ລິ້ງ ສຳຫລັບເຂົ້າຫາ

ກຸ່ມໂຈມຕີ ຂອງກອງທັບນາວິກະໂຍທິນ ສະຫະລັດ ເລີ່ມອອກລາດຕະເວນໃນ ທະເລຈີນໃຕ້


ກຳປັ່ນບັນທຸກເຮືອບິນ USS Carl Vinson (CVN 70) ຂອງກອງທັບນາວິກະໂຍທິນ ສະຫະລັດ, ລຸ່ມ, ກຳລັງ
ປະຕິບັດໜ້າທີ່ ແທນກຳປັ່ນ USS George H.W.
Bush ໃນອ່າວ Arabian . 18 ຕຸລາ, 2014.

ກຳປັ່ນບັນທຸກເຮືອບິນ USS Carl Vinson (CVN 70) ຂອງກອງທັບນາວິກະໂຍທິນ ສະຫະລັດ, ລຸ່ມ, ກຳລັງ ປະຕິບັດໜ້າທີ່ ແທນກຳປັ່ນ USS George H.W. Bush ໃນອ່າວ Arabian . 18 ຕຸລາ, 2014.

ກຸ່ມໂຈມຕີກຳປັ່ນບັນທຸກເຮືອບິນຂອງກອງທັບນາວິກະໂຍທິນ ສະຫະລັດ ກຸ່ມໜຶ່ງໄດ້ ເລີ່ມການ ລາດຕະເວນໃນທະເລຈີນໃຕ້, ແມ່ນກະທັ້ງທີ່ຖືກເຕືອນຈາກ ຈີນ ໃນວັນພຸດທີ່ ຜ່ານມາວ່າ ບໍ່ໃຫ້ ແຊກແຊງກັບອຳນາດອະທິປະໄຕຂອງ ຈີນ ໃນບໍລິເວນດັ່ງກ່າວ ກໍຕາມ.

ກອງທັບນາວິກະໂຍທິນ ສະຫະລັດ ໄດ້ປະກາດວ່າ ກຸ່ມດັ່ງກ່າວໄດ້ເລີ່ມການລາດຕະ ເວນປະຈຳວັນ ໃນວັນເສົາວານນີ້. ກຸ່ມທີ່ວ່ານັ້ນ ລວມມີກຳປັ່ນບັນທຸກເຮືອບິນ Nimitz- Class USS Carl Vinson.

ຂົງເຂດບ່ອນທີ່ກຸ່ມ ສະຫະລັດ ກຳລັງທຳການລາດຕະເວນຢູ່ນັ້ນ ແມ່ນເຂດທີ່ມີການ ຂັດແຍ້ງກັນ. ຈີນ ໄດ້ສະແດງສິດໃນການອອກກົດລະບຽບຂອງພວກເຂົາເຈົ້າໃນເຂດ ນ້ຳດັ່ງກ່າວ ແມ່ນກະທັ້ງຈະມີການອ້າງກຳມະສິດເອົາເຂດແດນດັ່ງກ່າວຈາກຫຼາຍປະ ເທດໃນ ເອເຊຍ ຕາເວັນອອກອື່ນໆ ກໍຕາມ.

ບັນດາປະເທດທີ່ຍາດແຍ່ງກັບ ຈີນ ເພື່ອອ້າງກຳມະສິດຕໍ່ຫຼາຍພາກສ່ວນຂອງທະເລ ຈີນໃຕ້ນັ້ນ ລວມມີ ກຳປູເຈຍ, ອິນໂດເນເຊຍ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ. ໄຕ້ຫວັນ ກໍໄດ້ອ້າງເອົາພາກສ່ວນນຶ່ງ ຂອງບໍລິເວນດັ່ງກ່າວເຊັ່ນກັນ.

ກຸ່ມໂຈມຕີ ສະຫະລັດ ໄດ້ຝຶກຊ້ອມຢູ່ນອກຊາຍຝັ່ງຂອງເກາະ ຮາວາຍ ແລະ ເກາະກວມ ໃນການ ກຽມພ້ອມສຳລັບການອອກລາດຕະເວນນີ້.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG