ລິ້ງ ສຳຫລັບເຂົ້າຫາ

ລະບົບ​ປ້ອງ​ກັນ​ ລູກ​ສອນ​ໄຟ ສະຫະລັດ ​ຢູ່​ເກົາຫລີ​ໃຕ້ ​ສາມາດປະຕິບັດງານ​ ໄດ້​ແລ້ວ


ຖານຍິງລະ​ບົບຕໍ່ຕ້ານລູກ​ສອນ​ໄຟ ​ທີ່​ເອີ້ນ​ວ່າ THAAD.

​ກອງທັບ​ສະຫະລັດ ກ່າວ​ວ່າ ລະບົບ​ປ້ອງ​ກັນ​ລູກ​ສອນ​ໄຟ ທີ່​ກຳລັງຕິ​ດຕັ້ງ​ຢູ່​ເກົາຫລີ​ໃຕ້
ນັ້ນ ບັດ​ນີ້ມີ​ຄວາມ​ສາມາດ​ທີ່ໃນ​ການ​ສະກັດ​ກັ້ນ ລູກ​ສອນ​ໄຟ​ທີ່​ຍິງມາ​ຈາກ​ເກົາຫຼີ​ເ​ໜືອ
​ໄດ້​ແລ້ວ.

ບັນດາ​ເຈົ້າ​ໜ້າ​ທີ່​ກະຊວງປ້ອງ​ກັນ​ປະ​ເທດ​ກ່າວ​ວ່າ ລະ​ບົບຕໍ່ຕ້ານລູກ​ສອນ​ໄຟ​ທີ່ ​ຍິງ​
ມາ​ໃນ​ລະດັບ​ສູງທີ່​ເອີ້ນ​ວ່າ THAAD ນັ້ນ ມີ “ຄວາມ​ສາມາດ​ສະກັດ​ກັ້ນ​ໃນ​ຂັ້ນ​ຕົ້ນ”
ແຕ່​ເຂົາ​ເຈົ້າກໍ​ໄດ້​ລະ​ມັດ​ລະວັງ​ໂດຍ​ກ່າວ​ວ່າ ວຽກ​ງານ​ຈະ​ດຳ​ເນີນ​ຕໍ່​ໄປ​ໃນອີກ​ຫຼາຍ​
ເດືອນ​ຂ້າງ​ໜ້າ ​ເພື່ອ​ເຮັດ​ໃຫ້​ລະບົບດັ່ງກ່າວ ​ປະຕິບັດ​ງານໄດ້ຢ່າງ
​ເຕັ​ມອັດຕາ.

ລະບົບ​ຕໍ່ຕ້ານ​ລູກ​ສອນ​ໄຟ THAAD ກຳລັງ​ຖືກ​ຕິດ​ຕັ້ງ​ຢູ່​ບ່ອນ​ທີ່​ເຄີຍ​ເປັນເດີ່ນ​ຫລີ້ນ​
ກັອຟ​ໃນ​ເມືອງ Seongju ​ໂດຍ​ມີ​ເປົ້າ​ໝາຍ​ທີ່​ຈະ​ຊ່ວຍ​ປ້ອງ​ກັນຕໍ່​ຕ້ານລູກ​ສອນ​ໄຟ​ຂີ
​ປະ​ນາ​ວຸດ ທີ່​ຍິງ​ມາ​ຈາກ​ເກົາຫລີ​ເໜືອ.

ຈີນ​ໄດ້​ຄັດຄ້ານ​ ລະບົບ​ຕໍ່ຕ້ານ​ລູກ​ສອນ​ໄຟ THAAD ຢ່າງ​ແຮງ​ ຍ້ອນ​ເຫັນ​ວ່າ​ລະບົບ
ດັ່ງກ່າວ​ອາດ​ຈະ​ເປັນໄພ​ຂົ່ມຂູ່. ​ໂຄສົກ​ກະຊວງ​ຕ່າງປະ​ເທດ​ຈີນ ທ່ານ Geng Shuang
ກ່າວ​ຕໍ່​ບັນດາ​ນັກ​ຂ່າວໃນ​ວັນ​ຈັນ​ວານ​ນີ້ວ່າ ຈີນ​ຮຽກຮ້ອງ​ໃຫ້ຢຸດ​ເຊົາການ​ຕິດ​ຕັ້ງ
​ໃນ​ທັນທີ.

​ເກົາຫລີ​ເໜືອ​ໄດ້ພັດທະນາ​ລູກ​ສອນ​ໄຟ​ຂີ​ປະ​ນາ​ວຸດ ​ແລະ​ໃນ​ໄລຍະຫລາຍ​ເດືອນ​ຜ່ານ​
ມານີ້ ​ໄດ້ທຳ​ການ​ທົດ​ລອງ​ ທີ່ປະສົບ​ກັບ​ຄວາມ​ລົ້ມ​ແຫລວຢ່າ​ຕໍ່​ເນື່ອງ ​ເທື່ອ​ສຸດ​ທ້າ​ຍ ​ໄດ້
​ມີ​ຂຶ້ນ​ໃນ​ວັນ​ເສົາແລ້ວນີ້.

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG