ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະມາຊິກ ສະພາ ເຂົ້າຮ່ວມ ກອງປະຊຸມລັບ ກ່ຽວກັບໄພຂົ່ມຂູ່ ຈາກເກົາຫຼີເໜືອ


ລັດຖະມົນຕີປ້ອງກັນປະເທດ Jim Mattis, ຊ້າຍ, ແລະປະທານເສນາທິການຮ່ວມ ພົນເອກ Joseph Dunford ໂອ້ລົມ ສົນທະນາກັນ ໃນຂະນະທີ່ເດີນເຂົ້າ ຫ້ອງປະຊຸມ ຂອງຕຶກ Eisenhower ໃກ້ທຳນຽບຂາວ ທີ່ວໍຊີງຕັນ, 26 ເມສາ, 2017.
ລັດຖະມົນຕີປ້ອງກັນປະເທດ Jim Mattis, ຊ້າຍ, ແລະປະທານເສນາທິການຮ່ວມ ພົນເອກ Joseph Dunford ໂອ້ລົມ ສົນທະນາກັນ ໃນຂະນະທີ່ເດີນເຂົ້າ ຫ້ອງປະຊຸມ ຂອງຕຶກ Eisenhower ໃກ້ທຳນຽບຂາວ ທີ່ວໍຊີງຕັນ, 26 ເມສາ, 2017.

ສະມາຊິກ​ຈາກທັງ​ສະພາຕ່ຳ​ ແລະສະພາ​ສູງສະຫະລັດ ​ໄດ້​ຮັບ​ຟັງ​ລາຍ​ງານ​ລັບ​ພິ​ເສດ
ຈາກ​ລັດຖະບານ​ ​ໃນ​ວັນ​ພຸດ​ວານ​ນີ້.

ພວກ​ທີ່​ໄດ້​ເຂົ້າ​ຮ່ວມ ​ສາມາດ​ຖາມ​ຄຳ​ຖາມ​ໄດ້​ ກັບຄະນະ​ຮັກສາ​ຄວາມ​ປອດ​ໄພ​ແຫ່ງ​
ຊາດຂອງ​ປະທານາທິບໍດີີແລະ​ຮຽນ​ຮູ້​ກ່ຽວ​ກັບ “ທາງ​ເລືອກໃນ​ຂອບ​ເຂດ​ທີ່​ກ້ວາງ​ຂວາງ
ທີ່​ຈະກຳຈັດ​ໄພ​ຂົ່ມ​ຂູ່​
” ຂອງ​ເກົາຫຼີ​ເໜືອ ຊຶ່ງ​ເຈົ້າ​ໜ້າ​ທີ່​ຂັ້ນ​ສູງ​ຂອງ​ລັດຖະບານ​ໄດ້​ອະທິບາຍ
ວ່າ“​ມີ​ຄວາ​ມຮ້າຍ​ແຮງ” ທີ່​ມາຈາກ ອຳນາດ​ການ​ປົກຄອງ​ທີ່​ໂຫດຮ້າຍ​ປ່າ​ເຖື່ອນ ​ແລະ​ບໍ່​
ສາມາດ​ທຳນາຍ​ໄດ້ ຂອງ Kim Jong Un.

ສະມາຊິກສະພາສູງ ທ່ານ Chris Coons, ພັກ Demorats ຈາກລັດ Del.,ກ່າວກັບພວກນັກຂ່າວ 100 ທ່ານ ທີ່ເຂົ້າຮ່ວມກອງປະຊຸມ ກ່ຽວກັບເກົາຫຼີເໜືອ ໃນຕຶກຝ່າຍບໍລິຫານ Eisenhower ໃນທຳນຽບຂາວ, ວໍລີງຕັນ, 26 ເມສາ, 2017.
ສະມາຊິກສະພາສູງ ທ່ານ Chris Coons, ພັກ Demorats ຈາກລັດ Del.,ກ່າວກັບພວກນັກຂ່າວ 100 ທ່ານ ທີ່ເຂົ້າຮ່ວມກອງປະຊຸມ ກ່ຽວກັບເກົາຫຼີເໜືອ ໃນຕຶກຝ່າຍບໍລິຫານ Eisenhower ໃນທຳນຽບຂາວ, ວໍລີງຕັນ, 26 ເມສາ, 2017.

ສະມາຊິກ​ສະພາສູງ ທັງ 100 ທ່ານ ​ໄດ້​ຮວມຕົວ​ກັນ ​ໃນ​ຕອນ​ບ່າຍ ທີ່ຫໍປະຊຸມ ທີ່ຫ້ອງ
ການຝ່າຍບໍລິຫານ ​ໃກ້ໆກັບທຳນຽບຂາວ ​ເພື່ອ​ຮັບ​ຟັງ​ລາຍ​ງານ ທີ່ນຳພາໂດຍລັດຖະ
ມົນຕີປ້ອງກັນປະເທດ Jim Mattis, ລັດຖະມົນຕີການຕ່າງປະເທດ Rex Tillerson,
ທ່ານ Dan Coats ຜູ້ອຳນວຍການ ອົງການ​ສືບ​ລັບ​ແຫ່ງ​ຊາດ ​ແລະ​ປະທານ​ເສນາ​
ທິການ​ຮ່ວມ ທ່າ​ນ Joshep Dunford.

ປະທານາທິບໍ​ດີສະຫະລັດ ທ່ານ ດໍ​ໂນ​ລ ທຣຳ ກໍໄດ້​ເຂົ້າ​ຮ່ວມ​ຮັບ​ຟັງ​ນຳ ​ເປັນ​ເວລາ​ສັ້ນໆ ​
ແລະ​ເອີ້ນ​ກອງ​ປະຊຸມ​ນີ້​ວ່າ “​ເປັນ​ກອງ​ປະຊຸມ​ສຳຄັນ​ຍິ່ງ.”

ກຳປັ່ນບັນທຸກເຮືອບິນລົບ USS Carl Vinson (CVN 70) ກຳລັງມຸ່ງໜ້າໄປຍັງມະຫາສະໝຸດ, 15 ເມສາ, 2017.
ກຳປັ່ນບັນທຸກເຮືອບິນລົບ USS Carl Vinson (CVN 70) ກຳລັງມຸ່ງໜ້າໄປຍັງມະຫາສະໝຸດ, 15 ເມສາ, 2017.

“​ໃນ​ເປັນ​ກອງ​ປະຊຸ​ມທີ່​ເຄັ່ງຂຶມ ຊຶ່ງ​ເປັນທີ່​ແຈ້ງ​ຂາວວ່າ​ໄດ້​ມີ​ການຄົ້ນຄິດ​ແລະ​ວາງ​ແຜນ ຫຼາຍສ່ຳ​ໃດ​ກ່ຽວ​ກັບ​ທາງ​ເລືອກ​ທາງ​ທະຫານ ຖ້າ​ຫາກ​ວ່າ ມີ​ການ​ຮຽກຮ້ອງຕ້ອງການ ​
ແລະຍຸດ​ທະ​ສາດ​ທາງ​ການ​ທູດ ທີ່​ໄດ້ເຮັດ​ຂ້າພະ​ເຈົ້າ​ໄດ້​ເຫັນ ​ແບບຕາ​ສະຫວ່າງ
ພ້ອມ​ທັງການກະກຽມ​ທີ່​ສົມສ່ວນ ຕໍ່​ໄພ​ຂົ່ມຂູ່​ນີ້​”
ນັ້ນຄື​ຄຳ​ເວົ້າ ຂອງ​ທ່ານ Christ
Coons ສະມາ​ຊິກຂອງ​ຄະນະ​ກຳມະການ​ຄວາມ​ສຳພັນພັນກັບ​ຕ່າງປະ​ເທດ ​ໄດ້​ບອກ
​ກັບ​ພວກ​ນັກ​ຂ່າວ ຫຼັງ​ຈາກ​ນັ້ນ.

ກ່ອນ​ທີ່​ ພວກລາຍ​ງານຈະມຸ່ງ​ໜ້າ​ໄປ​ຍັງ​ລັດຖະສະພາ ​ເພື່ອ​ໃຫ້​ການ​ສົນທະນາ​ທີ່​ຄ້າຍ
ຄື​ກັນ​ນີ້ ຊຶ່ງສະມາຊິກ​ສະພາ​ຕ່ຳທັງ​ໝົດ 431 ທ່ານ ​ໄດ້​ຖືກ​ເຊື້ອ​ເຊີນ​ໃຫ້​ເຂົ້າ​ຮ່ວມ​ນັ້ນ
ຖະ​ແຫຼ​ງການ​ຮ່ວມ ຂອງທ່ານ Tillerson ​ແລະ​ທ່ານ Coats ​ໄດ້​ເຕືອນ​ວ່າ “ພວກ​ເຮົາ​
ຍັງ​ສືບ​ຕໍ່​ຕຽມ​ພ້ອມ ​ເພື່ອ​ປົກ​ປ້ອງ​ພວກ​ເຮົາ​ເອງ ​ແລະພັນທະ​ມິດ ຂອງ​ພວກ​ເຮົາ”

ຖ້າ​ຫາກ​ວ່າ ການ​ເຈລະຈາ​ທາງ​ການ​ທູດ​ ​ປະສົບ​ກັບ​ຄວາມ​ລົ້ມ​ແຫຼວ ບໍ່​ສາມາດແກ້​ໄຂ
ການ​ຊອກ​ສະ​ແຫວ​ງຫາ ​ອາວຸດ​ນິວ​ເຄລຍ ​ແລະ​ອາວຸດ​ທີ່​ມີ​ອະນຸ​ພາບ​ຮ້າຍ​ແຮງຂອງ
​ເກົາຫຼີ​ເໜືອ​ໄດ້.

ຜູ້ນຳ​ສຽງ​ສ່ວນ​ຫຼາຍ​ຂອງ​ສະພາ​ສູງ ທ່ານ Mitch McConnell ​ໄດ້​ກ່າວ​ວ່າ ຄວາມ​ບໍ່
​ແນ່​ນອນ​ຂອງເກົາຫຼີ​ເໜືອ ​ໄດ້​ພາ​ໃຫ້​ທ່ານ ຂໍ​ຮ້ອງ​ຕໍ່​ປະທານາທິບໍດີວ່າ ​ໃຫ້​ມີ​ລາຍ
​ງານ​ລັບຕໍ່​ສະພາ​ສູງ​ຄົບ​ຄະນະ​ທັງ​ໝົດ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ເຊີນຊົມ: ບັນດາສະມາຊິກສະພາ ອອກຄວາມເຫັນກ່ຽວກັບການຂົ່ມຂູ່ຂອງເກົາຫຼີເໜືອ

US Lawmakers Briefed on North Korean Threat
please wait

No media source currently available

0:00 0:02:23 0:00

XS
SM
MD
LG