ລິ້ງ ສຳຫລັບເຂົ້າຫາ

ຄວາມສຳພັນ ສຫລ ກັບ ຣັດເຊຍ ເຄັ່ງຕຶງ ຍ້ອນເລື່ອງ ທ້າວ Snowden


ໂຄສົກຂອງທຳນຽບຂາວ ທ່ານ Jay Carney ຊີ້ແຈງ ໃນລະຫວ່າງ ການຖະແຫຼງຂ່າວປະຈຳວັນ ທີ່ທຳນຽບຂາວ (1 ສິງຫາ 2013)
ລັດຖະບານຂອງທ່ານໂອບາມາກ່າວວ່າ ຕົນຮູ້ສຶກ “ເສຍໃຈທີ່ສຸດ”
ທີ່ຣັດເຊຍ ໄດ້ອະນຸມັດການຂໍລີ້ໄພຊົ່ວຄາວໃຫ້ແກ່ທ້າວ Edward
Snowden ທີ່ລົບລີ້ໜີກົດໝາຍ ຍ້ອນເປີດເຜີຍຂໍ້ມູນຂອງອົງການ
ສືບລັບສະຫະລັດ.

ທ້າວ Snowden ໄດ້ອອກໄປຈາກເຂດພັກເຊົາສຳລັບເດີນທາງຕໍ່
ຂອງສະໜາມບິນກຸງມົສກູຫລັງຈາກໄດ້ຕົກຄ້າງຢູ່ທີ່ນັ້ນມາເປັນເວ
ລານຶ່ງເດືອນກວ່າໆ. ທະນາຍຄວາມຂອງລາວເວົ້າວ່າ ລາວໄດ້ຮັບ
ອະນຸຍາດ ໃຫ້ລີ້ໄພຢູ່ຣັດເຊຍ ເປັນເວລາ 1 ປີ ພ້ອມທັງອະນຸຍາດ
ໃຫ້ເຮັດວຽກໄດ້ ແລະໄດ້ຖືກນຳຕົວ ໄປຍັງສະຖານທີ່ປິດລັບແຫ່ງ
ນຶ່ງ.

ທະນາຍຄວາມຊາວຣັດເຊຍຂອງລາວເວົ້າວ່າ ທ້າວ Snowden ມີແຜນການທີ່ຈະຖະແຫຼງຕໍ່
ສື່ມວນຊົນໃນອະນາຄົດ ແຕ່ກໍຕໍ່ເມື່ອຫຼັງຈາກລາວໄດ້ປັບຕົວເຂົ້າກັບສະພາບການໃໝ່ແລ້ວ.

ທ່ານ Jay Carney ໂຄສົກຂອງທຳນຽບຂາວກ່າວໃນມື້ວັນພະຫັດວານນີ້ວ່າພວກເຈົ້າໜ້າທີ່
ພວມຊັ່ງຊາຕີລາຄາຄືນໃໝ່ເບິ່ງໝາຍກຳນົດການເຈລະຈາໃນເດືອນໜ້າລະຫວ່າງປະທານາ ທິບໍດີບາຣັກ ໂອບາມາແລະທ່ານ Vladimir Putin ທີ່ກຸງມົສກູ. ທ່ານເວົ້າວ່າ ວັງເຄຣັມລິນບໍ່ ໄດ້ເອົາຫົວຊາ ຢ່າງເປັນການຈະແຈ້ງ ທັງແບບເປີດເຜີຍ ແລະສ່ວນຕົວ ຕໍ່ການຮ້ອງຂໍໃຫ້ສົ່ງ
ທ້າວ Snowden ກັບຄືນມາຍັງສະຫະລັດເພື່ອດຳເນີນຄະດີ.
XS
SM
MD
LG