ການລົງຢ້ຽມຢາມໃນຄັ້ງນີ້ ຊຶ່ງໄດ້ເລີ້ມຕົ້ນ
ຂຶ້ນໃນວັນທີ 25 ເມສາ ຜ່ານມານັ້ນ ແມ່ນ
ສືບເນື່ອງມາຈາກການໃຫ້ການຊ່ວຍເຫລືອ
ໃນມູນຄ່າເຖິງ 10 ລ້ານໂດລາສະຫະລັດ
ໂດຍລັດຖະບານສະຫະລັດອາເມຣິກາ ໃຫ້
ແກ່ໂຄງການອາຫານເສີມຂອງອົງການອາ
ຫານໂລກ ເພື່ອຊ່ວຍສະໜອງອາຫານ
ຫວ່າງພາກເຊົ້າ ໃນແຕ່ລະມື້ ໃຫ້ແກ່ເດັກ
ນັກຮຽນ 150,000 ຄົນ ຢູ່ໃນຫົກແຂວງ
ຢູ່ ສປປ ລາວ.
ບົດຖະແຫລງຂ່າວຮ່ວມກ່າວວ່າ ໃນການ
ເດີນທາງໄປສັງເກດການຄັ້ງນີ້ ເອກອັກຄະ
ລັດຖະທູດສະຫະລັດອາເມຣິກາ ທ່ານນາງ
ແຄເຣິນ ບີ. ສະຈວດ, ລັດຖະມົນຕີຊ່ວຍວ່າ
ການກະຊວງສຶກສາທິການ ແລະ ກິລາ,
ທ່ານ ລີຕູ້ ບົວປາວ, ແລະ ທ່ານນາງ ເອຣີ
ຄູໂດ, ຕົວແທນຕາງຫນ້າອົງການອາຫານ
ໂລກ ປະຈຳ ສປປ ລາວ, ພ້ອມຄະນະ ໄດ້ ຢ້ຽມຢາມບ້ານນາບອນ, ເມືອງເຫລົ່າງາມ ແລະ
ບ້ານນາ, ເມືອງຕຸ້ມລານ ແລະໄດ້ຮ່ວມປະກອບສ່ວນໃນການກະກຽມ ແລະ ແຈກຢາຍອາ
ຫານ ໃຫ້ເດັກນັກຮຽນ ແລະໄດ້ເຫັນດ້ວຍຕົນເອງ ຜົນຕອບຮັບທີ່ດີຂອງໂຄງການດັ່ງກ່າວ.
ການຢ້ຽມຢາມໃນຄັ້ງນີ້ ແມ່ນເປັນສ່ວນ
ນຶ່ງຂອງການຮ່ວມມືຂອງສະຖານທູດ
ອາເມຣິກາ ແລະ ອົງການອາຫານໂລກ
ໃນການສ້າງຄວາມຕື່ນໂຕແລະຮັບຮູ້
ກ່ຽວກັບບັນຫາການຂາດໂພຊະນາການ
ໃນ ສປປ ລາວ. ການຂາດໂພຊະນາການ
ແມ່ນເປັນປັດໄຈທີ່ສຳຄັນທີ່ສຸດ ທີ່ພາໃຫ້
ມີການເສຍຊີວິດຂອງເດັກນ້ອຍ ຢູ່ພາຍໃນ
ປະເທດ ແລະຍັງສາມາດສ້າງຄວາມເສຍ
ຫາຍໄລຍະຍາວ ໃຫ້ແກ່ສະໝອງແລະ
ຮ່າງກາຍຂອງເດັກ ຕັ້ງແຕ່ຕອນຍັງນ້ອຍ. ອົງການອາຫານໂລກ ແລະ ສະຖານທູດອາເມ
ຣິກາ ແມ່ນມີຄວາມໝາຍໝັ້ນທີ່ຈະປະຕິບັດງານຮ່ວມ ກັນກັບຄູ່ຮ່ວມງານອື່ນໆ ເພື່ອບົ່ງຊີ້
ແລະຊອກຫາແນວທາງທີ່ມີປະສິດທິພາບ ໃນການແກ້ໄຂບັນຫາການຂາດໂພຊະນາການນັ້ນ.
ໃນຊຸມປີຜ່ານມາ ໂຄງການອາ
ຫານເສີມຂອງອົງການອາຫານ
ໂລກໄດ້ພິສູດໃຫ້ເຫັນວ່າ ເປັນ
ເຄື່ອງມືທີ່ມີປະສິດທິພາບໃນ
ການປັບປຸງໂພຊະນາການ ແລະ
ຄວາມສຳເລັດທາງດ້ານການ
ສຶກສາຂອງເດັກນ້ອຍລາວ. ກະ
ຊວງກະສິກຳຂອງສະຫະລັດອາ
ເມຣິກາ ແມ່ນເປັນຜູ້ໃຫ້ທຶນລາຍ
ໃຫຍ່ທີ່ສຸດ ແກ່ໂຄງການນີ້ ໂດຍ
ຜ່ານທຶນສົ່ງເສີມອາຫານຕ່າງ
ປະເທດ ເພື່ອການສຶກສາແລະ
ໂພຊະນາການເດັກ ແມັກກາເວີນ
- ໂດລ (McGovern-Dole
International Food for Ed
-ucation and Child Nutrition). ໃນໂອກາດນີ້ ທ່ານນາງ Karen B. Stewart ເອກອັກ
ຄະລັດຖະທູດສະຫະລັດ ກ່າວວ່າ:
“ໃນນາມປະຊາຊົນອາເມຣິກັນ ຂ້າພະເຈົ້າດີໃຈຫລາຍທີ່ການສະໜັບສະໜຸນຊ່ວຍເຫລືອ
ໃນຄັ້ງນີ້ ມີສ່ວນຊ່ວຍໃຫ້ເດັກນ້ອຍລາວຫລາຍ ພັນຄົນ ໃຫ້ໄດ້ຮັບສານອາຫານທີ່ຈຳເປັນ
ເພື່ອໃຫ້ພວກເຂົາໄດ້ສືບຕໍ່ຮໍ່າຮຽນໜັງສື ແລະບັນລຸຄວາມສາມາດບົ່ມຊ້ອນຂອງເຂົາເຈົ້າ
ໄດ້ຢ່າງເຕັມສ່ວນ.”
ການຊ່ວຍເຫລືອມູນຄ່າ 10 ລ້ານ
ໂດລາຂອງສະຫະລັດ ແມ່ນໃນ
ຮູບແບບຂອງເຂົ້າ ຈຳນວນ
1,600 ໂຕນ, ວິຕາມິນພ້ອມກັບ
ແປ້ງປຸງແຕ່ງ Supercereal ທີ່
ເສີມແຮ່ທາດ ຈຳນວນ 556 ໂຕນ
ແລະນໍ້າມັນພືດ ຈຳນວນ 110
ໂຕນ. ນໍ້າມັນ ແລະ ແປ້ງປຸງແຕ່ງ
Supercereal ນັ້ນ ຈະຖືກນຳໃຊ້
ໂດຍແມ່ຄົວປະຈຳໝູ່ບ້ານໃນການ
ກະກຽມອາຫານຫວ່າງພາກເຊົ້າ
ໃຫ້ພວກເດັກນ້ອຍກິນ ເພື່ອບໍ່
ໃຫ້ເດັກນັກຮຽນຫິວ. ສ່ວນເຂົ້າ
ສານນັ້ນ ຈະຖືກແບ່ງປັນແລະ
ມອບໃຫ້ນັກຮຽນຜູ້ທີ່ອາໄສຢູ່
ຫ່າງໄກຈາກໂຮງຮຽນ ເອົາກັບ
ບ້ານ ເພື່ອເປັນສິ່ງຈູງໃຈໃຫ້ແກ່
ຄອບຄົວຂອງເດັກນັກຮຽນ ເພື່ອໃຫ້ແນ່ໃຈວ່າເດັກຈະບໍ່ອຶດຫິວແລະເຂົ້າມາຮໍ່າຮຽນ ເປັນ
ປົກກະຕິ.
ເງິນຊ່ວຍເຫລືອລ້າສ່ວນນຶ່ງຂອງ
ສະຫະລັດອາເມຣິກາ ຈຳນວນ
1 ລ້ານໂດລາສະຫະລັດ ແມ່ນຈະ
ໄດ້ຖືກນໍາໃຊ້ເຂົ້າໃນການເຝິກອົບ
ຮົມ ແລະສະໜັບສະໜຸນແກ່ກະ
ຊວງສຶກສາທິການ ແລະກິລາ
ຂອງປະເທດລາວ ເຊິ່ງເປັນສ່ວນ
ນຶ່ງຂອງການຫັນປ່ຽນໄປສູ່ການ
ຈັດຕັ້ງປະຕິບັດ ໂຄງການສະ
ຫນອງອາຫານໃຫ້ແກ່ໂຮງຮຽນ
ໃນທົ່ວປະເທດ.