ລິ້ງ ສຳຫລັບເຂົ້າຫາ

ຄວາມສຳພັນ ລະຫວ່າງ ສຫລ ກັບ ຣັດເຊຍ ກ້າວຈາກ ປັບໃໝ່ ໄປສູ່ ຊຸດໂຊມ


ລັດຖະມົນຕີການຕ່າງປະເທດ ສຫລ ທ່ານ John Kerry (ຊ້າຍ) ແລະ ລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ຈັບມື ໃນລະຫວ່າງ ການຖະແຫຼງຂ່າວ ຮ່ວມກັນ.

ລັດຖະມົນຕີການຕ່າງປະເທດ ສຫລ ທ່ານ John Kerry (ຊ້າຍ) ແລະ ລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ຈັບມື ໃນລະຫວ່າງ ການຖະແຫຼງຂ່າວ ຮ່ວມກັນ.

ຣັດ​ເຊຍ ​ໃນ​ວັນ​ພຸດ​ວານ​ນີ້ໄດ້​ໂຈະ​ຂໍ້​ຕົກລົງການ​ຮ່ວມ​ມື​ດ້ານ​ນິວ​ເຄລຍແລະການຄົ້ນຄວ້າ ​ກ່ຽວ​ກັບ​ເລື້ອງພະລັງງານທີ່​ມີ​ອາຍຸ 3 ປີກັບ​ສະຫະລັດ ຊຶ່ງ​ເປັນການ​ເຄື່ອນ​ໄຫວ​ທີ່​ສະ​ແດງ​ໃຫ້​ເຫັນ​ເຖິງຄວາມ​ສຳພັນສອງ​ຝ່າຍ​ທີ່​ພວມ​ຊຸດ​ໂຊມ​ລົງ.

ເຈົ້າໜ້າ​ທີ່ອາວຸ​ໂສ​ສະຫະລັດ​ທ່ານ​ນຶ່ງ ທີ່ຂໍ​ສະຫງວນ​ຊື່​ກ່າວ​ຕໍ່​ວີ​ໂອ​ເອວ່າ “ມັນ​ເປັນ​ເລື່ອງ​ທີ່​ໜ້າ​ເປັນ​ຫ່ວງ​ແທ້ໆ.”

ປະທານາທິບໍດີຣັດ​ເຊຍ ທ່ານ Vladimir Putin ​ໃນ​ມື້ວັນ​ຈັນ​ຜ່ານ​ມານີ້ ຍັງ​ໄດ້ລົງ​ນາມ​ໃນ​ດຳລັດ​ສະບັບນຶ່ງ ​ໂຈະ​ການ​ຮ່ວມ​ມື​ກັບ​ສະຫະລັດ ກ່ຽວ​ກັບ​ການ​ຈັດການ ​ກັບ​ທາດ​ປລູ​ໂຕ​ນຽມທີ່​ສາມາດ​ນຳ​ໄປ​ສ້າງ​ອາວຸດ​ໄດ້ໂດຍ​ອ້າງ “ການ​ກະທຳ​ແບບບໍ່​ເປັນ​ມິດ” ຂອງ​ວໍ​ຊິງ​ຕັນ ຊຶ່ງ​ໝາຍ​ເຖິງ​ການ​ລົງ​ໂທດ ​ພາຍ​ໃຕ້​ການ​ນຳພາ​ ຂອງສະຫະລັດຕໍ່​ມົສກູ ຍ້ອນ​ການ​ກະທຳ​ຂອງ​ປະ​ເທດ​ດັ່ງກ່າວ​ໃນ​ຢູ​ເຄຣນ.

ການ​ຍົກ​ເລີກຂໍ້​ຕົກລົງ​ ກ່ຽວ​ກັບ​ທາດ​ປລູ​ໂຕ​ນຽມ​ ແມ່ນ​ເປັນ​ເລື້ອງທີ່​ໜ້າ​ເສົ້າ​ໃຈ​ທີ່​ສຸດຍ້ອນ​ສິ່ງ​ເຫລົ່ານີ້ ​ແມ່ນ​ນອນ​ຢູ່ໃນ​ຂົງ​ເຂດ​ທີ່​ພວກ​ເຮົາ​ໄດ້​ຮ່ວມ​ມື​ກັນ​ແບບ​ສຳ​ເລັດ​ຜົນ ​ໃນ​ໄລຍະ​ຜ່ານ​ມາ ນັ້ນຄື​ຄຳ​ເວົ້າຂອງ​ທ່ານ Mark Toner ​ໂຄສົກ​ກະຊວງ​ການຕ່າງປະ​ເທດ​ສະຫະ ລັດ ​ໃນລະຫວ່າງ​ການ​ຖະ​ແຫຼງຂ່າວ​ໃນ​ວັນ​ພຸດ​ວານ​ນີ້.

ສະຫະລັດ ​ໄດ້​ຢຸດ​ການເຈລະຈາ​ໂດຍ​ກົງ​ກ່ຽວ​ກັບ​ການ​ຢຸດ​ຍິງ​ໃນ​ຊີ​ເຣຍກັບຣັດ​ເຊຍ ທ່າມ ກາງ​ການ​ສືບ​ຕໍ່​ບຸກ​ໂຈມ​ຕີ​ທາງ​ທະຫານ ​ຕໍ່​ເປົ້າໝາຍ​ພົນລະ​ເຮືອນ ​ໂດຍ​ທີ່​ລັດຖະບານ​ສະ ຫະລັດ​ໄດ້​ປະກາດ​ວ່າ​ຄວາມ​ອົດທົນ​ຂອງ​ຕົນ​ຕໍ່​ມົສກູ​ໄດ້​ໝົດ​ລົງ​ແລ້ວ.

​ແຕ່​ແນວ​ໃດ​ກໍ​ຕາມ ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ແລະ​ລັດຖະມົນຕີ​ການ​ຕ່າງປະ​ເທດຣັດ​ເຊຍ ທ່ານ Sergei Lavrov ​ໄດ້​ໂອ້​ລົມກັນ​ອີກ​ ໃນ​ມື້ ວັນ​ພຸດ​ວານ​ນີ້ ກ່ຽວ​ກັບ​ເລື້ອງຊີ​ເຣຍ.

ພວກ​ນັກ​ການ​ທູດ​ທັງ​ໃນ​ວໍ​ຊິງ​ຕັນ​ແລະ​ມົສກູ​ ຕ່າງ​ກໍ​ກ່າວ​ວ່າ ສະຫະລັດເປັນຜູ້ຮ້ອງຂໍ ຊຶ່ງ ຍັງກວມ​ເຖິງ​ສະຖານະ​ການ​ໃນ​ຢູ​ເຄຣນ​ແລະ​ເກົາຫຼີ​ເໜືອ​ນຳ​ດ້ວຍ.

​ໄດ້​ມີ​ການ​ພົບ​ປະ​ແບບ​ເຊິ່ງໜ້າ​ໃນ​ລະດັບ​ສູງລະຫວ່າງ​ສະຫະລັດ​ແລະຣັດ​ເຊຍ​ທີ່​ນະຄອນ ຫລວງ​ມົສກູ​ ໃນ​ວັນ​ພຸດ​ວານ​ນີ້ ໂດຍທ່ານ​ນາງ Victoria Nuland ລັດຖະມົນຕີ ​ຊ່ອຍ​ວ່າ ການ​ກະຊວງ​ການ​ຕ່າງປະ​ເທດ ຮັບຜິດ​ຊອບກິດຈະການ​ຢູ​ໂຣບ ​ແລະ​ຢູ​ໂຣບ​ເອ​ເຊຍ.

ທ່ານ​ນາງ Nuland ທີ່​ຕິດຕາມ​ໂດຍ​ສະມາຊິກ​ຂອງ​ສະພາ​ຄວາມ​ໝັ້ນຄົງ​ແຫ່ງຊາດ​ໄດ້​ພົບ​ປະ​ກັບ​ພວກ​ເຈົ້າໜ້າ​ທີ່ຣັດ​ເຊຍຮວມທັງ​ຜູ້​ຊ່ອຍ​ປະທານາທິບໍດີທ່ານ Vladislav Surkov. ພວກ​ທ່ານ​ໄດ້​ຫາລື​ກັນ​ກ່ຽວ​ກັບ​ການ​ຢຸດ​ຍິງ ​ໃນ​ປີ 2015 ​ແລະ​ຂໍ້​ຕົກລົງ​ສັນຕິພາບ​ຢູເຄຣນ ຊຶ່ງ​ຮູ້​ກັນ​ໃນ​ນາມ​ສັນຍາ Minsk ນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG