ລິ້ງ ສຳຫລັບເຂົ້າຫາ

ການຢຸດຍິງໃນຊີເຣຍ ອາດບໍ່ເກີດຂຶ້ນ ໃນຂະນະທີ່ີມີຄວາມເປັນຫ່ວງປ້ອງກັນ ແລະແຜ່ຂະຫຍາຍການຂັດແຍ້ງ


ຮູບພາບເຜີຍແຜ່ໂດຍ ນາຍໝໍທີ່ບໍ່ມີພົມແດນ ສະແດງໃຫ້ເຫັນ ໄຟໄໝ້ຢູ່ເມືອງ Aleppo.

ຮູບພາບເຜີຍແຜ່ໂດຍ ນາຍໝໍທີ່ບໍ່ມີພົມແດນ ສະແດງໃຫ້ເຫັນ ໄຟໄໝ້ຢູ່ເມືອງ Aleppo.

ບັນດາ​ນັກ​ການ​ທູດລະດັບ​ສູງ​ຂອງ​ສະຫະລັດ ຣັດ​ເຊຍ ​ແລະ​ຕາ​ເວັນ​ອອກ​ກາງ ຈະ​ພະຍາ​ຍາມສະ​ສາງ​ຂໍ້​ຕົກລົງການ​ຢຸດ​ຍິງ ​ຊີ​ເຣຍ ທີ່​ລົ້ມ​ແຫລວ​ໃນ​ວັນ​ເສົາ​ມື້​ອຶ່ນນີ້ ພ້ອມ​ກັບ​ການ​ສົນທະນາ​ທີ່​ນະຄອນ Lausanne ປະ​ເທດ Switzerland ຕິດຕາມ​ມາ​ດ້ວຍ​ການ​ປະຊຸມ​ຕ່າງຫາກ​ໃນ​ວັນ​ອາທິດ​ທີ​ນະຄອນ​ລອນ​ດອນ.

ຄວາມ​ພະຍາຍາມ​ຄັ້ງ​ໃໝ່​ເກີດ​ຂຶ້ນ​ບໍ່​ຮອດ​ສອງ​ອາທິດ ຫລັງ​ຈາກ​ສະຫະລັດ ​ໄດ້​ລົບລ້າງ​ການ​ເຈ​ລະ​ຈາ​ສອງ​ຝ່າຍ​ກັບຣັດ​ເຊຍ ​ແລະ​ທັງ​ສອງຝ່າຍ​ໄດ້​ແລ​ກປ່ຽນ​ເຫັນ​ພ້ອມ​ໃນ​ການ​ກ່າວ​ຫາ​ຊຶ່ງກັນ​ແລະ​ກັນ. ບັນດາ​ເຈົ້າ​ໜ້າ​ທີ່ຣັດ​ເຊຍ ກ່າວ​ວ່າ ​ເຂົາ​ເຈົ້າ​ມີຄວາມຫວັງຕໍ່​ຜົນ​ທີ່ອອກມາໃນ​ທາງ​ບວກ.

ລັດຖະມົນຕີຕ່າງປະເທດສະຫະລັດ ທ່ານ John Kerry ແລະລັດຖະມົນຕີຕ່າງປະເທດຣັດເຊຍ ທ່ານ Sergei Lavrov ສົນທະນາກັນທີ່ ນະຄອນ Geneva, Switzerland ທີ 14 ກັນຍາ ປີ 2013.

ລັດຖະມົນຕີຕ່າງປະເທດສະຫະລັດ ທ່ານ John Kerry ແລະລັດຖະມົນຕີຕ່າງປະເທດຣັດເຊຍ ທ່ານ Sergei Lavrov ສົນທະນາກັນທີ່ ນະຄອນ Geneva, Switzerland ທີ 14 ກັນຍາ ປີ 2013.

​ແຕ່​ວ່າ​ໃນ​ຂະນະ​ທີ່​ການ​ສູ້​ລົບຍັງ​ດຳ​ເນີນ​ຢູ່ໃນ​ເຂດ​ຍຶດຄອງ​ຂອງ​ເມືອງ Aleppo ບັນດາ​ນັກ ວິ​ເຄາະ​ພາກັນມີ​ຄວາມສົງ​ໄສວ່າ​ຈະ​ບໍ່​ມີ​ການ​ຢຸດ​ຍິງ​ໃດໆ.

ຮອງ​ບັນນາທິການ​ໜັງສືພິມ Yezhenedelny Zhumal (Weekly Journal) ທ່ານ Alexander Golts ກ່າວ​ວ່າ “​ແລະຣັດ​ເຊຍໂຈມ​ຕີ​ຢ່າງ​ໜັກ​ເພື່ອ​ໃຫ້ການ​ສະໜັບສະໜູນ​ກຳລັງ​ທີ່​ມີ​ຄວາມອິດ​ເມື່ອຍ​ຂອງ ປະທານາທິບໍ​ດີ Bashar al-Assad ​ໃນ​ຄວາມ​ພະຍາຍ​າມທີ​ຈະ​ຄວບ​ຄຸມ​ເອົາ​ເມືອງ Aleppo. ບັດ​ນີ້ ມັນເປັນ​ທີ່​ແຈ້ງ​ຂາວ​ວ່າ ​ເປົ້າ​ໝາຍ​ຂອງຣັດ​ເຊຍ​ບໍ່​ແມ່ນ​ການ​ຕໍ່ສູ້​ກັບ​ພວກ​ກໍ່​ການ​ຮ້າຍຈາກ​ລັດ​ອິສລາມ ຫລື IS (Islamic State) ຫລື Jabhat al-Nausra ​ເປົ້າ​ໝາຍ​ຂອງຣັ​ດ​ເຊຍ​ແມ່ນການ​ສະໜັບສະໜູນ ທ່ານ Assad. ​ແລະຈຸດ​ສຳຄັນໃນຄວາມ​ກົງກັນຂ້າມ​ລະຫວ່າງຕາ​ເວັນ​ຕົກ ​ແລະ ຣັດ​ເຊຍ.”

ຫລາຍ​ຄົນ​ເຊື່ອວ່າ ກ່ອນ​ອຶ່ນໝົດຣັດ​ເຊຍ​ຕ້ອງການ​ຊ່ວຍ​ເຫລືອ ທ່ານ Assad ​ຄວບ​ຄຸມ​ເອົາ​ເມືອງ Aleppo ​ເພື່ອ​ວ່າເຂົາ​ເຈົ້າສາມາດ​ຢູ່​ໃນ​ໜ້າ​ທີ່ອັນ​ເຂັ້ມ​ແຂງ​ໃນ​ການ​ເຈລະຈາຕໍ່​ລອງ.

ຮູບພາບເຜີຍແຜ່ໂດຍກຸ່ມປ້ອງກັນພົນລະເຮືອນ ຊີເຣຍ ທີ່ຮູ້ກັນວ່າ White Helmets ສະແດງໃຫ້ເຫັນຊາວບ້ານ ຢູ່ກັບຊາກຫັກພັງ.

ຮູບພາບເຜີຍແຜ່ໂດຍກຸ່ມປ້ອງກັນພົນລະເຮືອນ ຊີເຣຍ ທີ່ຮູ້ກັນວ່າ White Helmets ສະແດງໃຫ້ເຫັນຊາວບ້ານ ຢູ່ກັບຊາກຫັກພັງ.

ແຕ່ວ່າຣັດ​ເຊຍ​ຍັງ​ໄດ້​ເຕືອນ​ກຳລັງ​ແນວ​ໂຮມທີ່​ແນ​ໃສ່​ພວກ​ທະຫານ​ບ້ານ ​ບອກ ໃຫ້​ເຂົາ​ເຈົ້າ​ຢູ່​ຫ່າງໄກ ​ແລະ​ໄດ້​ຂົ່ມຂູ່​ທີ່​ຈະ​ຍິງ​ເຮືອບິນ​ໃດໆ​ທີ່​ເຂົ້າ​ມາ​ໃກ້​ກຳລັງ​ທະຫານຣັດ​ເຊຍ ​ແລະ​ຊີ​ເຣຍ.

​ໃນ​ຂະນະ​ທີ່​ການ​ຢຸດ​ຍິງ​ເປັນ​ທີ່​ຕ້ອນ​ຮັບ ບັນດາ​ນັກວິ​ເຄາະ​ກ່າວ​ວ່າ ຄວາມ​ເປັນ​ຫວ່ງ​ໃຫຍ່​ກໍ​ຄືການ​ປ້ອງ​ກັນ​ການແຜ່​ຂະ​ຫຍາ​ຍຂັດ​ແຍ້​ງທີ່​ແຜ່​ລາ​ມອອກ​ໄປ​ໃນ​ຊີ​ເຣຍ.

ທ່ານ Golts ກ່າວ​ວ່າ “ສາມ​ອາທິດ​ທີ່​ຜ່ານ​ມາ​ພວກ​ເຮົາ​ໄດ້​ສົນທະນາ​ ​ໃນຄວາມ​ເປັນ​ໄປ​ໄດ້ ຂອງ​ກາ​ນຮ່ວມ​ມື​ທາງ​ທະຫານ ລະຫວ່າງຣັດ​ເຊຍ ​ແລະ​ສະຫະລັດ. ບັດ​ນີ້​ສິ່ງ​ທີ່​ອາດ​ເປັນ​ໄປ​ໄດ້​ທັງ​ໝົດນັ້ນ​ໄດ້​ຫາຍ​ສາບ​ສູນ​ໄປ. ​ເປົ້າ​ໝາຍສຳຄັນ​ທີ່​ເປັນຄວາມ​ຈິງ​ກໍ​ຄື​ຫາ​ທາງ​ຫລີກ​ຫລ່ຽງການ​ປະ​ເຊີນ​ໜ້າ​ກັນ​ທາງ​ທະຫານ ບັດ​ນີ້​ລະຫວ່າງ​ສະຫະລັດ ​ແລະຣັ​ດ​ເຊຍ ຢູ່​ໃນ​ຊີ​ເຣຍ.”

ອ່ານຂ່າວນີເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG