ລັດຖະສະພາສະຫະລັດ ແມ່ນມີໝາຍກຳນົດທີ່ຈະສືບຕໍ່ອະພິປາຍ
ກັນຕື່ມອີກໃນວັນອັງຄານມື້ນີ້ ກ່ຽວກັບຮ່າງກົດໝາຍທີ່ຈະໃຫ້
ໂອກາດແກ່ລັດຖະສະພາທົບທວນຄືນຂໍ້ຕົກລົງນິວເຄລຍ ໃດໆ
ກໍຕາມທີ່ອາດມີຂຶ້ນລະຫວ່າງອີຣ່ານ ແລະກຸ່ມ 6 ປະເທດທະຫາ
ອຳນາດຂອງໂລກ.
ຮ່າງກົດໝາຍດັ່ງກ່າວ ຕ້ອງໄດ້ຜ່ານການລົງຄະແນນສຽງຂອງ
ສະພາສູງເສຍກ່ອນ ແລະຫຼັງຈາກນັ້ນກໍຈະແມ່ນການລົງຄະແນນ
ສຽງຂອງສະພາຕ່ຳ ກ່ອນທີ່ຈະສົ່ງໄປໃຫ້ປະທານາທິບໍດີສະຫະລັດ
ທ່ານ ບາຣັກ ໂອບາມາ ທີ່ໃຫ້ສັນຍານວ່າ ທ່ານຈະລົງນາມໃນ
ຮ່າງກົດໝາຍທີ່ວ່ານີ້.
ບັນດາສະມາຊິກສະພາຕ້ອງການທີ່ຈະກວດສອບເບິ່ງເນື້ອຫາສາລະຂອງຂໍ້ຕົກລົງນິວເຄລຍ
ເພື່ອຄ້ຳປະກັນວ່າອີຣ່ານຈະບໍ່ສາມາດສ້າງອາວຸດນິວເຄລຍ ແລະໃຫ້ລັດຖະມົນຕີີການຕ່າງ
ປະເທດ ທ່ານ John Kerry ນຳສະເໜີລາຍງານທີ່ວ່າ ສະຫະລັດ ແລະອົງການຄຸ້ມຄອງ ນິວ
ເຄລຍຂອງສະຫະປະຊາຊາດ ຈະດຳເນີນການແບບໃດ ເພື່ອພິສູດວ່າ ອີຣ່ານປະຕິບັດຕາມ
ຂໍ້ຕົກລົງດັ່ງກ່າວນີ້.
ຮ່າງກົດໝາຍດັ່ງກ່າວນີ້ ຍັງຮຽກຮ້ອງໃຫ້ທ່ານ ໂອບາມາ ລາຍງານໃຫ້ລັດຖະສະພາຊາບໃນ
ທຸກໆ 6 ເດືອນ ກ່ຽວກັບໂຄງການນິວເຄລຍຂອງອີຣ່ານ. ມັນບໍ່ໄດ້ບັງຄັບວ່າລັດຖະສະພາ ຕ້ອງໃຫ້ການອະນຸມັດຢ່າງເປັນທາງການຕໍ່ຂໍ້ຕົກລົງ ດ້ວຍການລົງຄະແນນສຽງ.