ລິ້ງ ສຳຫລັບເຂົ້າຫາ

ຍານ Discovery ຖືກນຳມາສະແດງ ທີ່ຫໍພິພິດທະພັນ ເຂດວໍຊິງຕັນ (ເບິ່ງສະໄລດ໌ກັບວີດີໂອ)

  • ທອງປານ ເທບວົງສາ

ຍານອະວະກາດໄປກັບ Discovery (ຕັ້ງຢອງຢູ່ຫລັງເຮືອບິນໄອພົ່ນ 747) ທີ່ປົດກະສຽນການປະຕິບັດການ ແລະນໍາມາຕິດຕັ້ງຖາວອນທີ່ ຫໍພິພິດທະພັນທີ່ເຂດວໍຊິງຕັນດີຊີ

ຍານ​ອະວະກາດ​ໄປກັບ Discovery ຂອງ​ສະຫະລັດ ​ທີ່​ປົດ​ກະສຽນ​ປະຕິ ບັດ​ງານ​ແລ້ວ
ໄດ້​ຖືກ​ນໍາ​ມາລົງ​ທີ່​ສະໜາມ​ບິນ​ນາໆຊາດ Dulles Inter-national Airport ​ໃນ​ເຂດ​ພາກ
ເໜືອ​ຂອງ​ລັດ​ເວີ​ຈີ​ເນຍ ທີ່​ຈະ​ຖືກ​ນໍາ​ໄປ​ຕັ້ງສະ​ແດງເປັນ​ການ​ຖາວອນ​ທີ່​ຫໍພິພິດທະພັນ​ການ
ບິນໃນຂົງ​ເຂດນະຄອນ ຫຼວງວໍ​ຊິງຕັນ.

ຍານ​ອະວະກາດ ​ທີ່​ມີ​ອາຍຸ 28 ປີລຳ​ດັ່ງກ່າວ​ ​ໄດ້​ອອກເດີນທາງຈາກ​ສູນ​ກາງ​ຄວບ​ຄຸມອະ
ວະກາດ​ເຄນ​ເນ​ດີ້ ​ລັດ​ຟລໍຣິດາ ​ເມື່ອ​ວັນ​ອັງຄານວານ​ນີ້ໂດຍ​ໄດ້ຕິດ​ຕັ້ງ​ຢອງ​ໃສ່​ເທິງຫລັງເຮືອ
ບິນໄອ​ພົ່ນ​ໂບອິ້ງ 747 ທີ່​ອອກ​ແບບ​ພິ​ເສດ​ເພື່ອ​ຕິດ​ຕັ້ງຍານ​ອະວະ​ກາດ​ປະ​ເພດ​ນີ້​ຂອງ​ອົງ
ການ​ອະວະກາດ​ສະ ຫະລັດ ຫລື NASA ນັ້ນ.

ຍານ​ອະວະກາດ​ໄປ​ກັບ Discovery ​ໄດ້​ບິນ​ຜ່ານ​ສະຖານ​ສໍາຄັນໆຂອງ​ຂົງ​ເ​ຂດວໍ​ຊິງ​ຕັນ
ກ່ອນ​ຈະ​ລົງຈອດ​ທີ່​ສະໜາ​ມບິນ​ Dulles ຊຶ່ງ​ໂຮມ​ທັງ​ບິນ​ຜ່ານ ສະໜາມ​ຫລວງ​ແຫ່ງ​ຊາດ
ທີ່ພວກ​ຝຸງ​ຊົນ​ໄດ້ພາກັນ​ເຕົ້າ​ໂຮມ​ກັນ​ຊົມຫລື​ຖ່າຍຮູບຍານ​ດັ່ງກ່າວ​ຂະນະ​ທີ່ບິນ​ເວີ່ນ​ຢູ່​ເທິງ​
ຟ້າ​ນັ້ນ.

ຈາກ​ສະໜາມ​ບິນນາໆ​ຊາດ Dulles ຍານ Discovery ຈະ​ຖືກ​ນໍາ​ໄປຕັ້ງ ສະ​ແດງຢູ່ໃກ້​ສູນ
Udvar-Hazy ອັນ​ເປັນ​ພາກສ່ວນ​ນຶ່ງ​ຂອງຫໍພິພິດທະ​ພັນ​ອະວະກາດ​ແລະ​ການ​ບິນ​ແຫ່​ງ
ຊາດ​ Smithsonian ນັ້ນ.

ຖ້ຽວ​ບິນ​ຂຶ້ນສູ່​ອະວະກາດ​ຖ້ຽວ​ສຸດ​ທ້າ​ຍຂອງ​ຍານ​ Discovery ນີ້​ແມ່ນ​ເມື່ອ​ ນຶ່ງ​ປີກວ່າໆ
ຜ່ານມາ ທີ່​ບິນທະ​ຍານ​ຂຶ້ນ​ຈາກ​ສູນ​ກາງອະວະກາດ​ເຄນ​ເນ​ດີ້.

ອົງການ ນາ​ຊາ ​ໄດ້​ປົດ​ກະສຽນພວກ​ຍານ​ອະວະກາດ​ໄປ​ກັບ​ເມື່ອ​ປີຜ່ານມາ ​ເພື່ອ​ເພັ່ງ​ເລັງ
ໃສ່ ການ​ພັດທະນາ​ຍານ​ອະວະກາດ​ລຸ້ນ​ໃໝ່​ທັນ​ສະໄໝ ທີ່​ສາ ມາດ​ເດີນທາງ​ໄປ​ໄກ​ກວ່າ​ວົງ
ໂຄຈອນ​ອ້ອມ​ໂລກ​ນັ້ນ.

ເມື່ອ​ວັນ​ທີ່ 19 ​ເດືອນ​ເມສາ​ນີ້ ຍານ​ Discovery ຈະ​ຖືກນໍາ​ອອກ​ສະ​ແດງ ອັນ​ເປັນ​ພາກສ່ວນ
ການ​ສະ​ສົມ​ ຂອງ​ສູນ​ກາງ Udvar-Hazy ຕັ້ງຢູ່​ບໍ່​ໄກ ນອກ​ເຂດ​ນະ​ຄອນ​ຫລວງ​ວໍ​ຊິງ​ຕັນ​.
ບັນດາ​ອະດີດ​ຜູ້​ໂດຍສານ​ທີ່​ມີຊື່ສຽງ​ບາງຄົນ​ຂອງ​ຍານ​ Discovery ນີ້ ກໍ​ຈະ​ເຂົ້າຮ່ວມ​ໃນ​
ພິທີ ທີ່​ໂຮມ​ທັງ​ນັກ​ບິນອະວະກາດ John Glen ຊຶ່ງ​ເປັນ​ນັກບິນ​ອະວະກາດ​ຄົນ​ທໍາ​ອິດທີ່​ບິນ​
ໂຄ​ຈອນ​ອ້ອມ​ໂລກ​ໃນ​ປີ 1962 ແລະ​ທ່ານ​ໄດ້​ກັບ​ຄືນ​ໄປ​ທ່ອງ​ອະວະກາດ​ ອີກ​ກັບ​ຍານ
Discovery ​ໃນ​ປີ 1998.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG