ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດທຳຄວາມຜິດພາດໃນການໃຫ້ສັນຊາດອາເມຣິກັນ ແກ່ພວກທີ່ເຂົ້າເມືອງ ທີ່ຖືວ່າເປັນໄພຕໍ່ຕົນ


ຊາຍຜູ້ນຶ່ງ ຖືທຸງຊາດສະຫະລັດ ໃນຂະນະທີ່ຮັບໃບຍັ້ງຢືນ
ສັນຊາດອາເມຣິກັນ ໃນພິທີທີ່ San Francisco,
California, 30 ມັງກອນ, 2013.
ຊາຍຜູ້ນຶ່ງ ຖືທຸງຊາດສະຫະລັດ ໃນຂະນະທີ່ຮັບໃບຍັ້ງຢືນ ສັນຊາດອາເມຣິກັນ ໃນພິທີທີ່ San Francisco, California, 30 ມັງກອນ, 2013.

ລັດຖະບານ​ສະຫະລັດ ​ໄດ້​ທຳ​ການ​ຜິດພາດ​ໃນການ​ໃຫ້ສັນຊາດ​ອາ​ເມຣິກັນ ແກ່​ພວກເຂົ້າ​ເມືອງ​ຫຼາຍ​ກວ່າ 800 ຄົນ ທີ່​ຄວນ​ຈະ​ຖືກ​ເນລະ​ເທດ.

ກະຊວງ​ຮັກສາ​ຄວາມ​ປອດ​ໄພ​ພາຍ​ ​ໄດ້​ກວດຄືນບັນຊີ ທີ່​ໄດ້​ນຳ​ອອກ​ເຜີຍ​ແຜ່ ​ໃນ​ວັນ​ຈັນ​ວານ​ນີ້ ​ຊຶ່ງພົບ​ເຫັນ​ວ່າ ມີ 858 ຄົນ​ໃນຈຳນວນຄົນເຂົ້າ​ເມືອງ ຈາກ​ປະ​ເທດ​ທີ່​ເຫັນ​ວ່າ ​ເປັນ​ໄພ​ຕໍ່​ສະຫະລັດ ຫຼືບໍ່ ກໍ​ມາຈາກປະ​ເທດ​ທີ່​ມີອັດຕາການປອມແປງເຂົ້າ​ເມືອງ​ໃນ​ຈຳນວນ​ຫຼາຍ​ນັ້ນ. ລາຍ​ງານ​ດັ່ງກ່າວ ບໍ່​ໄດ້​ລະ​ບຸ​ວ່າ​ເປັນ​ປະ​ເທດ​ໃດ.

ຜູ້​ກວດກາ​ຂອງ ກະຊວງ​ຮັກສາ​ຄວາມ​ປອດ​ໄພ​ພາຍ​ໃນ​ ທ່ານ John Roth ​ກ່າວ​ວ່າພວກ ​ເຂົ້າ​ເມືອງທັງຫຼາຍ​ນີ້ ​ແມ່ນ​ໃຊ້​ຊື່​ປອມ ຫຼື​ບໍ່ ​ກໍ​ວັນ​ເດືອນ​ປີ​ເກີດ​ທີ່​ຜິດໆ ​ເພື່ອ​ຂໍ​ເອົາ​ສັນຊາດ. ທ່ານກ່າວ​ວ່າ ຄວາມ​ຜິດ​ພາດ​ທີ່​ວ່າ​ນີ້​ແມ່ນ​ເກີດ​ຂຶ້ນ ​ເພາະວ່າ​ໃບຄຳຮ້ອງ​ທັງຫຼາຍ​ພວກ​ນີ້ ​ແມ່ນຂາດເອກະສານ​ພິມຮອຍມື ​ໃນ​ບັນຊີ​ຂອງ​ລັດຖະບານ.

ທ່ານກ່າວ​ວ່າ. “ສະ​ຖາ​ນະການແບບ​ນີ້ ເ​ປີ​ດ​ໂອກາດ ​ໃຫ້ບຸກຄົນ​ດັ່ງກ່າວສາມາດ​ໄດ້​ຮັບ​ສິດ​ພິ​ເສດ ​ໃນ​ການ​ເປັນ​ສັນຊາດ​ອາ​ເມຣິກັນ ທີ່​ຜິດ​ໆ,”

ມີ​ຢ່າງ​ນ້ອຍ 3 ຄົນ ທີ່ໄດ້​ໃຫ້ສັນຊາດ​ອາ​ເມຣິກັນຜິດໄປ ແລ້ວໄດ້ເຂົ້າເຮັດວຽກ​ໃນດ້ານທີ່​ມີ​ຄວາມຫຼໍ່​ແຫຼມ​ທາງ​ດ້ານ​ຮັກສາຄວາມ​ປອດ​ໄພ ຊຶ່ງ​ຮວມທັງ ການ​ເຮັດ​ວຽກ​ຢູ່​ໃນ​ສະໜາມ​ບິນ​ພົນລະ​ເຮືອນ ​ແລະວຽກ​ການເດີນທາງ​ທະເລ. ກະຊວງ​ຮັກສາ​ຄວາມ​ປອດ​ໄພ​ພາຍ​ໃນ​ ກ່າວ​ວ່າ ເອກກະສານດ້ານຄວາມປອດ​ໄພຂອງ​ທັງ​ສາມ​ຄົນ​ທີ່​ວ່າ​ນີ້ ໄດ້ຖື​ກຖອນຄືນແລ້ວ.

ຄົນທີ 4 ​ໄດ້​ກາຍ​ມາ​ເປັນ​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພ.

ພວກ​ສືບສວນ​ສອບ​ສວນ ​ໃນ​ປີ​ກາຍ​ນີ້ ​ໄດ້​ບົ່ງ​ວ່າມີ ອີກ 953 ກໍລະນີ ທີ່ປາກົດວ່າຍັງ​ເກີດ​ຄວາມ​ສົງ​ໄສຢູ່.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG