ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສະມາຊິກ ສະພາສູງ ຈະຟັງລາຍງານລັບ ທີ່ ທຳນຽບຂາວ ກ່ຽວກັບ ການຂົ່ມຂູ່ ຂອງ ເກົາຫຼີເໜືອ


ທະຫານລົດຖັງຄັນນຶ່ງ ກຳລັງສວນສະໜາມຢູ່ ຈະຕຸລັດ Kim Il Sung ໃນນະຄອນພຽງຢາງ ປະເທດເກົາຫລີເໜືອ.
ທະຫານລົດຖັງຄັນນຶ່ງ ກຳລັງສວນສະໜາມຢູ່ ຈະຕຸລັດ Kim Il Sung ໃນນະຄອນພຽງຢາງ ປະເທດເກົາຫລີເໜືອ.

ສະມາຊິກ​ສະພາ​ສູງ​ທັງ​ໝົດ 100 ຄົນ​ ໄດ້​ຖືກ​ເຊີນ​ໄປ​ທຳນຽບຂາວ​ ໃນ​ວັນ​ພຸດ​ມື້​ ອື່ນ​ນີ້
​ເພື່ອ​ຟັງ​ລາຍ​ງານ​ລັບ ຊຶ່ງ​ຕົ້ນຕໍ່​ແລ້ວ​ແມ່ນຄວາ​ມ​ເປັນ​ຫ່ວງກ່ຽວ​ກັບ​ເກົາຫລີ​ເໜືອ ທີ່​ລັດ
​ຖະ​ບານ​ສະຫະລັດ ໄດ້​ປະກາດ​ໃນ​ວັນ​ຈັນ​ວານ​ນີ້.

ລາຍ​ງານ​ນີ້ ຈະ​ແມ່ນ​ລັດຖະມົນຕີ​ກະຊວງປ້ອງ​ກັນ​ປະ​ເທດ ທ່ານ Jim Mattis ລັດຖະ
ມົນຕີ​ຕ່າງ​ປະ​ເທດ ທ່ານ Rex Tillerson ຫົວໜ້າ​ຫ້ອງການ​ສືບ​ລັບ​ແຫ່ງ​ຊາດ ທ່ານ
Dan Coast ​ແລະປະທານ​ເສນາ​ທິການ​ຮ່ວມຂອງກອງ​ທັບສະຫະ ລັດ ນາຍ​ພົນ
Joe Dunford ​ເປັນ​ຜູ້​ໃຫ້ການ​ຊີ້​ແຈງ.

ລັດຖະມົນຕີປ້ອງກັນປະເທດ ທ່ານ Jim Mattis, ຊ້າຍ, ຍ່າງກັບ ລັດຖະມົນຕີຕ່າງປະເທດ ທ່ານ Rex Tillerson ທີ່ ທໍານຽບຂາວ.
ລັດຖະມົນຕີປ້ອງກັນປະເທດ ທ່ານ Jim Mattis, ຊ້າຍ, ຍ່າງກັບ ລັດຖະມົນຕີຕ່າງປະເທດ ທ່ານ Rex Tillerson ທີ່ ທໍານຽບຂາວ.

​ໃນ​ຂະນະ​ທີ່​ບັນດາ​ສະມາຊິກ​ສະພາ ມັກຈະ​ໄດ້​ຟັງ​ລາຍ​ງານ​ລັບ​ຢູ່​ທີ່ລັດຖະສະພາ ແຕ່
​ເປັນ​ເລື່ອງແປກ ທີ່​ພວກທ່ານຈະໄດ້​ຟັງ​ລາຍ​ງານ​ນີ້ ​ຢູ່​ທຳນຽບຂາວ ​ແລະ​ສະ​ມາ​ຊິກ​
ສະພາ​ສູງ​ທັງ​ໝົດ ຈະເຂົ້າຮ່ວມ​ນຳ​ດ້ວຍ​.

​ໃນລະຫວ່າງ​ການ​ຮັບ​ປະທານ​ອາຫານ​ທ່ຽງ​ຢູ່​ທຳນຽບຂາວ ​ກັບບັນດາ​ເອກ​ອັກຄະ​ລັດ
ຖະທູດທີ່​ເປັນສະມາຊິກ​ຄວາມ​ໝັ້ນຄົງຂອງ​ສະຫະ​ປະຊາ​ຊາດ​ໃນ​ວັນ​ຈັນ​ວານ​ນີ້ ປະ
ທາ​ນາ​ທິບໍດີ​ສະຫະລັດ ຮ້ອງ​ “ສະພາບ​ການ ທີ່​ເປັນ​ຢູ່​ໃນ​ເກົາຫຼີ​ເໜືອ” ​ເວລາ​ນີ້ ເປັນ​ທີ່
​ຮັບ​ເອົາ​ບໍ່​ໄດ້.​

ປະທານາທິບໍດີ Donald Trump, ຂວາ, ແລະນາຍົກລັດຖະມົນຕີຍີ່ປຸ່ນ ທ່ານ Shinzo Abe.
ປະທານາທິບໍດີ Donald Trump, ຂວາ, ແລະນາຍົກລັດຖະມົນຕີຍີ່ປຸ່ນ ທ່ານ Shinzo Abe.

ປະທານາທິບໍດີ​ທຣຳ ກ່າວ​ວ່າ ສະພາ​ຄວາມ​ໝັ້ນຄົງ​ຕ້ອງ​ກະກຽ​ມ ການ​ລົງ​ໂທດ​ເພີ້​ມ
​ຕື່ມ ​ແລະ​ແຮງ​ຂຶ້ນ​ຕໍ່​ໂຄງການນິວ​ເຄລຍແລະ​ລູກ​ສອນ​ໄຟ​ຂີ​ປະ​ນາ​ວຸດຂອງ ເກົາຫລີ​ເໜືອ.

ປະທານາທິບໍດີ ດໍໂນລ ທຣໍາ ແລະປະທານປະເທດຈີນ ທ່ານ Xi Jinping.
ປະທານາທິບໍດີ ດໍໂນລ ທຣໍາ ແລະປະທານປະເທດຈີນ ທ່ານ Xi Jinping.

ປະທານາທິບໍດີ​ໄດ້​ກ່າວ​ເພີ້ມວ່າ “​ເກົາ​ຫລີ​ເໜືອ​ເປັນ​ບັນຫາອັນ​ໃຫຍ່ ສຳລັບໂລກ​ ​ແລະເປັນບັນຫາ​ຊຶ່ງ​ໃນ​ທີ່​ສຸດ​ພວກ​ເຮົາ​ຕ້ອງ​ໄດ້ແກ້​ໄຂ​. ຜູ້ຄົນໄດ້​ຖືກ​ອັດຕາ​ມາ​ໄດ້​
ຫລາຍ​ທົດ​ສະ​ວັດແລ້ວ ​ແລະ​ບັດ​ນີ້​ເຖິງ​ເວລາແລ້ວທີ່​ຕ້ອງແກ້​ໄຂ​ບັນ​ຫາດັ່ງກ່າວ.”

ກຳປັ່ນບັນທຸກເຮືອບິນ USS Carl Vinson (CVN 70) ຢູ່ທີ່ມະຫາສະມຸດອິນເດຍ.
ກຳປັ່ນບັນທຸກເຮືອບິນ USS Carl Vinson (CVN 70) ຢູ່ທີ່ມະຫາສະມຸດອິນເດຍ.

ອີງ​ຕາມ​ທຳນຽບຂາວ​ແລ້ວ ການ​ໃຫ້​ຄວາມ​ເຫັນ​ດັ່ງກ່າວ ມີ​ຂື້ນ​ ຫລັງ​ຈາກປະທາ ນາທິ
ບໍດີ​ທຣໍາ ​ໄດ້​ໂທລະສັບ ເທື່ອ​ຫລ້າ​ສຸດ ​ໄປ​ໂອ້​ລົມ​ກັບບັນດາ​ຜູ້ນຳ​ຍີ່ປຸ່ນ ຈີນ ​ແລະເຢຍ
ຣະ​ມັນ ​ເພື່ອ​ຫາລື ​ໃນຄວາມ​ເປັນ​ຫ່ວງ​ ກ່ຽວ​ກັບ​ເກົາຫລີ​ເໜືອ. ການ​ໂທລະສັບ​ຂອງ​
ທ່ານ​ເທື່ອ​ຫລ້າສຸດ ໄດ້​ມີ​ຂຶ້ນ​ບໍ່​ດົນ​ກ່ອນ​ການ​ພົບ​ປະ​ກັບ​ບັນດາ​ນັກເອກ​ອັກຄະ​ລັດຖະ​
ທູດ​ໃນຕອນ​ເຊົ້າວັນ​ຈັນ​ວານ​ນີ້ ກັບ​ນາຍົກລັດຖະມົນຕີ​ເຢຍຣະ ມັນ ທ່ານ​ນາງ Angela
Merkel ​ເພື່ອຫາລື ກ່ຽວ​ກັບ “ບັນຫາ​ທ້າ​ທາຍສຸກ​ເສີນ​ໃນ​ດ້ານຄວາມ​ໝັ້ນຄົງ​” ທີ່​ມາ​
ຈາກ​ເກົາຫລີ​ເໜືອ.

ຮູບພາບທີ່ສະແດງໃຫ້ເຫັນຕຶກ ມະຫາວິທະຍາໄລ ວິທະຍາສາດ ແລະເທັກໂນໂລຈີ ທີ່ນະຄອນພຽງຢາງ.
ຮູບພາບທີ່ສະແດງໃຫ້ເຫັນຕຶກ ມະຫາວິທະຍາໄລ ວິທະຍາສາດ ແລະເທັກໂນໂລຈີ ທີ່ນະຄອນພຽງຢາງ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG