ລິ້ງ ສຳຫລັບເຂົ້າຫາ

ທະຫານສະຫະລັດ ຖືກຟ້ອງ 17 ກະທົງ ໃນການສັງຫານ ພົນລະເຮືອນອັຟການິສຖານ (ເບິ່ງວີດີໂອ)


ສິບເອກ Robert Bales ຖືກຟ້ອງ 17 ກະທົງ ໃນຂໍ້ຫາ ສັງຫານພົນລະເຮຶອນ

ເຈົ້າ​ໜ້າ​ທີ່ສະຫະລັດ ກ່າວ​ວ່າ ສິບ​ເອກ​ທະ​ຫານ​ສະຫະລັດ Robert Bales ຈະ​ຖືກຟ້ອງ
ຢ່າງ​ເປັນທາງ​ການ​ ໃນ​ວັນ​ສຸກ​ມື້ນີ້ ​ໃນ​ຄວາມ​ຜິດ ຖານ​ຂ້າ​ຄົນ​ຕາຍ 17 ກະທົງ​ ໃນ​ການ​
ສັງຫານ​ໝູ່​ ພົນລະ​ເຮືອນຊາວອັຟກາ​ນິສຖານ ​ໂດຍ​ການ​ຍິງ​ຢ່າງ​ບໍ່​ເລືອກໜ້າໃສ່​ສອງໝູ່​
ບ້ານ ທີ່ແຂວງ Kandahar ທາງ​ພາກ​ໃຕ້ອັຟກາ​ນິສຖານ.

ເຈົ້າ​ໜ້າ​ທີ່ກ່າວຕື່ມ​ວ່າ ນອກ​ນັ້ນສິບ​ເອກ Bales ຍັງ​ປະ​ເຊີນ​ກັບ​ຂໍ້​ຫາພະຍາຍາມ​ຂ້າ​ຄົນ
6 ກະທົງແລະອີກ 6 ກະທົງ​ໃນ​ການ​ທຸບຕີ ​ທີ່​ພົວພັນກັບ​ການ​ຍິງ​ສັງຫານ​ເມື່ອ​ວັນ​ທີ 11
ມີນາ​ຜ່ານ​ມາ.

ສິບ​ເອກ Bales ​ເປັນ​ທະຫານ​ຜ່ານ​ເສິກ​ 11 ປີ ​ໄດ້​ຖືກ​ຄຸມ​ຂັງ​ຢູ່​ທີ່​ຄຸກທະຫານແຫ່ງ​ນຶ່ງ​
ທີ່​ຄ້າຍ Fort Leavenworth ​ໃນລັດ Kansas. ລາວ​ຖືກ​ກ່າວ​ຫາ​ວ່າ ໄດ້​ຢ່າງ​ອອກ​ຈາກ​
ຄ້າຍ​ທະຫານບ່ອນ​ທີ່​ລາວ​ປະຈຳ ການ​ຢູ່ໃນພາກໃຕ້ຂອງອັ​ຟກາ​ນິສຖານ ທ່າມກາງ​ຄວາມ​
ມືດ ແລະໄດ້​ຍິງສັງຫານ​ເດັກນ້ອຍ​ຕາຍ​ເກົ້າ​ຄົນ ​ແລະ​ຜູ້​ໃຫ່ຍ​ແປດ​ຄົນ.

ພວກ​ຍາດ​ພີ່ນ້ອງຂອງ​ຊາວ​ອັຟກາ​ນິສຖານ​ທີ່​ເສຍ​ຊີວິດ​ໃນ​ການ​ສັງຫານ ໝູ່ຄັ້ງນີ້ກ່າວ​ໃນ​
ວັນ​ສຸກ​ມື້ນີ້ວ່າ ​ເຂົາ​ເຈົ້າຢາກ​ໃຫ້​ດຳ​ເນີນ​ຄະດີ​ ສິບ​ເອກ Bales ຢູ່​ທີ່​ອັຟກາ​ນິສຖານ.

ການສັງຫານພົນລະເຮືອນອັຟການິສຖານ ພາໃຫ້ມີການອະພິປາຍກ່ຽວກັບ
ພາລະກິດຂອງສະຫະລັດໃນອັຟການິສຖານ:

XS
SM
MD
LG