ລິ້ງ ສຳຫລັບເຂົ້າຫາ

ສະຫະລັດ ຍົກເລີກ ການລົງໂທດ ຕໍ່ມຽນມາ


ປະທານາທິບໍດີ ສະຫະລັດ ທ່ານ Barack Obama ຍ່າງກັບ ທ່ານນາງ Aung San Suu Kyi ທີ່ບ້ານພັກຂອງທ່ານ ນາງ ກ່ອນກອງປະຊຸມນັກຂ່າວ.

ປະທານາທິບໍດີ ສະຫະລັດ ທ່ານ Barack Obama ຍ່າງກັບ ທ່ານນາງ Aung San Suu Kyi ທີ່ບ້ານພັກຂອງທ່ານ ນາງ ກ່ອນກອງປະຊຸມນັກຂ່າວ.

ປະທານາທິບໍດີສະຫະລັດ ທ່ານ Barack Obama ​ໄດ້​ຍົກ​ເລີກ​ການ​ລົງ​ໂທດ​ຕໍ່​ມຽນມາ
​ໂດຍ​ກ່າວ​ວ່າ ປະ​ເທດ​ໃນ​ເຂດ​ເອ​ເຊຍ​ຕາ​ເວັນ​ອອກດັ່ງກ່າວ​ໄດ້​ສ້າງຄວາ​ມກ້າວໜ້າທີ່​ສຳ ຄັນຢ່າງ​ໃຫຍ່​ຫລວງ​ເພື່ອ​ສົ່ງ​ເສີມ​ປະຊາທິປະ​ໄຕ.

ປະທານາທິບໍດີ ​ໄດ້​ເຊັນ​ດຳ​ລັດສະບັບ​ນຶ່ງໃນ​ວັນ​ສຸກ​ວານ​ນີ້ ​ເພື່ອ​ຕ່າວ​ປີ້ນຄຳ​ປະກາດ​ຄັ້ງ​ກ່ອນ ​ທີ່​ຮ້ອງ​ລັດຖະບານ​ມຽນມາວ່າ​ເປັນ​ໄພ​ຂົ່ມຂູ່​ຕໍ່​ຄວາ​ມປອດ​ໄພ​ແຫ່ງ​ຊາດ​ສະຫະລັດ.

​ນັບ​ແຕ່​ມີ​ການ​ເລືອກ​ຕັ້ງ​ຄັ້ງ​ປະຫວັດສາດ​ໃນ​ເດືອນ​ພະຈິກ​ປີ​ກາຍ​ນີ້ ທີ່​ໄດ້​ເຮັດ​ໃຫ້​ ​ອະດີດ​ພັກ​ຝ່າຍ​ຄ້ານ ​ໄດ້ຊະນະ​ບ່ອນ​ນັ່ງ​ສ່ວນໃຫຍ່ຢູ່​ໃນ​ສະພາ ປະທານາທິບໍດີ​ກ່າວ​ວ່າ ສະຖາ ນະ​ການ​ໃນ​ມຽນມາ​ໄດ້​ມີ​ການ​ປ່ຽນ​ແປງ​ຢ່າງຫຼວງຫຼາຍ ຮວມທັງ​ມີສິດເສລີພາບ​ຫຼາຍຂຶ້ນ​ສຳລັບ​ປະຊາຊົນ ​ແລະ​ກາ​ນປ່ອຍ​ບັນດາ​ນັກ​ໂທດ​ການ​ເມືອງ.

ປະ​ທາ​ນາ​ທິບໍດີ Obama ໄດ້​ໃຫ້​ຄຳ​ໝັ້ນສັນຍາໃນ​ເດືອນ​ແລ້ວ​ນີ້ວ່າ ທ່ານ​ຈະ​ຍົ​ກເລີກການ​
ລົງ​ໂທດໃນລະຫວ່າງ​ການ​ມາ​ຢ້ຽມຢາມທຳນຽບຂາວ​ຂອງ​ຜູ້ນຳ​ພົນລະ​ເຮືອນທີ່​ແທ້​ຈິງ​ຂອງ​ມຽນມາ ທ່ານ​ນາງ Aung San Suu Kyi.

ການ​ລົງ​ໂທດ​ຊຶ່ງ​ເລີ້ມມີ​ຜົນ​ບັງ​ບຄັບໃຊ້ເມື່ອ 20 ປີ​ກ່ອນ ​ໄດ້​ຂັດຂວາງ​ບໍ່ໃຫ້​ບໍລິສັດ​ອາ​ເມຣິ ກັນ ​ແລະ​ນັກ​ລົ​ງທຶນ​ຕ່າງປະເທດ ​ໃຊ້​ບໍລິ​ການ​ທາງ​ດ້ານການ​ເງິນ​ສະຫະລັດ ຈາກການ​ຕົກ ລົງກັບ​ພວກ​ນັກທຸລະກິດ​ຫຼາຍກວ່າ 100 ຄົນທີ່ມີ​ຄວາມ​ສຳພັນ​ກັບອະດີດອຳນາດ​ການ​ປົກຄອງ​ທະຫານ ທີ່​ເປັນ​ຫົວໜ້າ​ທຸລະ​ກິດ​ໃຫຍ່ໆ​ ທີ່ຄອບ​ງໍາ​ການ​ຄ້າ ທະນາຄານ ​ອຸດສາ​ຫະກຳການ​ຂຸດ​ຄົ້ນ ການ​ປູກ​ຝັງ ການທ່ອງທ່ຽວ ​ແລະ​ທຸລະ​ກິດ​ສາຍການບິນຂອງ​ມຽນມາ.

ອຸບປະສັກ​ທາງດ້ານ​ກົດໝາຍ​ໄດ້​ຂັດຂວາງ​ບໍ່​ໃຫ້ບັນດາ​ນັກ​ລົງ​ທຶນຫລາຍຄົນສາມາດເຂົ້າ ໄປ​ໃນຕະ​ຫລາ​ດມຽນມາ ​ໃນ​ຂະນະ​ທີ່​ຍັງ​ເປັນ​ຮອຍ​ດ່າງ​ແປ້ວ​ຕໍ່​ການ​ສົ່ງ​ສິນ​ຄ້າ​ມຽນມາ​ເຂົ້າ​ມາສູ່ອາ​ເມຣິການຳ​ດ້ວຍ​.

ສະຫະລັດ​ໄດ້​ຫລຸດ​ຜ່ອນ​ການ​ລົງ​ໂທ​ດຈຳນວນ​ນຶ່ງ​ຕໍ່​ມຽນມາ​ໄປ​ແລ້ວ ​ໃນ​ຂະນະ​ທີ່​ປະ​ເທດ ຊຶ່ງ​ຕັ້ງຢູ່​ໃນ​ເຂດ​ເອ​ເຊຍຕາ​ເວັນ​ອອກ​ສຽງ​ໃຕ້ດັ່ງກ່າວ ​ໄດ້​ປະຕິ​ຮູບໃນ​ດ້ານ ການ​ເມືອງ​ໃນໄລຍະຫລາຍ​ປີ​ທີ່​ຜ່ານ​ມານີ້.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG