍໃຕ້​ ​ແມ່ນ​ມີ​ຄວາມຕ້ອງການ​ພະລັງງານ​ຢ່າງ​ມະຫາສານ
ຍ້ອນ​ການ​ເຕີບ​ໂຕ​ເສດຖະກິດ​ຢ່າງວ່ອງ​ໄວ​ຂອງ​ຕົນ​ນັ້ນ. ອິ​ນ​ເດຍໄດ້​ຕໍາ​ໜິຕິຕຽນຢ່າງ
​ແຂງ​ຂັນ ຕໍ່​ກົດໝາຍ​ສະບັບ​ນຶ່ງຂອງ​ສະຫະລັດ​ທີ່​ນໍາ​ໃຊ້​ປະຕິບັດ​ການ​ລົງ​ໂທດ​ພວກ​ທະນາ
ຄານ​ຕ່າງໆ ປະ​ເທດ​ໃດ​ທີ່​ຊື້​ນໍ້ມັນ​ຈາກ​ອິຣ່ານນັ້ນ. ສະຫະລັດ​ແລະ​ພວກ​ປະ​ເທດ​ຕາ​ເວັນ
ຕົກ​ກໍາລັງ​ພາກັນ​ລົງ​ໂທດ​ອິຣ່ານ ຍ້ອນໂຄງການ​ນີວ​ເຄລຍທີ່​ກະຕືລື​ລົ້ນຂອງອິຣ່ານນັ້ນ.

ການ​ຢ້ຽມຢາມ​ອິນ​ເດຍຂອງ​ທ່ານ​ນາງ ຄລິນ​ຕັນ ​ແມ່ນ​ພໍດີບັງ​ເອີນ​ກັບ​ການໄປ​ຢ້ຽມຢາມ​
ອິນ​ເດຍຂອງພວກຜູ້​ຕາງ​ໜ້າການ​ຄ້າຂອງອິຣ່ານຄະນະ​ໃຫຍ່​ນຶ່ງ.

​ເມື່ອ​ຕອນ​ເຊົ້າວັນ​ອາທິດ​ມື້​ນີ້ ​ທີ່​ປະ​ເທດ​ບັງ​ກລາ​ເເດ​ສ ທ່ານ​ນາງ​ໄດ້​ບອກພວກ​ຜູ້​ຟັງ​ກຸ່ມ​ນຶ່ງ ​ເວລາ​ຖືກ​ຊັກ​ຖາມ​ຢ່າງເປີດ​ເຜີຍ​ທີ່​ເມືອງ Dhaka ວ່າ ທ່ານ​ນາງ​ສະ​ໜັບສະ​ໜຸນ​ການ​ປະຕິບັດ​ງານ​ຂອງ​ທະນາຄານ Grameen ​ແລະ​ຜູ້​ກໍ່​ຕັ້ງ​ ຄື​ທ່ານ Muhammad Yunus ຜູ້​ໄດ້​ຮັບ​ລາງວັນ​ໂນ​ແບ​ລນັ້ນ. ທ່ານ​ນາງຄລິນ​ຕັນ​ກ່າວ​ຕໍ່​ໄປ​ວ່າ ທີ່​ບໍ່​ຢາກ​ຈະ​ເຫັນ​ການ​ປະຕິບັດ​ງານ ຂອງ​ທ່ານ Yunus ຖືກ​ທໍາ​ໃຫ້​ອ່ອນ​ແອ​ລົງ​ໄປ ​ໂດຍ​ລັດຖະບານ​ບັງ​ກລາເ​ເດ​ສ ນັ້ນ.

ທ່ານ​ນາງ ຄລິນ​ຕັນ ​ໄດ້​ພົບ​ປະເປັນ​ກາ​ນສ່ວນ​ຕົວ​ກັບ​ທ່ານ Yunus ທີ່ຖືກ​ຂັບ​ໄລ່​ອອກ​ຈາກຕໍາ​ແໜ່​ງ​ຜູ້​ອໍານວຍ​ການບໍລິຫານ​ຂອງ​ທະນາຄານ Grameen ຜູ້ກໍ່​ຕັ້ງ​ໃຫ້​ເງິນ​ກູ້​ຢືມ​ຈໍານວນ​ໜ້ອຍ ​ເມື່ອ​ປີຜ່ານມາ​ຍ້ອນ​ອາຍຸ ພົ້ນ​ກະສຽນ​ນັ້ນ. ທ່ານ Yunus ມີ​ອາຍຸ 71 ປີ.

XS
SM
MD
LG