ລິ້ງ ສຳຫລັບເຂົ້າຫາ

ສະຫະລັດ ເປັນຫ່ວງ ກ່ຽວກັບ ການໂອນອໍານາດ ໃນມາລາວີ

  • ສິງ ບູຣົມມະວົງ

ອະດີດຮອງປະທານາທິບໍດີມາລາວີ ທ່ານນາງ Joyce Banda ຖະແຫລ່ງຂ່າວ ທີ່ນະຄອນຫຼວງ Lilongwe, ກ່ອນເຂົ້າຮັບຕໍາແໜ່ງປະທານາທິບໍດີ, ວັນທີ 7 ເມສາ 2012.

ໃນ​ອີກດ້ານ​ນຶ່ງ ​ສະຫະລັດ​ກ່າວ​ວ່າ ຕົນ​ຢາກ​ເຫັນ​ການ​ໂອນ​ອໍານາດ​ໃນ​ມາລາ​ວີ ຫຼັງ​ຈາກ​ການເຖິງ​ແກ່​ມໍລະນະກໍາ​ໄປ​ຂອງ​ປະທາ​ນາ​ທິບໍດີ​ຂອງ​ມາລາ​ວີ​ນັ້ນ.

ບັນດາ​ເຈົ້າ​ໜ້ທີ່​ມາລາ​ວີ ກ່າວ​ວ່າ ປະທານາທິບໍດີ Bingu wa Mutharika ​ເສຍ​ຊີວິດ​ໄປ​ດ້ວຍ​ໂຣກຫົວ​ໃຈ​ວາຍ.

ກະຊວງ​ການ​ຕ່າງປະ​ເທດ​ສະຫະລັດ​ກ່າວ​ໃນ​ວັນ​ສຸກ​ວານ​ນີ້​ວ່າ ກຸງ​ວໍ​ຊິງຕັນ​ຄາດ​ວ່າ ມາລາ​ວີ​ຈະ​ນັບຖື​ປະຕິບັດ​ຕາມ​ກົດໝາຍ​ລັດຖະທໍາ​ມະນູນຂອງ​ຕົນ ຊຶ່ງ​ໄດ້​ບົ່ງ​ໄວ້​ຢ່າງ​ຈະ​ແຈ້ງ​ກ່ຽວ​ກັບ​ການ​ສືບ​ທອດ​ອໍານາດ​ຕໍ່ໄປ​ນັ້ນ. ຖະ​ແຫຼ​ງການ​ຂອງ​ກະຊວງ​ການ​ຕ່າງປະ​ເທດ ກ່າວ​ວ່າ ສະຫະລັດ​ເຊື່ອຖື​ວ່າຮອງ​ປະທານາທິບໍດີ ຊຶ່ງ​ຈະ​ເປັນ​ບຸກຄົນ​ທີ່​ຈະ​ສືບ​ທອດ​ອໍານາດ​ຕໍ່​ໄປ​ນັ້ນ ຈະ​ສາບານ​ເຂົ້າ​ດໍາ​ລັງ​ຕໍາ​ແໜ່​ງປະທາ​ນາທີ​ບໍດີ​ໃນ​ໄວໆ​ນີ້.

ຮອງ​ປະທານາທິບໍດີ Joyce Banda ເຄີຍ​ປະ​ທະ​ກັບ​ທ່ານ Mutharika ມາກ່ອນ. ທ່ານ Mutharika ​ໄດ້​ຂັບ​ໄລ່​ທ່ານ​ນາງ Banda ອອກ​ຈາກ​ພັກ​ໃນ​ປີ 2010 ​ແລະ​ທ່ານ​ນາງ​ໄດ້​ຈັດ​ຕັ້ງ​ພັກ​ການ​ເມືອງຂອງ​ທ່ານ​ນາງ​ເອງ​ຂຶ້ນ ​ໃນ​ຂະນະ​ທີ່​ຍັງ​ເປັນ​ຮອງ​ປະທານາທິບໍດີ​ຢູ່ນັ້ນ.

ຮອງ​ປະທານາທິບໍດີ Joyce Banda ໄດ້ເຂົ້າຮັບຕໍາແໜ່ງເປັນປະທານາທິບໍດີ ຄົນຕໍ່ໄປຂອງ
ມາລາວີ ໃນວັນເສົາມື້ນີ້.

XS
SM
MD
LG