ລິ້ງ ສຳຫລັບເຂົ້າຫາ

ທ່ານ Gingrich ຖອນຕົວ ຈາກການແຂ່ງຂັນ ເລືອກຕັ້ງ ປະທານາທິບໍດີ

  • ທອງປານ ເທບວົງສາ

ທ່ານ Newt Gingrich ອະດີດປະທານສະພາຕໍ່າສະຫະລັດ ຂະນະປະກາດຖອນຕົວແຂ່ງຂັນເລືອກຕັ້ງ ປະທານາທິບໍດີ

ທ່ານ Newt Gingrich ອະດີດ​ປະທານ​ສະພາ​ຕໍ່າ​ສະຫະລັດ​ໄດ້​ປະກາດ​ໂຈະຢ່າງ​ເປັນ​ທາງ ​ໃນ​ການ​ແຂ່ງຂັນ​ເປັນ​ຕົວ​ແທນພັກຣີພັບ​ບລິ​ກັນສຳ​ຫຼັບ ​ເລືອກ​ຕັ້ງ​ເອົາ​ຕໍາ​ແໜ່​ງປະທານ​າທິບໍດີ ຫລັງ​ຈາກ​ຊະນະ​ການ​ເລືອກ​ຕັ້ງ​ຂັ້ນ​ຕົ້ນ ພຽງ​ແຕ່​ສອງ​ລັດ ​ແລະເປັນ​ໜີ້​ຫລາຍ​ກວ່າສີ່​ລ້ານ​ສາມ​ແສນ​ໂດ​ລາ​ໃນ ການ​ໂຄສະນາ​ຫາ​ສຽງນັ້ນ.

ທ່ານ Gingrich ​ໄດ້​ປະກາດ​ເມື່ອ​ວັນ​ພຸດ​ວານ​ນີ້​ ຢູ່​ນອກ​ນະຄອນຫລວງ​ວໍ​ ຊິງ​ຕັນ​ ​ໂດຍ​ບອກ​ພວກ​ສະໜັບສະໜຸນ​ຂອງ​ທ່ານ​ວ່າ ນີ້​ມັນ​ເປັນ​ປີທີ່​ໜ້າ​ອັດ ສະຈັນ​ຫລາຍ​ສໍາລັບ​ທ່ານ ພັນ​ລະ​ຍາຂອງ​ທ່ານ ຍານາງ Callista ​ແລະ​ຄອບຄົວ​ຂອງທ່ານ. ນອກ​ນີ້​ແລ້ວ​ທ່ານ ກິ​ງຣີຊ ​ຍັງ​ໄດ້​ກ່າວ​ຂອບ​ໃຈ​ພວກ​ບໍລິຈາກຫລາຍ​ກວ່າ 179,000 ຄົນ ​ທີ່ໄດ້​ຊ່ວຍ​ເຫລືອ​ການ​ໂຄສະ​ຫາ​ສຽງ​ຂອງ​ທ່ານ​ໃຫ້​ເປັນ​ໄປ​ໄດ້.

ທ່ານ ກິ​ງຣິຊ ​ໄດ້ໂຜ່​ໂຕ​ຂື້ນ​ມາ​ເປັນ​ຜູ້​ທ້າ​ທາຍ​ທີ່​ເຂັ້ມ​ແຂງຫຼັງຈາກໄດ້ຊະນະ​ການ​ເລືອກ​ຕັ້ງ​ຂັ້ນ​ຕົ້ນ​ທີ່​ລັດ South Carolina ​ໃນ​ເດືອນ​ມັງກອນ​ຜ່ານ​ມາ ​ແຕ່​ການ​ໂຄສະນາ​ຫາ​ສຽງ​ຂອງ​ທ່ານໄດ້​ຕົກ​ຕໍ່າລົງ​ໄປ​ ຫຼັງຈາກ​ປາໄຊຢູ່​ລັດ Florida ​ໃນ​ເວລາ​ຕໍ່​ມາ. ມີ​ພຽງອີກ​ລັດ​ນຶ່ງທີ່​ທ່ານ​ຊະນະ​ໃນ​ເດືອນ​ມີນາຄື ລັດ Georgia ຊຶ່ງ​ເປັນບ້ານ​ເກີດ​ຂອງ​ທ່ານ. ເມື່ອ​ອາທິດ​ຜ່ານ​ມາ​ທ່ານ ກິ​ງ ຣິຊ ປາໄຊຢູ່​ໃນ​ຫ້າ​ລັດ.

ທ່ານ​ກິ​ງຣີຊ ​ໄດ້​ເວົ້າ​ໄວ້​ວ່າ ​ທ່ານ​ມີ​ແຜນການ​ຊ່ວຍ​ເຫຼືອພັກຣີພັບບລິ​ກັນ ​ເພື່ອເຂົ້າຄວບ​ຄຸມ​ສະພາ​ສູງຂອງ​ສະຫະລັດ ​ໃນ​ຂະນະ​ທີ່​ຍັງສາມາດເປັນຜູ້​ກໍາ​ສຽງ​ສ່ວນ​ຫລາຍ​ໃນສະພາ​ຕໍ່າ​ນັ້ນ​ຢູ່​ຕໍ່​ໄປ. ທ່ານ ກິ​ງຣີຊ ​ເປັນ​ຜູ້​ຢູ່​ເບື້ອງ​ຫຼັງການເຂົ້າຄວບຄຸມສະພາ​ຕໍ່າ​ສະຫະລັດ ໃນ​ປີ 1994.

ການ​ຖອນ​ຕົວ​ຂອງ​ທ່ານ​ກິ​ງຣີຊ ​ແມ່ນ​ເປິີດ​ໂອກາດ​ໃຫ້​ແກ່​ທ່ານມິດ ຣອມນີ ອະດີດ​ຜູ້​ວ່າການ​ລັດ Massachusetts ​ແລະ​ທ່ານ Ron Paul ສະມາ ຊິກສະພາ​ຕໍ່າ​ຈາກ​ລັດ​ເທັກຊັສ​ສືບ​ຕໍ່​ການ​ແຂ່ງຂັນຂອງ​ພັກຣີພັບ​ບລິ​ກັນ ​ແຕ່ ທ່ານ Ron Paul ມີ​ຄະ​ແນນ​ຫ່າງ​ກັນ​ຫຼາຍຈາກ​ທ່ານຣອມນີທີ່​ຄາດ​ກັນວ່າ​ ຈະໄດ້ເປັນ​ຕົວ​ແທນ​ພັກ ​ຈາກ​ຈໍານວນ​ຜູ້ຕາງໜ້າ​ທີ່ທ່ານ​ໄດ້ຮັບ​ນັ້ນ.

XS
SM
MD
LG