ລິ້ງ ສຳຫລັບເຂົ້າຫາ

ສະຫະລັດ ​ອອກ​ຄຳສັ່ງ​ ໃຫ້​ຍົກຍ້າຍ ​ຄອບຄົວທະຫານ ​ອອກ​ຈາກບາງເຂດ ໃນພາກໃຕ້ ເທິກີ


ເຮືອບິນຂົນສົ່ງກອງທັບອາກາດສະຫະລັດ ທີຖານທັບ Incirlik ຕັ້ງຢູ່ທາງພາກໃຕ້ຂອງເທິກີ.

ເຮືອບິນຂົນສົ່ງກອງທັບອາກາດສະຫະລັດ ທີຖານທັບ Incirlik ຕັ້ງຢູ່ທາງພາກໃຕ້ຂອງເທິກີ.

ສະຫະລັດ ​ໄດ້ອອກ​ຄຳສັ່ງ​ໃຫ້​ບັນດາ​ຄອບຄົວທະຫານ ຍົກຍ້າຍ​
ອອກ​ຈາກບາງ​ເຂດ ຂອງພາກ​ໃຕ້​ເທິ​ກີ ​ເນື່ອງ​ຈາກ​ມີຄວາມ​ເປັນ​
ຫ່ວງ​ດ້ານ​ຄວາມ​ປອດ​ໄພ.

ທຳນຽບຫ້າ​ແຈ​ໄດ້​ອອກ​ຄຳສັ່ງ​ໃຫ້ຍົກຍ້າຍສະມາຊິກຄອບຄົວ
ທະຫານ 670 ຄົນ ອອກຈາ​ກຖານ​ທັບ​ອາກາດ Incirlik ​ເມືອງ
Ismir ​ແລະ Mugla.

​ໂຄສົກ​ທຳນຽບຫ້າ​ແຈ ທ່ານ Peter Cook ກ່າວ​ຕໍ່​ບັນດາ​ນັກ
​ຂ່າວໃນ​ວັນ​ອັງ ຄານ​ວານ​ນີ້ວ່າ “ບໍ່ມີ​ການ​ຂົ່ມ​ຂູ່ທີ່ເຈາະ​ຈົງໃດໆ
ທີ່​ເຮັດ​ໃຫ້ມີ​ການເຄື່ອນ​ໄຫວດັ່ງ ກ່າວ. ນີ້​ເປັນ​ການ​ຕັດສິນ​ໃຈ
ເພື່ອຄວາມ​ລະມັດລະວັງໂດ​ຍທົ່ວ​ໄປ.”

​ຖະ​ແຫ​ລງາ​ກາ​ນ ຂອງນາຍ​ພົນ Philip M. Breedlove ຜູ້​ບັນຊາ​ການກຳລັງ ສະຫະລັດ
​ໃນຢູ​ໂຣບ ​ແຈ້ງວ່າ ການ​ຕັດສິນໃຈ​ຍົກຍ້າຍ ບັນດາ​ຄອບຄົວ​ທະຫານ ​ແລະພົນລະ​ເຮືອນ
​ໄດ້​ມີ​ຂຶ້ນ “ໂດຍ​ການ​ປຶ​ກສາ​ຫາລື​ກັບ​ລັດຖະບານເທິກີ ກະຊວງ​ຕ່າງປະ​ເທດ ​ແລະ​
ລັດຖະມົນຕີ​ປ້ອງ​ກັນ​ປະ​ເທດຂອງ​ພວກ​ເຮົາ.”

ສະມາຊິກຄອບ​ຄົວ​ທະຫານໜຶ່ງ​ຮ້ອຍ​ຄົນ ​ຢຸູ່ທີ່​ນະຄອນຫຼວງ Ankara ​ແລະນະຄອນ
Istanbul ຈະ​ບໍ່ໄດ້​ຮັບ​ຜົນ​ກະທົບໃດໆ​ຈາກ​ຄຳ​ສັ່ງ​ດັ່ງກ່າວ.

ທ່ານ Cook ກ່່າວ​ວ່າ “ທຳນຽບຫ້າ​ແຈ ຫລິງ​ເຫັນວ່າ​ເປັນ​ທີ່ເໝາະ​ສົມ​ສຳລັບບັນດາ​ສະມາ
ຊິກ​ຄອບຄົວ​ທະຫານ ​ທີ່​ຈະ​ຢູ່​ໃນ​ສອງ​ຫົວ​ເມືອງດັ່ງກ່າວ​ຂອງ​ເທິກີ“​ເພາະວ່າ​ບັນຍາກ​າດ
ດ້ານຄວາມ​ປອດ​ໄພ​ຢູ່​ທີ່​ນັ້ນ ​ແລະ​ມາດ​ຕະການລະ​ມັດ​ລະ ວັງບາງ​ຢ່າງ​ມີໄວ້​ແລ້ວຢູ່​ທີ່
ນັ້ນ.”

ການຍົກຍ້າຍ​ນີ້ ​ບໍ່ແມ່ນ​ການ​ຕັດສິນ​ໃຈ​ທີ່ຖາວອນ ​ເພື່ອຫ້າມ​ບໍ່​ໃຫ້​ສະມາຊິກ​ຂອງ​ຄອບ
ຄົວພັກ​ພາ​ອາ​ໄສ​ຢຸູ່ສະຖານ​ທີ່​ເຫລົ່າ​ນັ້ນ ​ອີງ​ຕາມ​ຖະ​ແຫລ​ງ​ການ​ຮ່ວມ​ຂອງ ກະຊວງ​ປ້ອງ​
ກັນ​ປະ​ເທດ ​ແລະ​ກະຊວງ​ຕ່າງ​ປະ​ເທດສະຫະລັດ.

ຖະ​ແຫລ​ງການ​ກ່າວ​ວ່າ ຖານ​ທັບ Incirlik ຈະ​ສືບ​ຕໍ່ມີ​ບົດບາດ​ອັນ​ສຳຄັນໃນ ການ​ປະຕິ
ບັດ​ງານຂອງສະຫະລັດ ​ແລະ​ເທິ​ກີ ​ເພື່ອ​ຕໍ່ຕ້ານ​ກຸ່ມ​ລັດ​ອິສລາມ.

XS
SM
MD
LG