ລິ້ງ ສຳຫລັບເຂົ້າຫາ

ຜູ້ລົງແຂ່ງຂັນ ເອົາຕຳແໜ່ງ ປະທານາທິບໍດີ ສະຫະລັດ ເລັ່ງລັດຫາສຽງ ກ່ອນຮອດ ວັນອັງຄານ ສຸດຍອດຫຼື​ Super Tuesday.


ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສະຫະລັດ ພັກເດໂມແຄຣັດ ທ່ານນາງ Hillary Clinton ກ່າວຕໍ່ບັນດາ
ຜູ້ສະໜັບສະສູນ ໃນງານສະຫຼອງຄຳ່ຄືນການເລືອກຕັ້ງຂັ້ນຕົ້ນ
ທີ່ເມືອງ Columbia, ລັດ South Carolina, 27 ກຸມພາ, 2016.

ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສະຫະລັດ ພັກເດໂມແຄຣັດ ທ່ານນາງ Hillary Clinton ກ່າວຕໍ່ບັນດາ ຜູ້ສະໜັບສະສູນ ໃນງານສະຫຼອງຄຳ່ຄືນການເລືອກຕັ້ງຂັ້ນຕົ້ນ ທີ່ເມືອງ Columbia, ລັດ South Carolina, 27 ກຸມພາ, 2016.

ບັນດາຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສະຫະລັດ ແມ່ນ ກຳລັງໃຊ້ ວັນຈັນມື້ນີ້ ເພື່ອເລັງຫາການສະໜັບສະໜູນກ່ອນທີ່ບັນ ດາຜູ້ລົງຄະແນນສຽງໃນ 11 ລັດ ຈະກ່າວອອກມາວ່າແມ່ນໃຜຄວນ ເປັນຜູ້ໄດ້ຮັບການສະເໜີຊື່ສຳລັບພັກ ເດໂມແຄຣັດ ແລະ ຣິພັບບລີ ກັນ.

ພັກ ຣີພັບບລີກັນ ແມ່ນກຳລັງເພັ່ງເລັງໃສ່ພາກໃຕ້ຂອງປະເທດ, ເຊິ່ງຄິດໄລ່ເປັນ 2 ສ່ວນ 3 ຂອງບັນດາຜູ້ແທນທີ່ຈະຖືກຕັດສິນໃນ ສິ່ງທີ່ເອີ້ນວ່າ Super Tuesday ຫຼື ວັນອັງຄານສຸດຍອດ.

ນັກທຸລະກິດ ທ່ານ Donald Trump, ເປັນຜູ້ນຳໜ້າໃນການແຂ່ງ ຂັນຂອງພັກ ຣີພັບບລີກັນ, ກຳລັງຈັດການໂຄສະນາຫາສຽງໃນລັດ Virginia ແລະ ລັດ Georgia, ໃນຂະນະທີ່ສະມາຊິກສະພາສູງລັດ Florida ທ່ານ Marco Rubio ກຳລັງໂຄສະ ນາຫາສຽງຢູ່ໃນລັດ Arkansas. ສະມາຊິກສະພາສູງລັດ Texas ທ່ານ Ted Cruz ແມ່ນກຳ ລັງເພັ່ງເລັງຄວາມພະຍາຍາມຂອງທ່ານຢູ່ໃນລັດ ບ້ານ ເກີດຂອງຕົນ ແລະ ສ່ຽງຕໍ່ການຍາດ ເອົາສຽງຈາກບັນດາຜູ້ແທນ 155 ຄົນຈາກ ປະມານ 600 ຄົນ ໃນວັນອັງຄານມື້ອື່ນນີ້.

ທ່ານ Trump ແລະ ທ່ານ Rubio ໄດ້ສືບຕໍ່ໂຈມຕີເຊິ່ງກັນ ແລະ ກັນໃນວັນອາທິດ ວານນີ້.

ທ່ານ Rubio ໄດ້ເອີ້ນມະຫະເສດຖີອະສັງຫາລິມະຊັບວ່າ “ນັກຂີ້ລັກ” ແລະ ໄດ້ ເວົ້າຕະຫຼົກ ກ່ຽວກັບ ຜິວໜ້າສີນ້ຳຕານຂອງລາວ, ໂດຍກ່າວວ່າ ທ່ານ Trump ຈະ “ເຮັດໃຫ້ປະເທດ ອາເມຣິກາ ກາຍເປັນສີສົ້ມ.” ນອກນັ້ນທ່ານຍັງກ່າວຕໍ່ບັນດາຜູ້ ສະໜັບສະໜູນ ພັກຣິພັບບ ລີກັນວ່າ ບໍ່ໃຫ້ເລືອກເອົາຄົນ “ຜູ້ທີ່ປະຕິເສດທີ່ຈະ ກ່າວປະນາມຜູ້ທີ່ເຊື່ອວ່າຄົນຜິວຂາວ ເປັນຊົນຊັ້ນປະເສີດສຸດ.”

XS
SM
MD
LG