ລິ້ງ ສຳຫລັບເຂົ້າຫາ

ສະຫະລັດ ກົດດັນປາກິສຖານ ໃຫ້ເອົາມາດຕະການ ຕໍ່ພວກຫົວຮຸນແຮງ

  • ໄພສານ ວໍຣະຈັກ

ຜູ້ບັນຊາການທະຫານບົກປາກິສຖານ ນາຍພົນ Ashfaq Parvez Kayani (ຂວາ)

ຜູ້ບັນຊາການທະຫານບົກປາກິສຖານ ນາຍພົນ Ashfaq Parvez Kayani (ຂວາ)

ພວກເຈົ້າໜ້າທີ່ອະວຸໂສຂອງສະຫະລັດ ຮວມທັງ ລັດຖະມົນຕີການຕ່າງປະເທດ ທ່ານນາງ
Hillary Clinton ແລະນາຍພົນ David Petraeus ຫົວໜ້າອົງການສືບລັບຊີໄອເອມີກຳ
ນົດເດີນທາງໄປຢ້ຽມຢາມປາກິສຖານເພື່ອກົດດັນໃຫ້ພວກຜູ້ນຳຂອງປະເທດດັ່ງກ່າວທຳການ
ປາບປາມພວກຫົວຮຸນແຮງໃນເຂດຊົນເຜົ່າທາງພາກຕາເວັນຕົກສຽງເໜືອຂອງປາກິສຖານ.

ຄະນະຜູ້ແທນຂອງສະຫະລັດ ທີ່ໄປຮ່ວມການເຈລະຈາທີ່ນະຄອນຫຼວງອິສລາມາບັດໃນວັນ
ພະຫັດມື້ນີ້ ແມ່ນຍັງຈະຮວມທັງປະທານຄະນະເສນາທິການຮ່ວມ ຂອງກອງທັບສະຫະລັດ
ນາຍພົນ Martin Dempsey ນຳດ້ວຍ.

ສະຫະລັດໄດ້ຊຸກຍູ້ໃຫ້ປາກິສຖານເປີດສາກທຳການບຸກໂຈມຕີທາງທະຫານຕໍ່ພວກຫົວຮຸນ
ແຮງໃນເຂດຊົນເຜົ່າ Waziristan ເໜືອ ຊຶ່ງມີລາຍງານວ່າເປັນຖານປະຕິບັດງານຂອງຕາ
ໜ່າງຫົວຮຸນແຮງຮັກການີທີ່ເປັນເຄືອຂ່າຍຂອງກຸ່ມກໍ່ການຮ້າຍອາລກາຍດານັ້ນໄດ້ທຳການ
ໂຈມຕີກຳລັງຂອງສະຫະລັດແລະອົງການເນໂຕ້ຢູ່ໃນອັຟການິສຖານ.

ຜູ້ບັນຊາການກອງທັບປາກິສຖານກ່າວໃນວັນອັງຄານຜ່ານມານີ້ວ່າ ສະຫະລັດຄວນຈະເພັ່ງ
ເລັງໃສ່ການສ້າງສະຖຽນລະພາບຢູ່ໃນອັຟການິສຖານ ແລະປາກິສຖານສາມາດເອົາມາດຕະ
ການຢູ່ໃນເຂດ Waziristan ເໜືອມື້ອື່ນນີ້ກໍໄດ້ ຖ້າຫາກມີຄວາມໝັ້ນໃຈວ່າ ການກະທຳດັ່ງ ກ່າວຈະແກ້ໄຂບັນຫາທັງໝົດໄດ້. ນາຍພົນ Ashfag Kayani ກ່າວຕື່ມວ່າ ການເປີດສາກ
ບຸກໂຈມຕີໃດໆກໍຕາມຈະເປັນຕັດສິນໃຈຂອງປາກິສຖານ.

XS
SM
MD
LG