ລິ້ງ ສຳຫລັບເຂົ້າຫາ

ຫຼາຍປະເທດ ໃຫ້ຄຳໝັ້ນສັນຍາ ຈະຊ່ອຍເຫຼືອສ້າງສາ ເຂດກາຊາ ຄືນໃໝ່


ລັດຖະມົນຕີ ການຕ່າງປະເທດ ສະຫະລັດ ທ່ານ John Kerry ກ່າວປາໄສໃນລະຫວ່າງກອງປະຊຸມ ທີ່ໄຄໂຣ ອີຈິບ, ວັນທີ 12 ຕຸລາ 2014.

ລັດຖະມົນຕີ ການຕ່າງປະເທດ ສະຫະລັດ ທ່ານ John Kerry ກ່າວປາໄສໃນລະຫວ່າງກອງປະຊຸມ ທີ່ໄຄໂຣ ອີຈິບ, ວັນທີ 12 ຕຸລາ 2014.

ສະຫະລັດ​ໃຫ້​ຄຳ​ໝັ້ນ​ສັນຍາ​ທີ່​ຈະ​ບໍລິຈາ​ກ​ເງິນ​ຈຳນວນ 212
ລ້ານ​ດອນ​ລາ​ໃນ​ການ​ຊ່ອຍ​ເຫຼືອ​ຄັ້ງ​ໃໝ່ ​ໃຫ້​ແກ່​ຊາວ​ປາ​ແລ​ສ​
ໄຕ​ນ໌ ທີ່​ກອງ​ປະຊຸມຫາ​ເງິນ​ສ້າງສາ​ເຂດ​ກາຊາ ​ທີ່​ໄດ້​ຮັບ​ຄວາມ
​ເສຍ​ຫາຍ​ຢ່າງ​ໜັກ​ຈາກ​ສົງຄາມນັ້ນ.

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry
ປະກາດຂ່າວການ​ໃຫ້​ເງິນ​ຊ່ອຍ​ເຫຼືອ​ດັ່ງກ່າວ​ ​ໃນ​ວັນ​ອາທິດ​ມື້​ນີ້
​ທີ່​ນະຄອນຫຼວງ​ໄຄ​ໂຣ ຂອງ​ອີ​ຈິບ ​ໂດຍ​ກ່າວ​ວ່າ ​ເວລານີ້ ປະຊາ
ຊົນ​ໃນ​ເຂດກາຊາ ​ແມ່ນຕ້ອງການ​ການ​ຊ່ອຍ​ເຫຼືອ​ “​ເປັນ​ທີ່​ສຸດ”.
ສະຫະລັດ​ໄດ້​ໃຫ້ການ​ຊ່ອຍ​ເຫຼືອ​ດ້ານ​ມະນຸດສະ​ທຳ​ແລ້ວ 118
ລ້ານ​ດອນ​ລາ.

ບັນດາ​ຜູ້ນຳ​ປາ​ແລ​ສ​ໄຕ​ນ໌ ກຳລັງ​ພະຍາ​ມຮ້ອງ​ຂໍເງິນ​ຊ່ວຍ​ເຫຼືອ​ຈຳນວນ 4 ຕື້​ດອນ​ລາ​ ຈາກ​ຫຼາຍ​ສິບ​ປະ​ເທດ​ທີ່​ເຂົ້າ​ຮ່ວມ​ໃນ​ກອງ​ປະຊຸມ​ຄັ້ງ​ນີ້.

ປະທານາທິບໍດີ Mahmoud Abbas ​ແຫ່ງ​ປາ​ແລ​ສ​ໄຕ​ນ໌ ​ໄດ້​ກ່າວ​ເນັ້ນ​ເຖິງ​ຂະໜາດ​ຂອງ​ຄວາມ​ເສຍ​ຫາຍ ​ແລະ​ຄວາມຕ້ອງການການ​ຊ່ອຍ​ເຫຼືອ ​ໂດຍ​ກ່າວ​ວ່າ ຄຸ້ມ​ຄົນ​ຢູ່​ອາ​ໄສ
ຫຼາຍໆ​ຄຸ້ມ​ໄດ້​ຖືກ​ທຳລາຍຢ່າງ​ຮາບ​ຄາບ ໃນ​ສົງຄາມ​ 50 ມື້ ລະຫວ່າງ​ອິສຣາ​ແອ​ລ ແລະ​
ກຸ່ມ​ຮາ​ມັສ. ການ​ສູ້​ລົບ​ກັນໄດ້​ເອົາ​ຊີວິດ​ຊາວ​ປາ​ແລ​ສ​ໄຕ​ນ໌ ​ຫຼາຍ​ກວ່າ 2100 ຄົນ​ ສ່ວນ
​ຫຼາຍ​ເປັນ​ພວກ​ພົນລະ​ເຮືອນ ​ພ້ອມ​ທັງທະຫານ​ອິສຣາ​ແອ​ລ 67 ຄົນ ແລະ​ພົນລະ​ເຮືອນ
ອີກ 6 ຄົນ​.

ແມ່ຍິງປາແລສໄຕນ໌ຈູງແຂນລູກສາວ ຍ່າງຜ່ານຊາກຫັກພັງຂອງອາຄານທີ່ີ່ື່ຖືກທຳລາຍໃນສົງຄາມ50 ມື້.

ແມ່ຍິງປາແລສໄຕນ໌ຈູງແຂນລູກສາວ ຍ່າງຜ່ານຊາກຫັກພັງຂອງອາຄານທີ່ີ່ື່ຖືກທຳລາຍໃນສົງຄາມ50 ມື້.

ປະທານາທິບໍດີ Abdel Fattah el-Sissi ​ແຫ່ງ​ອີ​ຈິບ ຮຽກຮ້ອງ​ໃຫ້ ອິສຣາ​ແອ​ລ ​ເລີ້ມ​ດຳ​ເນີນຄວາມ​ພະຍາຍາມ​ສ້າງ​ສັນຕິພາບ​ຄືນ​ຄັ້ງ​ໃໝ່ ​ໂດ​ບອີງ​ຕາມ​ຂໍ້​ສະ​ເໜີ ​ປີ 2002 ທີ່​ຈະ​ຮວມທັງ​ໃຫ້​ອິສຣາ​ແອ​ລຖອນ ອອກ​ຈາກ​ດິນ​ແດນ​ທີ່​ຕົນ​ຍຶດ​ເອົາ​ໃນ​ປາງ​ສົງຄາມ​ພາກ​ຕາ​ເວັນ​ອອກ​ກາງ​ໃນປີ 1967 ນັ້ນ.

ລັດຖະມົນຕີ​ການ​ຕ່າ​ງປະ​ເທດ​ສະຫະລັດ ທ່ານ John Kerry ກໍ​ໄດ້​ຮຽກຮ້ອງ​ເຊັ່ນ​ກັນ ​ໃຫ້​ໝົດ​ທຸກຝ່າຍທຳ​ຄວາມ​ໝັ້ນໝາຍ​ຄືນ​ໃໝ່​ ວ່າຈະ​ດຳເນີນ​ງານ​ເພື່ອ​ສັນຕິພາບ ທີ່ໃຫ້​ເປັນ​ໄປ​ຕາມ​ຄວາມ​ປາດ​ຖະໜາ​ຂອງ​ໝົດ​ທຸກ​ຄົນ.

XS
SM
MD
LG