ລິ້ງ ສຳຫລັບເຂົ້າຫາ

ການແຂ່ງຂັນ ເລືອກຕັ້ງ ປະທານາທິບໍດີ ສະຫະລັດ ຍ້າຍໄປ ລັດ New Hampshire


ຜູ້ສະໝັກເປັນ ປະທານາທິບໍດີ ສະຫະລັດ ທ່ານ John Kasich ຜົູ້ປົກຄອງລັດ Ohio ກຳລັງໂຄສະນາຫາສຽງ ທີ່ເມືອງ Newbury, ລັດ New Hampshire.

ຜູ້ສະໝັກເປັນ ປະທານາທິບໍດີ ສະຫະລັດ ທ່ານ John Kasich ຜົູ້ປົກຄອງລັດ Ohio ກຳລັງໂຄສະນາຫາສຽງ ທີ່ເມືອງ Newbury, ລັດ New Hampshire.

ການ​ໂຄສະນາ​ຫາ​ສຽງຜູ້​ສະໝັກ​ເປັນປະທານາທິບໍດີສະຫະລັດ
​ປີ​ 2016​ ໄດ້​ຍົກຍ້າຍ​ຢ່າງ​ວ່ອງ​ໄວ ໃນ​ວັນ​ອັງຄານ​ວານ​ນີ້ ໄປສູ່
​ລັດ New Hampshire ​ໃນ​ພາກ​ຕາ​ເວັນ​ອອກສຽງ​ເໜືອ​ຂອງ​
ສະຫະລັດ ໜຶ່ງ​ມື້​ຫຼັງ​ຈາກ​ນັກ​ປຸກລະດົມ ນິຍົມ​ແນວທາງ​ເດີມ
ສະ​ມາ​ຊິກ​ສະພາ​ສູງ ຈາກລັດ Texas ທ່ານ Ted Cruz ​ໄດ້​
ຊະນະ​ການ​ປະຊຸມ​ລົງ​ຄະ​ແນນ​ສຽງຂອງ ພັກຣີພັບບລີ​ກັນ ​ໃນ
​ລັດ Iowa ​ແລະ​ອະດີດລັດຖະມົນຕີ ຕ່າງປະ​ເທດ ສະຫະລັດ
ທ່າ​ນນາງ Hillary Clinton ​ໄດ້​ຊະນະ​ຢ່າງ​ຫວຸດ​ຫວິດ ຕໍ່ ສະ
ມາຊິກ​ສະພາ​ສູງ ສັງ​ຄົມ​ນິຍົມ ຈາກລັດ Vermont ທ່ານ
Bernie Sanders ຢູ່​ໃນ​ການ​ແຂ່ງຂັນຂອງ​ພັກ​ເດ​ໂມ​ແຄ​ຣັດ.

ທ່ານ Cruz ​ຊຶ່ງໄດ້​ຮັບ​ການ​ສະໜັບສະໜູນ​ຢ່າງແຂງແຮງ ຈາກຊາວ ຄຣິສຕຽນ​ທີ່​ນັບຖື​ສາສະໜາ​ຢ່າງ​ເຄັ່ງ​ຄັດ​ແລະ​ການ​ຈັດແຈງ​ຢ່າງ​ດີ​ເລີດ ​ໃນ​ວັນ​ເລືອກ​ຕັ້ງ ​ໄດ້​ເອົາ​ໄຊຊະນະ ມະຫາ​ເສດ​ຖີອະສັງຫາລິມະ​ຊັບ ທ່ານ Donald Trump ​ທີ່​ໄດ້​ປະ​ເຊີນໜ້າກັບ​ບັນດາ​ຜູ້​
ປ່ອນ​ບັດ​ເທຶ່ອ ທຳ​ອິດ ຫລັງ​ຈາກ​ຈາກ​ໄດ້​ມີ​ຄະ​ແນນ​ສຽງນຳ​ໜ້າ ​ໃນການ​ສຳ​ຫລວດ​ຫາງ​ສຽງ​ກ່ອນການ​ເລືອກ​ຕັ້ງ​ມາ​ຫລາຍ​ເດືອນ​.

ການ​ເລືອກ​ຕັ້ງ​ຂັ້ນ​ຕົ້ນ​ຢູ່ລັດ New Hampshire ​ແມ່ນ​ກຳນົດ​ຈະ​ມີ​ຂຶ້ນ​ໃນ​ວັນ​ອັງຄານ​ອາທິດ​ໜ້າ. ​ໃນ​ຂະນະ​ທີ່​ລັດ​ນ້ອຍໆ​ດັ່ງກ່າວເປັນລັດ​ຊົນ ນະບົດຄື​ກັບ​ລັດ Iowa ບັນ​ດາ​ນັກວິ​ເຄາະ​ກ່າວ​ວ່າ ​ພວກ​ປ່ອນ​ບັດ​ຂອງ ​ພັກ​ຣີພັບ​ບລິ​ກັນ​ສ່ວນ​ໃຫຍ່່ ​ແມ່ນ​ບໍ່​ເຄັ່ງ​ຄັດ​ທາງ
​ສາສະໜາ ໜ້ອຍກວ່າ​ພວກ​ປ່ອນ​ບັດ​ທີ່​ຊ່ວຍ​ໃຫ້​ທ່ານ Cruz ​ໄດ້ຊະນະມະຫາ​ເສດ​ຖີ
Trump ຢູ່ລັດ Iowa ດ້ວຍ​ຄະ​ແນນ 28 ຕໍ່ 24 ​ເປີ​ເຊັນ​. ສ່ວນ​ຜູ້​ສະໝັກ​ນິຍົມ ​ແນວທາງ
​ເດີມ​ອີກ​ຄົນ​ໜຶ່ງ ຄືສະມາຊິກ​ສະພາ​ສູງ ຈາກລັດ Florida ທ່ານ Marco Rubio ​ໄດ້​ເປັນ​ອັນ​ດັບສາມ ​ໂດຍ​ໄດ້​ຮັບ​ຄະ​ແນນ 23 ​ເປີ​ເຊັນ.

ຜູ້ສະມັກ ປະທ່ານາທິບໍດີ ອະດີດຜູ້ປົກຄອງລັດ Florida ທ່ານ Jeb Bush.

ຜູ້ສະມັກ ປະທ່ານາທິບໍດີ ອະດີດຜູ້ປົກຄອງລັດ Florida ທ່ານ Jeb Bush.

ການ​ສຳ​ຫຼວດ​ກ່ອນ​ການ​ເລືອກຕັ້ງທີ່ລັດ New Hampshire ສະ​ແດງ​ໃຫ້​ເຫັນ​ວ່າ ທ່ານ Trump ​ເປັນ​ຜູ້ມີ​ຄະ​ແນນ​ສຽງ​ນຳ​ໜ້າ​ຢ່າງ​ຫຼວງຫຼາຍ​ກ່ອນ​ບັນດາ​ຜູ້​ທ້າ​ທາຍ​ຄົນ​ອື່ນໆ​ ຂອງພັກຣິພັບ​ບລິ​ກັນ ​ແຕ່​ວ່າການ​ຢັ່ງ​ສຽງ​ນີ້ ໄດ້​ມີ​ຂຶ້ນກ່ອນການເລືອກຂອງ​ຕັ້ງ​ພັກຣີພັບ​
ບລິ​ກັນ ຢູ່ລັດ Iowa ທີ່ໄດ້​ສ້າງ​ຄວາມ​ຜິດ​ຫວັງ​ ໃຫ້​ແກ່​ການ​ກ່າວ​ອ້າງ ຂອງ​ທ່ານ​ທີ່​ວ່າ ທ່ານ ແມ່ນ​ຜູ້​ດຽວ​ທີ່​ມີ​ແຕ່​ຊະນະກັບ​ຊະນະ.

ຜູ້ສະມັກ ປະທານາທິບໍດີ ທ່ານ Bernie Sanders, ພ້ອມດ້ສຍພັນລະຍາ ທ່ານນາງ Jane.

ຜູ້ສະມັກ ປະທານາທິບໍດີ ທ່ານ Bernie Sanders, ພ້ອມດ້ສຍພັນລະຍາ ທ່ານນາງ Jane.

ການສຳຫລວດ ​ຜູ້​ມີ​ສິດປ່ອນ​ບັດ ຂອງ​ພັກ​ເດ​ໂມ​ແຄຣັດ ​ທີ່​ລັດ New Hampshire ສະ​ແດງ​ໃຫ້​ເຫັນ​ວ່າ ທ່ານ​ Sanders ຜູ້​ຕາງໜ້າ​ເປັນ​ສະມາຊິກ​ສະພາ​ສູງ​ຂອງລັດ Vermont ທີ່​ຕັ້ງຢູ່​ຖັດ​ໄປ​ນັ້ນ ​ແມ່ນ​ມີ​ຄະ ​ແນນ​ສຽງ​ນຳໜ້າ​ຢ່າງ​ຫຼວງຫຼາຍ ​ຕໍ່ທ່ານ​ນາງ Clinton ອະດີດນັກ​ການ​ທູດ​ສູງ​ສຸດ​ຊອງ​ປະ​ເທດ ​ແຕ່ປີ 2009 ຫາ​ປີ 2013. ​ແຕ່​ທ່ານ​ນາງ ​ໄດ້​ກ່າວ​ຕໍ່ໂທລະ​ພາບ CNN ​ໃນ​ວັນ​ອັງຄານ​ວານ​ນີ້​ວ່າ “ຂ້າພະ​ເຈົ້າ​ມີ​ຄວາມ​ຮູ້ສຶກ​ດີ ກ່ຽວ​ກັບໂອກາດຂອງ​ຂ້າພະ​ເຈົ້າ” ຢູ່​ທີ່​ລັດ New Hampshire ​ແລະ​ທ່ານ​ນາງ ກຳລັງ​ເບິ່ງ​ໄປ​ໜ້າ​ໃນ​ການ​ພົບ​ພໍ້ກັບ​ທ່ານ​ Sanders ​ໃນວັນ​ພຸດມື້ນີ້ແລະ​ພະຫັດມື້ອື່ນ ​ເພື່ອ​ສ​ະ​ແ​ດງໃຫ້​ເຫັນເຖິງ​ຄວາມ​ແຕກ​ຕ່າງ​ລະຫວ່າງ​ພວກ​ທ່ານ​ທັງ​ສອງ.

XS
SM
MD
LG