ລິ້ງ ສຳຫລັບເຂົ້າຫາ

ເງິນໂດລ່າ ຂອງ ສຫລ ແມ່ນພິມດ້ວຍ ກຳມະວິທີ ທີ່ພິເສດ ທີ່ສຸດ (ວີດີໂອ ພາສາລາວ/ອັງກິດ)


ເງິນໂດ​ລ່າ​ອາ​ເມຣິກັນ ​ເປັນ​ເງິນຕາ​ສະກຸນ​ນຶ່ງ ທີ່​ມີ​ຄົນ​ນິຍົມ
ໃຊ້​ກັນຫຼາຍຢູ່​ໃນ​ທົ່ວ​ໂລກ. ສະ​ນັ້ນ ມັນ​ຈຶ່ງ​ເປັນ​ການ​ສຳຄັນ
ຫຼາຍ ທີ່​ຈ​ະຕ້ອງ​ຮັບປະກັນໃຫ້ ເງິນໂດ​ລ່າ​ອາ​ເມຣິກັນ ​ເປັນ
​ເງິນ​ທີ່​ມີ​ລັກສະນະ​ທີ່ໂດດ​ເດັ່ນ ​ແລະ​ໜ້າ​ເຊື່ອ​ຖື. ນັ້ນ​ຄື​ພາລະ​
ໜ້າ​ທີ່​ຂອງ​ທະບວງ​ກົມນຶ່ງ​ຂອງ​ລັດຖະບານ​ສະຫະລັດ ທີ່​ໄດ້
​ພິມ ​ທະ​ນາ​ບັດອາ​ເມຣິກັນ ມາ​ໄດ້​ດົນກວ່າ 150 ປີ​ແລ້ວ.
Julie Taboh ​ ຜູ້​ສື່ຂ່າວ​ວີ​ໂອ​ເອ ໄດ້​ໄປ​ຢ້ຽມຢາມ​ຕຶກ​ສູນ​
ກາງ​ພິມ​ເງິນ​ໂດ​ລ່າທີ່​ນະຄອນຫຼວງ​ວໍ​ຊິ​ງຕັນ ​ເພື່ອ​ໄປ​ເບິ່ງ​ໃຫ້
​ເຫັນດ້ວຍ​ຕົນ​ເອງວ່າ ​ເງິນ​ໂດ​ລ່າສະຫະລັດນັ້ນ ພິມ​ກັນ​ຢ່າງ
ໃດ. ​ດາຣາ ມີ​ລາຍລະອຽດ​ ມາສະ​ເໜີ​ທ່ານ.



ເບິ່ງວີດີໂອ ພາສາລາວ ກ່ຽວກັບລາຍງານນີ້:


ກົມແກະສະຫຼັກ​ແລະ​ພິມ​ເງິນຂອງ​ສະຫະລັດ ພິມ​ທະ​ນາ​ບັດ​ອອກ​ມາ ​ຫຼາຍ​ລ້ານໂດ​ລ່າ ​
ໃນ​ແຕ່ລະມື້ ຢູ່ໂຮງພິມ​ ​ທີ່ລັດ​ເທັກ​ຊັສ ແລະ​ນະຄອນຫຼວງວໍ​ຊິງຕັນ​ ຊຶ່ງເປັນ​ແຫຼ່ງພິມ​ເງິນ
​ທີ່​ໃຫຍ່​ທີ່​ສຸດແຫ່ງ​ນຶ່ງ ໃນ​ໂລກ.

ກົມ​ພິມ​ເງິນ​ຂອງ​ສະຫະລັດ ​ໄດ້ສ້າງ​ຕັ້ງ​ຂຶ້ນ​ໃນ​ປີ 1862 ພາຍ​ໃຕ້​ລັດຖະບານ​ຂອງ​ປະທາ ນາທິບໍດີ Abraham Lincoln ​ໃນ​ລະຫວ່າງ​ສົງຄາມ​ກາງ​ເມືອງ.

ທ່ານ Larry Felix ຜູ້​ອຳນວຍ​ການ​ກົມພິມ​ເງິນ ​ເວົ້າ​ວ່າ ກໍາ ມະວິທີ​ໃນ​ການ​ພິມ​ທະ​ນາ​ບັດ​
ຕັ້ງ​ແຕ່​ເລີ່​ມຕົ້ນ ຈົນເຖິງ​ຂັ້ນສໍາ​ ເລັດ​ສົມບູນ​ນັ້ນ ນັບ​ວ່າເປັນ​ຂັ້ນ​ຕອນ​ທີ່ສະ​ລັບຊັບຊ້ອນ​ທີ່ສຸດ.

ທ່ານ ​Felix ​ເວົ້າ​ວ່າ: “​ມັນເບິ່ງ​ຄື​ມີ​ນໍ້າ​ ໝຶກຢູ່​ໜ້າເຈ້ຍ ​ແລະ​ມັນ​ກໍແມ່ນ​ນໍ້າ​ ໝຶກຢູ່​ໜ້າ
ເຈ້ຍ ​ແຕ່​ວ່າ​ ມັນ​ກໍມີ​ຫຼາຍໆ​ລະບົບ​ພິ​ເສດ ທີ່​ປາກົດ​ຢູ່​ໃນ​ໃບ​ທະ​ນາ​ບັດ ນັ້ນ.”


A worker at the Bureau of Engraving and Printing examines sheets of US currency before they are made into wallet-ready bills . (J. Taboh/VOA)
(
ຂັ້ນ​ທໍາ ອິດຂອງ​ການ​ພິມ​ເງິນ ​ເລີ່​ມຕົ້ນ​ດ້ວຍ​ການ​ສອດ​ສີ​ຮອງພື້ນ​ກ່ອນ. ຕໍ່​ຈາກ​ນັ້ນ ກະດາດ
​ພິມຈະ​ຖືກເອົາ​ປະ​ກົບ​ໃສ່ແຜ່ນແກະສະຫຼັກ​ເປັນ​ໃບ​ໂດລ່າ​ຕ່າງໆ ທີ່ມີນໍ້າ ມຶກ​ຕິດໄວ້​ແລ້ວ.
ກໍາ ມະວິທີໃຊ້​ແມ່ພິມແກະ​ສະ​ລັກ​ຕິດ​ໝຶກ​ແບບນີ້ ທີ່ເອີ້ນວ່າ intaglio ນັ້ນ ​ເຮັດ​ໃຫ້​ທະນາ​ບັດ​
ຂອງ​ສະຫະລັດ ມີ​ລັກສະນະ​ພິ​ເສດ.

ທ່ານ Felix ​ເວົ້າ​ວ່າ​: “ສະຫະລັດ ​ໃຊ້ແມ່ພິມ​ແກະ​ສະ​ລັກ ເກືອບ​ວ່າ​ຫຼາຍ​ກວ່າ​ປະ​ເທດ
ອື່ນ​ໃດ ​ເພາະວ່າ​ເຮົາ​ໃຊ້​ແທ່ນ​ພິມ ທັງດ້ານ​ໜ້າແລະ​ດ້ານ​ຫຼັງ​ຂອງ​ເງິນ.”


ຫຼັງ​ຈາກ​ນັ້ນ ກໍໃສ່​ເລກ​ລໍາດັບ ​ແລະກາ​ປະ​ທັບ ​ຂອງເງິນ​ແຕ່ລະ​ໃບ.

ທ່ານ Felix ​ເວົ້າ​ອີກ​ວ່າ​: “ພວກເຮົາສອດລັກສະນະພິ​ເສດ​ເຫຼົ່າ​ນີ້ໃສ່ໃນ​ໃບທະ​ນາ​ບັດ ​
ກໍເພື່ອ​ຊ່ວຍ​ບັນດາຜູ້​ໃຊ້​ເງິນທັງຫຼາຍ ​ຄືເຮັດໃຫ້​ແນ່​ໃຈ​ວ່າ ພວກ​ເຂົາ​ເຈົ້າສາມາດບອກ
​ໄດ້​ວ່າ ​ເງິນ​ໃບ​ນັ້ນປອມຫຼື​ບໍ່​ປອມ?
ພວກເຮົາ​ຈະຄອຍ​ ຕິດຕາມ​ເບິ່ງໄພ​ຂົ່ມຂູ່​ຕໍ່ທະ​ນາ​
ບັດ ໃນ​ແງ່​ຂອງ​ເທັກ​ໂນ​ໂລ​ຈີ່ດິຈິ​ຕອລຢູ່​ສະ​ເໝີ ແລະ​ພວກ​ເຮົາ​ກໍ​ຄາດ​ການເຖິງ​ໄພ​ຂົ່ມ
ຂູ່​ເຫຼົ່າ​ນັ້ນ ​ແລະ​ກໍ​ອອກ​ແບບ​
ລັກສະນະພິ​ເສດ​ເຫຼົ່າ​ນັ້ນ​ໃສ່​ໃນ​ໃບ​ທະ​ນາ​ບັດ ​ເພື່ອ​ປ້ອງ​
ກັນການ​ປອມແປງ.”


ທ່ານ ​ນາງ Rosie Rios ​ເປັນ Treasurer ​ຫຼື ນາຍຄັງ ກໍ​ຄືເຈົ້າ​ໜ້າ​ທີ່​ກະຊວງ​ການ​ເງິນ
ສະຫະລັດ ທີ່​ຮັບຜິດຊອບ​ການ​ອອກ​ທະ​ນາ​ບັດ​ ການ​ພິມ​ເງິນ ​ແລະ​ການ​ຫລໍ່ເງິນ​ຫຼຽນ​ທັງ
ໝົດ​ຂອງ​ສະຫະລັດ ທັງ​ເປັນ​ຜູ້​ເຊັນ​ໃບ​ທະ​ນາ​ບັດ ຮ່ວມກັບ​ ລັດຖະມົນ​ຕີ​ກະຊວງ​ການ​ເງິນ ຫຼື Secretary of the Treasury.

ທ່ານ​ນາງ ຣີ​ໂອສ ​ເວົ້າ​ວ່າ: “​ເງິນທະ​ນາ​ບັດຂອງສະຫະລັດ ​ແມ່ນ​ມີ​ເອກ​ກະ​ລັກ​ພິ​ເສດ
​ທີ່​ສຸດ ຍ້ອນ​ຫຼາຍໆ​ເຫດຜົນ​ດ້ວຍ​ກັນ.”


ທ່ານນາງ ຣີ​ໂອສ ມີໜ້າ​ທີ່​ກໍາ ກັບຊີ້ນໍາ ກົມແກະສະຫຼັກແລະພິມ​ເງິນ ​ແລະກົມ​ຫຼໍ່ຫຼຽນ
ເງິນຂອງສະຫະລັດໂດຍ​ກົງ ຊຶ່ງ​ເປັນສອງ​ກົມຕ່າງ​ກັນ ທີ່ຢູ່​ພາຍ​ໃຕ້​ກະຊວງ​ການ​ເງິນ.

Rosie Rios on currency design and role in US history (Click to Expand)

ທ່ານ​ນາງ​ເວົ້າ​ວ່າ ເຖິງ​ແມ່ນ​ຈໍາ ນວນ​ສ່ວນ​ຮ້ອຍ​
ຂອງ​ເງິນ​ປອມ​ ທີ່​ມີ​ໝຸນ​ໃຊ້ ຢູ່​ໃນ​ເສດຖະກິດຈະ
ຍັງ​ນ້ອຍຫຼາຍ ​ຢູ່​ໃນປັດຈຸບັນ​ນີ້​ກໍ​ຕາມ ແຕ່​ລັດຖະ
ບານ​ສະຫະລັດ ກໍ​ຍັງ​ຄົງສືບ​ຕໍ່ປັບປ່ຽນ​ການອອກ
​ແບບ​ເງິນທະ​ນາ​ບັດຂອງ​ອາ​ເມຣິກາໄປເລື້ອຍໆ
ເພື່ອ​ໃຫ້​ຢູ່ລໍ້າາ ໜ້າ​ເທັກ​ໂນ​ໂລຈີ່​ສະ​ໄໝ​ໃໝ່​ ​ແລະ
ພວກ​ນັກ​ປອມ​ແປງ​ເງິນ ທີ່​ເກ່ງ​ທາງ​ເທັກ​ໂນ​ໂລ​ຈີ່.

ທ່ານ​ນາງຊີ້ໄປໃສ່​ເງິນ​ໃບ 100 ​ໂດ​ລ່າ ທີ່​ອອກ​ແບບໃໝ່ໆ ​ເປັນ​ຕົວຢ່າງ.

ທ່ານ​ນາງ ຣີ​ໂອສ ​ເວົ້າ​ວ່າ: “ສິ່ງ ​ນຶ່ງ​ໃນ​ຫຼາຍໆ​ສິ່ງ­ທໍາ​ ອິດ ທີ່​ເຮົາ​ຈະ​ສັງ​ເກດ​ເຫັນ​ຢູ່​ໃນ
ເງິນ​ໃບ​ຮ້ອຍ​ໃໝ່​ ທີ່​ນໍາ ອອກ​ໃຊ້​ໃນ​ເດືອນ​ຕຸລາ ປີ 2013 ນັ້ນ​ ກໍ​ຄືແຖບຣິບບິ້ນສີ​ຟ້າ
ລະບົບ​ສາມ​ມິ​ຕິ ຫຼື 3-D ທີ່ປ້ອງກັນ​ການ​ປອມ​ແປງ​.”


ທັງ​ແຖບ​ຣິບບິ້ນສີຟ້າ ​ແລ​ະລັກສະນະ​ພິ​ເສດ​ປ້ອງ​ກັນ​ການ​ປອມ​ແປງອື່ນໆ ເຮັດ​ໃຫ້ຜູ້ໃຊ້​
ເງິນ ​ສາມາດ​ບອກ​ໄດ້​ງ່າຍ​ຂຶ້ນ​ວ່າ​ ​ເງິນປອມ​ຫຼື​ບໍ່​ປອມ​ ​ແລະ​ເຮັດ​ໃຫ້​ປອມແປງ​ເງິນໄດ້ຍາກ
​ຫຼາຍ​ຂຶ້ນ ​ເຊັ່ນ​ກັນ.

ທ່ານ​ນາງ ຣີ​ໂອສ ​ເວົ້າ​ວ່າ: “ ​ເງິນຕາ​ສະຫະລັດ ​ເປັນ​ທີ່​ຍອມຮັບແລະ​ເຊື່ອ​ຖື​ກັນ​ຢູ່​ໃນ​
ທົ່ວ​ໂລກ. ​ຄືໃຜໆ​ກໍ​ຮູ້ຈັກ​ເງິນ​ໂດ​ລ່າ. ສະ​ນັ້ນ​ ພວກ​ເຮົາ​ຈຶ່ງ​ຢາກ​ໃຫ້​ທຸກ​ຄົນ​ໝັ້ນ​ໃຈ
​ວ່າ ພວກ​ເຮົາ​ຜະລິດ​ສິ່ງ​ທີ່​ໄວ້​ວາງ​ໃຈ​ໄດ້ ມີຄວາ​ມປອດ​ໄພ ​ແລະກໍ​ສາມາດສືບ​ຕໍ່​ ໃຊ້​ເງິນຕາ​ນີ້​ໄດ້​ຕໍ່​ໄປ ໃນ​ອະນາຄົດ.”


​ແລະ​ຖ້າ​ຫາກ​ວ່າ ມີ​ຜູ້​ໃດ​ຍັງ​ຂ້ອງ​ໃຈ​ວ່າ ການທໍາາ ທຸລະກໍາາ ເງິນສົດ ກໍາາ ລັງຈະກາຍ​ເປັນ
ເລື້ອງໃນອະດີດ​ໄປແລ້ວນັ້ນ​ ທ່ານ​ນາງ ຣິ​ໂອສ ​ເວົ້າ​ວ່າ ບໍ່​ຕ້ອງ​ເປັນ​ຫ່ວງ​ໃນ​ເລື້ອງນີ້ດອກ.

ທ່ານ​ນາງ ຣີ​ໂອສ ​ເວົ້າ​ວ່າ​: “​ເຖິງ​ແມ່ນ ໄດ້​ມີ​ການທໍາາ ທຸລະກໍາາເງິນ​ ຈໍາ ນວນ
ມະຫາສານ​ ​ທາງ​ລະ​ບົບອີເລັກ​ໂທຣນິກ ​ໃນໄລຍະ​ສາມ​ສີ່ປີຜ່າ​ນມາ​ນີ້​ ກໍ​ຕາມ ​
ແຕ່
ຈໍາ ນວນເງິນທະ​ນາ​ບັດ​ທີ່​ພວກ​ເຮົາ​ຜະລິດ​ອອກມານັ້ນ ​ແທ້ໆ​ແລ້ວ​ ແມ່ນໄດ້
ມີ​ໂຕ​ເລກ​ເພີ່ມ​ຂຶ້ນ​ໄປ​ເລື້ອຍໆ. ສະຫລູ​ບ​ແລ້ວ ກໍ​ແມ່ນ​ວ່າ ພວກ​ເຮົາ​ຍັງ​ຜະລິດ
​ເງິນທະ​ນາ​ບັດ​ ໂດຍ​ສະ​ເລ່ຍ ​ເຈັດ​ພັນລ້ານ​ໃບ​ ຕໍ່​ປີຢູ່.”


​60 ​ເປີ​ເຊັນ​ຂອງທະ​ນາ​ບັດ​ເຫຼົ່າ​ນີ້ ​ແມ່ນ​ໝຸນ​ໃຊ້​ກັນ ​ຢູ່​ນອກ​ສະຫະລັດ ຊຶ່ງທ່ານ​ນາງຣີໂອສ ​
ເວົ້າ​ວ່າ ມັນ​ເປັນ​ເງິນ​ຕາ ທີ່ຈະຢູ່ໃນ​ຄວາມ​ຮຽກຮ້ອງ​ຕ້ອງການ ສືບຕໍ່​ໄປ​ອີກ​ຫຼາຍໆ​ປີ​.

ວີດີໂອ: ນັກຂ່າວ Julie Taboh ລົມສູ່ຜູ້ດໍາ ເນີນລາຍການ VOA On Assignment
ຟັງ ກ່ຽວກັບການພິມເງິນ ຂອງສະຫະລັດ:


XS
SM
MD
LG