ລິ້ງ ສຳຫລັບເຂົ້າຫາ

ຜູ້ສະມັກ ເປັນປະທານາທິບໍດີ ສຫລ ມີຄະແນນ ໃກ້ຄຽງກັນ (ວີດີໂອ)


ຜູ້ສະມັກເປັນປະທານາທິບໍດີຂອງພັກຣີພັບບລີກັນ ທ່ານມິຕ ຣອມນີ ແລະພັນລະຍາ ພວມໂຄສະນາຫາສຽງ ທີ່ເມືອງ Newington ລັດ Hampshire (2 ພະຈິກ 2012)

ປະທານາທິບໍດີສະຫະລັດ ແລະຄູ່ແຂ່ງ ຈາກພັກຣີພັບບລີກັນ ອະ
ດີດຜູ້ປົກຄອງລັດ Massachusetts ທ່ານ ມິຕ ຣອມນີແມ່ນມີຄະ
ແນນທໍ່ໆກັນໃນການຢັ່ງຫາງສຽງທົ່ວປະເທດຂະນະທີ່ການໂຄສະ
ນາຫາສຽງຂອງຜູ້ສະມັກເປັນປະທານາທິບໍດີທັງສອງກ້າວເຂົ້າສູ່ ໄລຍະສອງສາມມື້ສຸດທ້າຍ ກ່ອນການປ່ອນບັດເລືອກຕັ້ງໃນວັນ
ທີ 6 ພະຈິກ.

ປະທານາທິບໍດີໂອບາມາ ມີຄະແນນນຳໜ້ານ້ອຍນຶ່ງຢູ່ໃນບັນດາ
ລັດທີ່ຍັງບໍ່ທັນມີການຕັດສິນໃຈຢ່າງເດັດຂາດທີ່ສຳຄັນໆເພື່ອໃຫ້
ໄດ້ຮັບຄະແນນ 270 ສຽງຈາກຄະນະກຳມະການເລືອກຕັ້ງປະຈຳ
ລັດ ທີ່ມີຄວາມຈຳເປັນ ຈຶ່ງຈະໄດ້ຮັບໄຊຊະນະນັ້ນ.

ໃນມື້ວັນສຸກວານນີ້ ທັງປະທານາທິບໍດີໂອບາມາແລະທ່ານຣອມ
ນີຕ່າງກໍໄດ້ຢຸດແວ່ທີ່ລັດໂອຮາຍໂອ ຊຶ່ງເປັນລັດທີ່ມີຄວາມສຳຄັນ ໃນມື້ດຽວກັນກັບທີ່ລາຍ ງານຂອງລັດຖະບານ ແຈ້ງວ່າ ອັດຕາຄົນຫວ່າງງານ ໄດ້ເພີ້ມຂຶ້ນ .10% ເປັນ 7.9% ແຕ່ ຂະນະດຽວກັນ ກໍໄດ້ສ້າງວຽກເຮັດງານທຳເພີ່ມຕື່ມ 171,000 ໜ້າວຽກຊຶ່ງເປັນໂຕເລກທີ່ ລື່ນການຄາດໝາຍເອົາໄວ້.

ຜູ້ສະມັກເປັນປະທານາທິບໍດີທັງສອງທ່ານແມ່ນມີຄວາມເຫັນແຕກຕ່າງກັນກ່ຽວກັບວ່າໂຕ
ເລກທີ່ວ່ານີ້ ໝາຍຄວາມວ່າແນວໃດ. ປະທານາທິບໍດີໂອບາມາ ເວົ້າວ່າ ໃນເດືອນຕຸລາ ແລ້ວນີ້ ບໍລິສັດຕ່າງໆໄດ້ວ່າຈ້າງພວກຄົນງານຫຼາຍເປັນປະຫວັດການ ໃນຮອບ 8 ເດືອນ ທີ່ຜ່ານມາ. ແຕ່ທ່ານຣອມນີເອີ້ນອັດຕາຄົນຫວ່າງງານນີ້ວ່າ ເປັນສິ່ງເຕືອນຄວາມຈຳທີ່ໜ້າ ເສົ້າໃຈທີ່ວ່າເສດຖະກິດເກືອບບໍ່ມີການເໜັງຕີງເລີຍ.

ເບິ່ງວີດີໂອ ຊາວອາເມຣິກັນຫຼາຍລ້ານຄົນ ປ່ອນບັດ ກ່ອນວັນເລືອກຕັ້ງ.

XS
SM
MD
LG