ລິ້ງ ສຳຫລັບເຂົ້າຫາ

ສຫລ ຫວັງວ່າ ຄວາມສໍາພັນ ກັບປາກິສຖານ ຈະດີຂຶ້ນ ຫລັງຈາກໄຂ ເສັ້ນທາງລໍາລຽງຄືນ

  • ດຣ. ສິມມາລາ

ລັດຖະມົນຕີຕ່າງປະເທດອັຟການິສຖານ ທ່ານ Zalmai Rassoul, ລັດຖະມົນຕີຕ່າງປະເທດສະຫະລັດ ທ່ານນາງ Hillary Clinton ກັບ ລັດຖະມົນຕີການຕ່າງປະເທດປາກິສຖານ ທ່ານນາງ Hina Rabbani Khar ຈັບມືກັນ ກ່ອນກອງປະຊຸມກຸ່ມ Core Group ທີ່ໂຕກຽວ ຍີ່ປຸ່ນ, ວັນທີ 8 ກໍລະກົດ 2012.

ລັດຖະມົນຕີກະຊວງການຕ່າງປະເທດສະຫະລັດ ທ່ານນາງ Hilary Clinton ໄດ້ສະ​ແດງ
​ຄວາມຫວັງວ່າ ການເປີດ​ເສັ້ນທາງ​ລໍາລຽງຂົນ​ສົ່ງ​ສໍາພາລະ​ຂອງ​ເນ​ໂຕ້ໄປ​ຍັງ​ອັຟກາ​ນີສຖານ
​ຄືນ​ໃໝ່ຂອງປະກິສຖານນັ້ນ ຈະນໍາໄປສູ່ຄວາມສໍາພັນທີ່ດີຂຶ້ນກັບລັດຖະບານກຸງວໍຊິງຕັນ.

ທ່ານນາງ ຄລິນເຕິນ ໄດ້ພົບປະກັບລັດຖະມົນຕີກະຊວງການຕ່າງປະເທດຂອງປາກິສຖານ
ທ່ານນາງ Hina Rabbani Khar ທີ່ນະຄອນໂຕກຽວ ແລະກ່າວຕໍ່ພວກນັກຂ່າວວ່າ ທັງ
ສອງປະເທດພ້ອມກັນ​ແຍກ​ເອົາຄວາມຂັດຂ້ອງໝອງໃຈກັນໃນອະດີດນັ້ນ ໄວ້​ເບື້ອງຫລັງ
ເພື່ອຈະໄດ້ເພັ່ງເລັງໃສ່​ອະນາຄົດ ແລະການຕໍ່ສູ້ ຕ້ານເຄືອຂ່າຍພວກກໍ່ການຮ້າຍ.

ປາ​ກີ​ສຖານ​ໄດ້ປິດເສັ້ນທາງ​ລໍາລຽງ​ສໍາພາລະ​ຂອງ​ເນ​ໂຕ້ໄປ​ຍັງ​ອັຟກາ​ນີສຖານ ​ລຸນຫລັງ
ການ​ໂຈມ​ຕີຂອງກໍາລັງເນໂຕ້ ​ທີ່​ໄດ້​ສັງຫານ​ທະຫານ​ປາ​ກີ​ສຖານ 24 ຄົນ ໃນເດືອນພະຈິກ
ທີ່ຜ່ານມາ. ເສັ້ນທາງ​ລໍາລຽງ​ດັ່ງ ກ່າວໄດ້ເປີດ​ຄືນ​ໃໝ່ ຫຼັງຈາກ​ສະຫະລັດ​ໄດ້​ກ່າວ​ຂໍຂະ​ມາ​
ໂທດໃນອາທິດແລ້ວນີ້ ສໍາລັບເຫດຮ້າຍ​ທີ່​ເກີດ​ຂຶ້ນດັ່ງກ່າວ.

XS
SM
MD
LG