ລິ້ງ ສຳຫລັບເຂົ້າຫາ

ສຫລ ແລະເກົາຫຼີໃຕ້ ເຊັນສັນຍາ ຂະຫຍາຍ ການຮ່ວມມື ທາງທະຫານ (ວີດີໂອ)


ລັດຖະມົນຕີປ້ອງກັນປະເທດ ສະຫະລັດ ທ່ານ Chuck Hagel (ຊ້າຍ) ແລະຄູ່ຕໍາແໜ່ງ ຝ່າຍເກົາຫລີໃຕ້ ທ່ານ Kim Kwan-jin
ສະຫະລັດແລະເກົາຫລີ​ໃຕ້ ​ໄດ້​ເຊັນ​ສັນຍາ​ສະບັບ​ນຶ່ງ ທີ່ໝາຍ
​ເຖິງ​ການໃຫ້​ຄວາມ​ຊ່ວຍ​ເຫຼືອ​ເພີ້ມຂຶ້ນ ​ໃນ​ການ​ຢັບຢັ້ງອາ​ວຸດ
​ນິວ​ເຄລຍ​ເກົາ​ຫລີ​ເໜືອ.

ລັດຖະມົນຕີປ້ອງ​ກັນ​ປະ​ເທດສະຫະລັດ ທ່ານ Chuck Hagel
​ແລະ​ຄູ່​ຕໍາ​ແໜ່​ງ ​ຝ່າຍເກົາຫລີ​ໃຕ້ ທ່ານ Kim Kwan-jin ​ໄດ້​ລົງ
​ນາມ​ໃນຕົກລົງດັ່ງກ່າວ ໃນ​ວັນ​ພຸດ​ມື້​ນີ້ ທີ່​ກຸງ​ໂຊ​ລ ​ໃນ​ລະຫວ່າງ​
ການ​ເຈລະຈາເລື່ອງ​ຄວາມ​ປອດ​ໄພ​ປະ​ຈໍາ​ປີ.

ທ່ານ Hagel ກ່າວ​ວ່າ ​ແຜນການ​ດັ່ງກ່າວນີ້ ​ແມ່ນເນັ້ນໃຫ້​ເຫັນ​
ເຖິງຄວາມ​ເປັນ​ຫ່ວງ​ຂອງສະຫະລັດ​ແລະ​ເກົາຫລີໃຕ້ ກ່ຽວ​ກັບ
“​ໂຄງການນິວ​ເຄລຍ ​ແລະລູກ​ສອນ​ໄຟ​ຂີ​ປະ​ນາ​ວຸດ ຂອງ​ເກົາຫຼີ​ເໜືອ ພ້ອມ​ທັງ​ການ​ແຜ່ຜາຍຂອງອາວຸດ​ເຫລົ່າ ນີ້ ​ແລະ​ອາວຸດ​ເຄມີນຳ​ດ້ວຍ.”

ທ່ານ Hagel ກ່າວ​ວ່າ “ກ່ຽວ​ກັບ​ຄວາມ​ເປັນ​ຫ່ວງເຫຼົ່ານີ້ ດັ່ງ​ທີ່ລັດຖະມົນຕີ Kim ​ໄດ້ເວົ້າເຖິງ ມື້​ນີ້ ພວກ​ເຮົາໄດ້ເຊັນສັນຍາຍຸດ​ທະ​ສາດ​ສອງ​ຝ່າຍທີ່ແນ​ໃສ່​ເພື່ອ​ຮັບມືກັບການ​ຂົ່​ມຂູ່ຈາກ​ອາວຸດ​ນິວ​ເຄລຍ​ແລະ​ອາວຸດ​ທີ່ມີ​ອະນຸ​ພາບ​ຮ້າຍ​ແຮງອື່ນໆຂອງ ​ເກົາຫລີ​ເໜືອ. ນີ້​ຈະ​ເປັນ​ການ​ສ້າງ​ນະ​ໂຍບາຍ​ລະດັບຍຸດ​ທະ​ສາດພາຍ​ໃນ​ພັນ​ທະ​ມິດ ​ເພື່ອ​ຢັບຢັ້ງ​ໄພ​ຂົ່ມຂູ່​ທີ່​ສະ​ເພາະເຈາະ​ຈົງ​ທັງຫລາຍ ​ແລະ​ຊ່ວຍ​ໃຫ້​ພວກ​ເຮົາ​ປະຕິບັດ​ງານ​ຮ່ວມ​ກັນຢ່າງ​ລ່ຽນ​ໄຫລຫລາຍ​ຂື້ນ ​ເພື່ອ​ໃຫ້ການ​ຢັບຢັ້ງ​ຂອງ​ພວກ​ເຮົາມີ​ຜົນ​ຫຼາຍທີ່​ສຸດ.”

ບໍ່​ມີລາຍ​ລະ​ອຽດຫຍັງ​ຫລາຍ​ກ່ຽວ​ກັບ​ການ​ຂະຫຍາຍຍຸດ​ທະ​ສາດ​ໃນ​ການ​ຢັບຢັ້ງ ຊຶ່ງ​ມີ​ຂື້ນບໍ່​ເທົ່າ​ໃດ​ເດືອນ​ຫລັງ​ຈາກ​ໄ​ດ້​ເກີດ​ຄວາມ​ເຄັ່ງ​ຕຶງ ລຸນ​ຫລັງ​ທີ່​ພຽງຢາງ​ໄດ້​ທົດ​ລອງ​ອາວຸດນິວ​ເຄລຍຄັ້ງ​ທີ​ສາມ ​ໃນ​ເດືອນກຸມພາປີນີ້.

​ຄວາມ​ກ້າວໜ້າ​ໃນໂຄງການ​ອາວຸດ​ນິວ​ເຄລຍຂອງ​ເກົາຫລີ​ເໜືອ​ພາ​ໃຫ້​ມີການຮຽກຮ້ອງ
ຂອງ​ຜູ້​ຄົນ​ຈໍານວນ​ນຶ່ງ​ໃນເກົາຫລີ​ໃຕ້ ​ເພື່ອ​ໃຫ້ຕໍ່​ເວລາໃນ​ການ​ຄວບ​ຄຸມ​ແລະ​ບັງຄັບ​ບັນ
ຊາ​ໃນ​ຍາມ​ສົງຄາມ​ຂອງ​ອາ​ເມຣິກາຕໍ່​ກຳລັງຂອງ​ເກົາຫລີ​ໃຕ້. ​ເກົາຫລີ ມີ​ກໍານົດ​ທີ່​ຈະເຂົ້າ​ບັນຊາ​ການທາງ​ທະຫານ​ທັງ​ໝົ​ດ ​ໃນ​ປີ 2015​.

ລັດຖະມົນຕີ​ທັງ​ສອງ​ບໍ່​ໄດ້​ຕັດສິນ​ໃຈ​ກ່ຽວ​ກັບ​ເລື່ອງນີ້​ໃນ​ວັນ​ພຸດມີນຶ້ນ ​ແຕ່​ເຫັນ​ດີ​ທີ່ຈະ
ທົບທວນຄືນກ່ຽວ​ກັບ​ກໍານົດ​ເວລາ​ຂອງ​ການມອບ​ໂອນໃນ​ຂະນະ​ທີ່​ຈັບ​ຕາ​ເບິ່ງ ສະຖາ
ນະ​ການ​ດ້ານຄວາມ​ປອດ​ໄພ​ ຢູ່ໃນແຫລ​ມ​ເກົາຫລີ.

XS
SM
MD
LG