ລິ້ງ ສຳຫລັບເຂົ້າຫາ

ສຫລ ຈ່າຍເງິນ 400 ລ້ານໂດລາ ໃຫ້ອີຣ່ານ ເພື່ອຄ້ຳປະກັນ ການປ່ອຍໂຕ ພວກນັກໂທດ


ລັດຖະມົນຕີຕ່າງປະເທດ ທ່ານ John Kerry ສົນທະນາກັບ ລັດຖະມົນຕ່າງປະເທດ ອີຣ່ານ ທ່ານ Mohammad Javad Zarif ທີ່ນະຄອນ Vienna.

ລັດຖະມົນຕີຕ່າງປະເທດ ທ່ານ John Kerry ສົນທະນາກັບ ລັດຖະມົນຕ່າງປະເທດ ອີຣ່ານ ທ່ານ Mohammad Javad Zarif ທີ່ນະຄອນ Vienna.

ເປັນ​ເທື່ອ​ທຳ​ອິດ​ທີ່​ລັດຖະບານ ທ່ານ Obama ​ໃນ​ວັນ​ພະຫັດວ່າ​ນນີ້ ​ໄດ້​ກ່າວ​ຢ່າງ​ແຈ້ງ ຂາວ ​ແລະ​ຢ່າງ​ເປັນ​ການ​ເປີດ​ເຜີຍ​ວ່າ ການ​ຈ່າຍ​ເງິນສົດ 400 ລ້ານ​ໂດ​ລາ​ໃຫ້​ແກ່ອີ​ຣ່ານ ນັ້ນ ​ໄດ້ຖືກໃຊ້​ເປັນການຕໍ່​ລອງ​ ເພື່ອ​ຄໍ້າ​ປະ​ກັນ ​ໃຫ້​ມີ​ການ​ປ່ອຍ​ໂຕ​ພວກ​ນັກ​ໂທດ​ອາ​ເມຣິ ກັນກຸ່ມ​ນຶ່ງທີ່​ຖືກ​ກັກ​ຂັງໂດຍເຕຫະຣ່ານ.

​ໃນ​ຕົ້ນ​ເດືອນ​ນີ້ ປະທານາທິບໍດີ Barack Obama ​ໄດ້​ປະຕິ​ເສດວ່າ ການຈ່າ​ຍ ເງິນໃຫ້​ແກ່​ອີຣ່ານ ​ໃນ​ວັນ​ດຽວ​ກັນ​ກັບ​ການ​ປ່ອຍ​ໂຕ​ປະກັນ​ ​ເປັນ “ການ​ຕົກລົງ​ທີ່​ບໍ່​ດີ​ໃນ​ຮູບ​ໃດ​ຮູບ​ນຶ່ງ” ​ໂດຍ​ຊີ້​ໃຫ້​ເຫັນ​ວ່າ ການແລກ​ປ່ຽນ​ໄດ້​ປະກາດ​ໃຫ້​ຊາບໃນ​ເດືອນ​ມັງກອນ ນຶ່ງ​ມື້​ຫລັງ​ຈາກ​ການຈັດຕັ້ງ​ປະຕິບັດ​ຂໍ້ຕົກລົງ​ນິວ​ເຄລຍລະ​ຫວ່າງ ສະຫະລັດ ກັບເຕຫະຣ່ານ.

​ໃນ​ວັນ​ພະຫັດ​ວານ​ນີ້ ​ໂຄສົກະຊວງ​ຕ່າງປະ​ເທດ​ສະຫະລັດ ທ່ານ John Kirby ​ໄດ້​ກ່າວ​ຊໍ້າອີກ​ເຖິງ​ທ່າ​ທີ​ຂອງ​ລັດຖະບານ​ວ່າ ການ​ເຈລະຈາເພື່ອ​ສົ່ງເງິນ​ອີຣ່ານ ຄືນ ຊຶ່ງ​ເປັນຜົນ​ມາ​ຈາກ​ຂໍ້​ຕົກລົງ​ຂາຍ​ອາວຸດ​ ໃນ​ຊຸມ​ປີ 1970 ທີ່​ໄດ້​ມີ​ການ​ຍົກ​ເລີກ​ໃຫ້​ແກ່ພະເຈົ້າ shah ທີ່
ສະຫະລັດ​ໜຸນ​ຫລັງ ຊຶ່ງ​ໄດ້ມີ​ຂຶ້ນ​ຕ່າງຫາກ ຈາກ​ການ​ເຈລະຈາ​ ​ປ່ອຍ​ຊາວອາ​ເມຣິກັນ​ ຢູ່​ໃນ​ອີຣ່ານ.

ທ່ານ Kirby ກ່າວ​ຕໍ່​ບັນດາ​ນັກ​ຂ່າວ ​ໂດຍ​ອ້າງ​ເຖິງ​ການ​ບໍ່​ໄວ້​ໃຈ​ການ​ເປັນ​ເວລາ​ຫລາ​ຍປີລະຫວ່າງ​ສອງ​ປະ​ເທດວ່າ “ພວກ​ເຮົາ​ໄດ້​ມີ​ຄວາມ​ເປັນ​ຫ່ວງ​ວ່າ​ ອີຣ່ານ ອາດບໍ່​ເຮັດ​ຕາມ​ສັນຍາ​ການ​ປ່ອຍ​ໂຕ​ນັກ​ໂທດ. ​ເປັນ​ທີ່​ແຈ້ງ​ຂາວແລ້ວວ່າ ​ເວລາ​ທ່ານ​ຢູ່​ໃນ​ລະຍະ 24 ຊົ່ວ​ໂມງ ​ແລະ​ບັດ​ນີ້​ທ່ານ​ມີ​ຄວາມ​ເປັນ​ຫ່ວງ​ກ່ຽວ​ກັບ​ການ ​ເກ​ມ​ຂັ້ນສຸດ​ທ້າຍໃນ​ກາ​ນນຳ​ເອົາ​ຊາວ​ອາ​ເມຣິກັນ​ອອກ​ມາ ມັນ​ອາດ​ຈະ​ເປັນ​ການ​ໂງ່​ຈ້າ ​ແລະບໍ່​ລອບ​ຄອບ ບໍ່ມີ​ຄວາມ​ຮັບຜິດ​ຊອບ ສຳລັບ​ພວກ​ເຮົາ​ທີ່​ບໍ່​ພະຍາຍາ​ມ ຮັກສາ​ອິດ​ທິພົນ​ໃນ​ການ​ຕໍ່​ລອງ​ໄວ້​ຢ່າງເຕັມທີ່.

ທ່ານ​ກ່າວ​ເພີ້​ມອີກ​ວ່າ “ຖ້າ​ຫາກ​ທ່ານ ຖາມ​ຂ້າພະ​ເຈົ້າ​ວ່າ ​ໄດ້​ມີ​ການຕິດ​ຕໍ່​ກ່ຽວ​ກັບ​ເລື້ອງ ດັ່ງກ່າວ ຂອງເກ​ມຂັ້ນສຸດ​ທ້າຍ ຂ້າພະ​ເຈົ້າ​ຈະ​ບໍ່​ປະຕິ​ເສດ​ເລື້ອງ​ນີ້.”

ບັນດາ​ນັກ​ໂທດ​ມີ ຫົວໜ້າ​ໜັງ​ສື​ພິມ Washington Post ປະຈຳ​ຫ້ອງການ ທີ່ອີຣ່ານ ທ່ານ Jason Resaian ອະດີດ​ທະຫານມາຣິນ ທ່ານ Amir Hekamti ນັກ​ສອນ​ສາສະໜາ ຄຣິສຕຽນ ທ່ານ Saeed Abedin ​ແລະ​ຜູ້​ຊາຍ​ຄົນ​ທີ​ສີ່ ທ່ານ Nosratollah Khosravi-Roodsari ​ທີ່​ໄດ້​ຫາຍ​ສາບ​ສູນ​ໄປທີ່​ບໍ່​ໄດ້​ກ່າວ​ເຖິງ​ຢ່າງ​ເປີດ​ເຜີຍ ກ່ອນ​ລາວ​ໄດ້​ຖືກ​ປ່ອ​ຍ​ໂຕ.

ການ​ສົ່ງ​ເງິນສົດ ​ແລະ​ປ່ອຍ​ໂຕ​ພວກນັກ​ໂທດ ​ພ້ອມໆ​ກັນ​ໃນ​ວັນ​ທີ 17 ​ເດືອນ​ມັງກອນ ຊຶ່ງ ມີ​ຂຶ້ນ​ໃນ​ເວລາ​ດຽວ​ກັນ​ທີ່​ຂໍ້​ຕົກລົງ​ກັບ​ອີຣ່ານ ​ແລະ​ອີກ​ຫ້າ​ປະ​ເທດ​ມະຫາ​ອຳນາດ ທີ່​ຢັບຢັ້ງ ບໍ່​ໃຫ້​ເຕຫະຣ່ານພັດ​ທະນາ​ອາວຸດ​ນິວ​ເຄລຍ ພ້ອມ​ດ້ວຍ​ຍົກ​ເລີກການ​ລົງ​ໂທດ​ ທີ່​ໄດ້​ສ້າ​ງຄວາມ​ເສຍ​ຫາຍ​ແກ່​ເສດຖະກິດ​ອີ​ຣ່ານ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG