ບັນດາເຈົ້າໜ້າທີ່ປ້ອງກັນປະເທດ ສະຫະລັດ ກ່າວວ່າ ເຮືອບິນ
B-52 ສອງລຳ ໄດ້ບິນຢູ່ໃກ້ກັບບັນດາໝູ່ເກາະ ບ່ອນທີ່ໂຕ້ຖຽງ
ກັນໃນທະເລຈີນໃຕ້ ໃນຕົ້ນອາທິດນີ້ ແລະໄດ້ຮັບການເຕືອນ
ທາງປາກຈາກຈີນ ຢູ່ຫໍຄວບຄຸມທາງພາກພື້ນດິນອັນເປັນເຫດ
ການເທື່ອຫລ້າສຸດ ທີ່ ວໍຊິງຕັນ ໄດ້ທ້າທາຍ ການຂະຫຍາຍ
ການອ້າງເອົາດິນແດນຂອງ ຈີນ ຢູ່ທີ່ນັ້ນ.
ບັນດາເຣືອບິນຖີ້ມລະເບີດ ທີ່ຂຶ້ນຈາກ ແລະກັຍຄືນມາຖານ
ທັບສະຫະລັດ ຢູ່ເກາະ Guam “ໄດ້ປະຕິບັດງານເປັນປະຈຳ
ຢູ່ນ່ານຟ້າສາກົນ ໃນເຂດໝູ່ເກາະ Spratly” ໃນເດືອນພະຈິກ
ທີ 8 ແລະ 9 ອ້າງອີງຕາມຜູ້ບັນຊາການ ທ່ານ Bill Urban ໂຄ
ສົກທຳນຽບຫ້າແຈ ກ່າວໃນ ວັນພະຫັດວານນີ້.
ທ່ານ Urban ກ່າວວ່າ ເຮືອບິນສອງລຳ “ໄດ້ຮັບຄຳເຕືອນຈາກປາກສອງເທຶ່ອ ຈາກຫໍຄວບຄຸມຈີນ ຢູ່ພາກພື້ນດິນ ເຖິງແມ່ນບໍ່ໄດ້ເຂົ້າໄປໃກ້ລະຫວ່າງລັດສະໝີ 15 ໄມລ ຫລື 28 ກິໂລແມດໃນທິດທາງໃດ.” “ເຮືອບິນສອງລຳໄດ້ດຳເນີນການປະຕິບັດງານຂອງເຂົາເຈົ້າ ປາດສະຈາກອຸປະຕິເຫດ ແລະຕະຫລອດເວລາ ໄດ້ປະຕິບັດງານຢ່າງເຕັມທີ່ ຕາມກົດໝາຍສາກົນ.”
ເລຂາທິການຂ່າວທຳນຽບຫ້າແຈ ທ່ານ Peter Cook ຍັງໄດ້ຢືນຢັນການບິນ ທີ່ທ່ານກ່າວວ່າ ບໍ່ໄດ້ອອກນອກຈາກຄວາມເປັນປົກກະຕິ.” ທ່ານໄດ້ກ່າວລະຫວ່າງກອງປະຊຸມນັກຂ່າວໃນວັນພະຫັດວານນີ້.
ໂຄສົກກະຊວງຕ່າງປະເທດຈີນ ທ່ານ Hong Lei ໃນວັນສຸກມື້ນີ້ ກ່າວວ່າ ປັກກິ່ງ ບໍ່ເຫັນດີ “ການປະຕິບັດງານ ທີ່ທໍາລາຍຄວາມເປັນເອກກະລາດຂອງຈີນ ແລະຄວາມໝັ້ນຄົງ ພາຍ
ໃຕ້ຂໍ້ແກ້ໂຕຂອງ ການບິນຢ່າງເສລີ ແລະການບິນຜ່ານ.”
