ລິ້ງ ສຳຫລັບເຂົ້າຫາ

ສະຫະລັດ ຈະໃຫ້ ຫວຽດນາມ ກູ້ຢືມເງິນ ຊື້ດາວທຽມ


ຊາວນາຫວຽດນາມຄົນນຶ່ງ ຂີ່ລົດຖີບ ຜ່ານສູນກາງຄວບຄຸມ ດາວທຽມ ຂອງຫວຽດນາມ ຢູ່ບ້ານ Que Duong, ນອກນະຄອນຫລວງຮາໂນ່ຍ.

ຊາວນາຫວຽດນາມຄົນນຶ່ງ ຂີ່ລົດຖີບ ຜ່ານສູນກາງຄວບຄຸມ ດາວທຽມ ຂອງຫວຽດນາມ ຢູ່ບ້ານ Que Duong, ນອກນະຄອນຫລວງຮາໂນ່ຍ.

ສະຫະລັດກ່າວວ່າ ຕົນຈະໃຫ້ຫວຽດນາມກູ້ຢືມເງິນ ຈໍານວນ
100 ລ້ານກ່ວາໂດລາ ເພື່ອຊື້ດາວທຽມໂທລະຄົມມະນາຄົມ
ໜ່ວຍນຶ່ງ ຈາກບໍລິສັດຂອງອາເມຣິກາ.

ທະນາຄານສົ່ງອອກ-ນໍາເຂົ້າ ຫລື Export-Import Bank
ຂອງສະຫະລັດ ກ່າວໃນວັນຈັນວານນີ້ວ່າ ບໍລະສັດ Vietnam
Post ຊຶ່ງເປັນບໍລະສັດຂອງລັດຖະບານຫວຽດນາມນັ້ນ ຈະນໍາ
ໃຊ້ດາວທຽມດັ່ງກ່າວ ເພື່ອສະໜອງຕອບຕໍ່ຄວາມຮຽກຮ້ອງຕ້ອງ
ການທີ່ມີຫລາຍຂຶ້ນນັບມື້ ຂອງຕະຫຼາດ ໂທລະຄົມມະນາຄົມແລະ
ໂທລະພາບ. ທະນາຄານສົ່ງອອກ-ນໍາເຂົ້າ ກ່າວວ່າ ດາວທຽມ
ໜ່ວຍນີ້ ຈະກວມເອົາ ຫວຽດນາມ, ກໍາປູເຈຍ, ລາວ ແລະ ໄທນໍາ.

ທະນາຄານ Ex-Im ກ່າວອີກວ່າ ບໍລິສັດ Lockheed Martin
ຂອງສະຫະລັດ ຈະເປັນຜູ້ຜະລິດດາວທຽມທີ່ວ່ານີ້ ແລະວ່າ
ສັນຍານີ້ຈະສ້າງວຽກງານຫຼາຍກວ່າ 500 ໜ້າວຽກໃຫ້ຊາວອາເມຣິກັນ.

ທະນາຄານດັ່ງກ່າວເວົ້າວ່າ ປະທານາທິບໍດີ Barack Obama ຈະຕ້ອງໄດ້ອະນຸມັດ ເງິນ
ກູ້ຢືມ ຈໍານວນ 118 ລ້ານໂດລາກ້ອນນີ້ ຍ້ອນຂະໜາດຂອງເງິນກູ້ ແລະຍ້ອນວ່າ ມັນເປັນ
ການໃຫ້ເງິນກູ້ຢືມແກ່ປະເທດ ອັນທີ່ເອີ້ນກັນວ່າເປັນປະເທດ “ມາກສ໌-ເລນິນ” ນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG