ລິ້ງ ສຳຫລັບເຂົ້າຫາ

ສະຫະລັດ ກ່າວວ່າ ການຂົ່ມຂູ່ ຂອງ ພວກກໍ່ການຮ້າຍ ໃນໂລກ ໄດ້ເຂົ້າສູ່ ວັກຕອນໃໝ່


ທ່ານ Jeh Johnson ລັດຖະມົນຕີ ກະຊວງຮັກສາຄວາມປອດໄພ ພາຍໃນສະຫະລັດ

ທ່ານ Jeh Johnson ລັດຖະມົນຕີ ກະຊວງຮັກສາຄວາມປອດໄພ ພາຍໃນສະຫະລັດ

ທ່ານ Jeh Johnson ລັດຖະມົນຕີ​ກະຊວງ​ຮັກສາ​ຄວາມ​
ປອດ​ໄພ​ພາຍ​ໃນ​ສະຫະລັດ ກ່າວ​ເຕືອນ​ໃນ​ວັນ​ອາທິດ​ວານ​
ນີ້​ວ່າ ການ​ຂົ່ມຂູ່​ຂອງ​ພວກກໍ່​ການ​ຮ້າຍ​ໃນ​ທົ່ວ​ໂລກ ​ໄດ້​ເຂົ້າ
​ສູ່ “ວັກ​ຕອນ​ໃໝ່” ບ່ອນ​ທີ່ ພວກຫົວ​ຮຸນ​ແຮງ​ຈັດ​ອິສລາມ
​ທີ່​ມີ​ຄວາມ​ຮູ້​ໃນ​ດ້ານ​ໃຊ້​ສື່​ມວນ​ຊົນ​ ກຳລັງ​ດຶງ​ດູດ​ຈິດໃຈ​ຜູ້
​ຄົນ​ຢ່າງ​ສຳ​ເລັດ​ຜົນ ໃຫ້​ທຳ​ການ​ໂຈມ​ຕີ​ແບບ “​ໂດດດ່ຽວ”
​ເພື່ອເປົ້າ​ໝາຍ​ຂອງ​ພວກ​ເຂົາ​ນັ້ນ.

​ໃນ​ການ​ກ່າວ​ຢູ່​ໃນລາຍການ This Week ຂອງໂທລະພາບ
ຊ່ອງ ABC ທ່ານ Johnson ກ່າວ​ວ່າ ອິດ​ທິພົນ​ຂອງ​ກຸ່ມລັດ​
ອິສລາມ ກຳລັງ​ແຜ່​ລາມອອກ​ໄປ​ກາຍ ​ສະໜາມ​ລົບ​ແຫ່ງ​ຕ່າງໆ​
ຂອງ​ພາກ​ຕາ​ເວັນ​ອອກ​ກາງ.

ທ່ານ Johnson ກ່າວ​ວ່າ “ພວກ​ເຮົາ​ແມ່ນຢູ່​ໃນ​ສະພາບ​ແວດ​ລ້ອມ​ໃໝ່​ຢ່າງ​ແນ່ນອນ ຍ້ອນ​ການ​ໃຊ້​ສື່​ສັງຄົມ​ໃຊ້Internet ຢ່າງ​ມີ​ປະສິດທິ​ຜົນ​ຂອງ​ກຸ່ມ​ລັດ​ອິສລາມ ທີ່​ມີ
​ຄວາມ​ສາມາດ​ເຂົ້າ​ມາ​ເຖິງ​ດິນ​ແດນ​ຂອງ​ພວກ​ເຮົາ​ໄດ້ແລະ​ບາງທີ ​ດົນ​ບັນດານ​ຈິດ​
ໃຈ​ຄົນ​ອື່ນກໍ​ໄດ້ນຳ. ທ່ານ​ກ່າວຕື່ມ​ວ່າ “ພວກ​ເຮົາຢູ່​ໃນ​ວັກ​ຕອນ​ໃໝ່​ຢ່າງ​ແນ່ນອນ​
ຂອງ​ໄພ​ຂົ່ມຂູ່​ຂອງພວກກໍ່​ການ​ຮ້າຍ​ໃນ​ທົ່ວ​ໂລກ ບ່ອນ​ທີ່​ອັນທີ່ເອີ້ນ​ກັນ​ວ່າ ຜູ້ໂຈມ​ຕີ
ໂດດດ່ຽວ ​ສາມາດ​ທຳ​ການ​ໂຈມ​ຕີ ໃນ​ເວລາ​ໃດ​ກໍ​ໄດ້.”

ຫົວໜ້າ​ຮັກສາ​ຄວາມ​ປອດ​ໄພ​ສະຫະລັດ ​ໄດ້​ຮຽກຮ້ອງ​ໃຫ້​ຄົນ​ອາ​ເມຣິກັນ​ລະມັດລະວັງ ​ແລະມີ​ສະຕິ​ລະວັງຕົວ ​ແຕ່​ກໍບໍ່​ເຖິງຂັ້ນ​ໃຫ້​ຫຼີກ​ເວັ້ນ​ ​ການ​ໄປ​ຮ່ວມໃນເຫດການ​ສຳຄັນ​ຕ່າງໆ​ໃນ​ທີ່​ສາທາລະນະ​.

ທ່ານ James Comey ຫົວໜ້າ​ອົງການ FBI ຂອງ​ສະຫະລັດ ​ໃນ​ສັບປະດາ​ແລ້ວ​ນີ້ ກ່າວ​ວ່າ ບັນດາ​ເຈົ້າ​ໜ້າ​ທີ່​ກຳລັງ​ມີ​ຄວາມ​ເປັນ​ຫ່ວງກ່ຽວ​ກັບ​ການ​ຊັກ​ຊວນ​ຂອງ​ກຸ່ມ​ລັດ​ອິສລາມ ​ໃຫ້​ທຳ​ການ​ໂຈມ​ຕີ ”ພວກທະຫານ​ໃນ​ເຄື່ອງ​ແບບ ​ແລະ​ເຈົ້າ​ໜ້າ​ທີ່​ປະຕິບັດ​ກົດໝາຍ​ ໃນ​ການ​ໂຄສະນາ​ຊວນ​ເຊື່ອ​ທາງ​ອິນ​ເທີ​ແນັດຂອງ​ພວກ​ເຂົາ ຊຶ່ງ​ທ່ານ​ກ່າວ​ວ່າ ມີ​ປະຊາຊົນ​ເປັນ “ຮ້ອຍໆ ບາງທີ​ຮອດເປັນ​ພັນໆ​ຄົນ” ​ໃນ​ສະຫະລັດ ທີ່​ໄດ້​ຮັບ​ການ​ຕິດ​ຕໍ່ທາ​ບທາມ​ຈາກ​ພວກ Jihad ນີ້.

​ໃນ​ວັນ​ສຸກ​ແລ້ວ​ນີ້ ກອງທັບ​ສະຫະລັດ ​ໄດ້​ເພີ້​ມທະວີ​ການ​ຮັກສາ​ຄວາມ​ປອດ​ໄພ​ຂອງ​ຕົນ​ຂຶ້ນ​ ຕາມ​ຖານ​ທັບ​ແຫ່ງ​ຕ່າງໆ​ໃນ​ທົ່ວ​ປະ​ເທດ.

ເບິ່ງວີດີໂອ ກ່ຽວຂ້ອງກັບ ການຂະຫຍາຍໂຕ ຂອງພວກກໍ່ການຮ້າຍ:

XS
SM
MD
LG