ລິ້ງ ສຳຫລັບເຂົ້າຫາ

ສະຫະລັດ ມີຄວາມໝາຍໝັ້ນ ຕໍ່ຄວາມປອດໄພ ຂອງຟີລິບປິນ

  • ສິງ ບູຣົມມະວົງ

ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດ.


















ລັດຖະມົນຕີ​ການ​ຕ່າງປະ​ເທດສະຫະລັດ ທ່ານ​ນາງ Hillary Clinton ກ່າວ​ວ່າ ວໍ​ຊິງ
ຕັນຍັງ​ສືບ​ຕໍ່ມີ​ຄວາມ​ໝາຍ​ໝັ້ນ​ໃນດ້ານ​ຄວາມ​ປອດ​ໄພ​ ຂອງຟິລິບ​ປີນ ​ແຕ່​ວ່າ ສະຫະ
ລັດຈະ​ບໍ່​ເຂົ້າ​ຂ້າງ​ອອກ​ຂາກ່ຽວ​ກັບ​ການປະ​ເຊີນ​ໜ້າທາ​ງທະ​ເລທີ່​ຍັງ​ດຳ​ເນີນ​ຢູ່​ຕໍ່​ມາ
ລະຫວ່າງ​ຟີ​ລິບ​ປິນກັບປັກ​ກິ່ງໃນ​ທະ​ເລ​ຈີນ​ໃຕ້.

ທ່ານ​ນາງ Clinton ໃຫ້​ຄວາມ​ເຫັນ​ດັ່ງກ່າວ​ໃນ​ວັນ​ຈັນວານ​ນີ້​ທີ່ກຸງວໍ​ຊິງ​ຕັນ ​ໃນ​ລະ
ຫວ່າງການ​ສົນທະນາ​ກັບນັກ​ການ​ທູດ​ອະ​ວຸ​ໂສແລະ​ເຈົ້າ​ໜ້າ​ທີ່​ກະ​ຊວງ​ປ້ອງ​ກັນ​ປະ​
ເທດ​ຈາກກຸງມະນີ​ລາ.

ທ່ານ​ນາງ Clinton ​ໄດ້​ສະ​ແດງ​ຄວາມ “ກັງວົນຢ່າງ​ເລິກ​ເຊິ່ງ” ກ່ຽວ​ກັບ​ການ​ປະ​ເຊີນ
ໜ້າ​ເປັນ​ເວລາ​ເກືອບສາມອາທິດ​ ລະຫວ່າງຟິລິບ​ປີນ ​ແລະຈີນ​ທີ່​ເກາະ Scarbo
rough ຊຶ່ງ​ທັງສອງ​ປະ​ເທດຕ່າງ​ກໍ​ໄດ້​ອ້າງ ​ເອົາກຳ​ມະ​ສິດນັ້ນ. ທ່ານ​ນາງ​ກ່າວ​ອີກ​ວ່າ
ສະຫະລັດໃຫ້ການສະໜັບ ສະ​ໜຸນ​ຕໍ່​ການ​ແກ້​ໄຂ​ທາງ​ດ້ານ​ການ​ທູດຕໍ່​ບັນຫາ​ຂັດ​ແຍ້​ງ​
ກ່ຽວ​ກັບ​ເລື່ອງ​ດິນ​ແດນ​ທຳນອງ​ນີ້.

ຖະ​ແຫລ​ງການຮ່ວມ​ສະບັບ​ນຶ່ງ​ທີ່​ໄດ້​ນຳ​ອອ​ເຜີຍ​ແຜ່ຫ​ລັງ​ຈາກ​ການ​ເຈລະ​ຈາ​ຫາລື​ກ່າວ
ວ່າ ສະຫະລັດຈະສືບ​ຕໍ່​ເສີມ​ຂະຫຍາຍ​ໃຫ້ຟິລິບ​ປີນມີ​ຄວາມ​ສາມາດ​ໃນ​ການ​ລາດຕະ​
ເວນ​ເຂດນ່ານ​ນໍ້າຂອງ​ຕົນພາຍ​ໃຕ້ສົນທິສັນຍາການ​ປ້ອງ​ກັນ​ຮ່ວມກັນ​ທີ່​ມີ​ອາຍຸ 60 ປີ
ລະຫວ່າງ​ປະ​ເທດທັງ​ສອງ.

XS
SM
MD
LG