ສິບໂທ Bales ຖືກຕັດສິນ ຈຳຄຸກ ຕະຫຼອດ ຊີວິດ (ວີດີໂອ)

ສິບໂທທະຫານອາເມຣິກັນ ທີ່ໄດ້ສັງຫານພົນລະເຮືອນຊາວອັຟ
ການິສຖານ 16 ຄົນ ໃນປີກາຍນີ້ ໄດ້ຖືກຕັດສິນໂທດ ໃຫ້ຈຳຄຸກ
ຕະຫຼອດຊີວິດໂດຍປາດສະຈາກຄວາມເປັນໄປໄດ້ໃນການທີ່ຈະ ໄດ້ຮັບການຜ່ອນຜັນໂທດໃຫ້.

ຄະນະຕຸລາການ 6 ຄົນ ທີ່ຄ້າຍທະຫານແຫ່ງນຶ່ງໃນລັດວໍຊິງຕັນ ທາງພາກຕາເວັນຕົກຂອງສະຫະລັດໄດ້ທຳການຕັດສິນລົງໂທດ
ສິບໂທ Robert Bales ໃນວັນສຸກວານນີ້ ຫຼັງຈາກໄດ້ພິຈາລະ
ນາບໍ່ຮອດສອງຊົ່ວໂມງ.

ສິບໂທ Bales ອາຍຸ 40 ປີ ແມ່ນພວມຢູ່ໃນລະຫວ່າງການປະຕິ
ບັດງານຄັ້ງທີ 4 ເວລາລາວທຳການໂຈມຕີ ໃນຕອນກາງຄືນຂອງເດືອນມີນາ ປີ 2012.

ໃນອັນທີ່ໄດ້ກາຍມາເປັນທີ່ຮູ້ຈັກກັນໃນການສັງຫານໝູ່ທີ່ການດາຮານັ້ນສິບໂທ Bales ໄດ້ ຍ່າງໄປຫາສອງບ້ານ ທີ່ຕັ້ງຢູ່ໃກ້ຄຽງ ໃນແຂວງການດາຮາ ແລະກໍຍິງປືນເຂົ້າໃສ່ ພວກຊາວ ບ້ານ. ພວກເຄາະຮ້າຍສ່ວນໃຫຍ່ ເປັນແມ່ຍິງ ແລະເດັກນ້ອຍ ຮວມທັງ 11 ຄົນທີ່ຢູ່ໃນຄອບ
ຄົວດຽວກັນ.

ສິບໂທ Bales ໄດ້ຍອມຮັບຜິດຕໍ່ສານເມື່ອເດືອນມິຖຸນາຜ່ານມາກ່ຽວກັບການສັງຫານຊາວ ບ້ານດັ່ງກ່າວ ໃນການຕົກລົງກັບຄະນະໄອຍະການຂອງສານທະຫານ ເພື່ອຫຼີກລ່ຽງໂທດປະ ຫານຊີວິດ. ຄະນະຕຸລາການໄດ້ພິຈາລະນາເບິ່ງວ່າ ສິບໂທ Bales ມີໂອກາດ ທີ່ຈະໄດ້ຮັບ ການຜ່ອນຜັນໂທດໃຫ້ຫຼືບໍ່ ໃນໄລຍະໃດໄລຍະນຶ່ງ ແລະກໍໄດ້ຕັດສິນຄັດຄ້ານ ຕໍ່ຄວາມເປັນ ໄປໄດ້ດັ່ງກ່າວ.