ທ່ານ Mitt Romney ຜູ້ສະມັກເລືອກຕັ້ງປະທານາທິບໍດີຂອງພັກຣີພັບບລິກັນ ແລະສະ
ມາຊິກສະພາຕໍ່າ Paul Ryan ຜູ້ທີ່ທ່ານ Romney ຫາກໍເລືອກເອົາມາເປັນຜູ້ຮ່ວມແຂ່ງ
ຂັນເລືອກຕັ້ງເປັນຮອງປະທານາທິບໍດີຂອງທ່ານນັ້ນ ຈະພາກັນເລີ້ມອອກໂຄສະນາຫາສຽງ
ໃນວັນອາທິດມື້ນີ້ ໂດຍຂີ່ລົດບັສໄປທົ່ວລັດ North Calorina ຢູ່ທາງພາກຕາເວັນອອກ
ຂອງສະຫະລັດ ຊຶ່ງເປັນລັດທໍາອິດ ຢູ່ໃນຈໍານວນບັນດາລັດ ທີ່ຫລາຍຄົນ ເຊື່ອກັນວ່າ “ເປັນ ລັດທີ່ຈະຕ້ອງໄດ້ຮັບ ໄຊຊະນະ” ນັ້ນ.
ພາຍຫລັງທີ່ທ່ານ Romney ໄດ້ປະກາດໃຫ້ຊາບກ່ຽວກັບ ຜູ້ທີ່ທ່ານເລືອກເອົາເປັນຮອງ
ປະທານາທິບໍດີຂອງທ່ານ ໃນຕອນເຊົ້າວັນເສົາວານນີ້ ຕໍ່ໜ້າຝູງຊົນທີ່ສະໜັບສະໜູນທ່ານ
ຢູ່ເມືອງ Nortfolk, ລັດ Virginia ທີ່ມີຊາຍແດນຕິດກັບລັດ North Calorina ນັ້ນ ທັງສອງ
ທ່ານກໍໄດ້ເລີ້ມ ເດີນທາງໄປຫາສຽງທົ່ວລັດ Virginia ໂດຍໄດ້ຊຸກຍູ້ນະໂຍບາຍໃນການມີ
ຄວາມຮັບຜິດຊອບ ໃນດ້ານງົບປະມານ.
ທ່ານ Romney ໄດ້ແນະນໍາທ່ານ Ryan ກ່ອນທີ່ທ່ານຈະເລີ້ມອອກໂຄສະນາຫາສຽງໂດຍ
ທາງລົດບັສ ເປັນເວລາ 4 ວັນ. ທ່ານ Ryan ໄດ້ກ່າວຕໍ່ຝູງຊົນວ່າ ອາເມຣິກາ ດຽວນີ້ແມ່ນ
ກໍາລັງເດີນໄປຕາມເສ້ນທາງທີ່ຜິດ ແລະກ່າວວ່າ “ທ່ານ Romney ແລະຂ້າພະເຈົ້າ ຈະພາ ກັນເອົາບາດກ້າວອັນຖືກຕ້ອງ, ຖືກເວລາ ເພື່ອຈະນໍາພາພວກເຮົາ ກັບຄືນໄປຫາເສັ້ນທາງ
ທີ່ຖືກຕ້ອງ.”
ສະມາຊິກສະພາຕໍ່າ Ryan ອາຍຸ 42 ປີ ໄດ້ຮັບການສະໜັບສະໜຸນຢ່າງຫຼວງຫຼາຍຈາກ
ພວກນິຍົມແນວທາງເດີມ ທີ່ມີອິດທິພົນ. ທ່ານເປັນປະທານຄະນະກຳມະການງົບປະມານ
ຂອງສະພາຕໍ່າສະຫະລັດ ແລະໄດ້ເປັນຜູ້ນຳພາທີ່ມັກອອກປາກອອກສຽງດັງ ໃນການຕັດ
ການຂາດດຸນລົງ ດ້ວຍການຕັດງົບປະມານຂອງສະຫະລັດ.
ເບິ່ງວີດິໂອກ່ຽວກັບການປະກາດເອົາທ່ານ Paul Ryan ເປັນຜູ້ຮ່ວມແຂ່ງ
ຂັນເລືອກຕັ້ງ