ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກະຊວງຍຸຕິທຳ ສະຫະລັດ ຈະສືບສວນ ຕຳຫລວດ ເມືອງ Baltimore


ຕຳຫລວດພາກັນຢືນລຽນແຖວ ຫລັງຈາກເວລາເສັ້ນຕາຍ ຫ້າມອອກນອກບ້ານນາມກ່ຳຄືນ ໝົດກຳນົດ ທີ່ຖະໜົນ Pennsylvania ເມືອງ Baltimore ເມື່ອວັນທີ 30 ເມສາ 2015..
ຕຳຫລວດພາກັນຢືນລຽນແຖວ ຫລັງຈາກເວລາເສັ້ນຕາຍ ຫ້າມອອກນອກບ້ານນາມກ່ຳຄືນ ໝົດກຳນົດ ທີ່ຖະໜົນ Pennsylvania ເມືອງ Baltimore ເມື່ອວັນທີ 30 ເມສາ 2015..

ບັນດາ​ເຈົ້າ​ໜ້າ​ທີ່​ກ່າວ​ໃນ​ວັນ​ພະຫັດ​ວານ​ນີ້​ວ່າ ກະຊວງ​ຍຸຕິ​ທຳ​
ສະຫະລັດ ຈະ​ທຳ​ການ​ສືບສວນ​ສອບ​ສວນ​ການລະ​ເມີດ​ສິດທິ​
ພົນລະ​ເມືອງ ທີ່ອາດ​ຈະ​ເປັນ​ໄປ​ໄດ້ ​ໂດຍ​ກົມ​ຕຳຫຼວດ​ນະຄອນ
Baltimore ຫຼັງ​ຈາກການ​ເສຍ​ຊີວິດ​ຂອງ​ຊາຍ​ຜິວ​ດຳ​ຄົນ​ນຶ່ງ
​ພາຍ​ໃຕ້​ການ​ຄວບ​ຄຸມ​ໂຕ​ໂດຍຕຳຫຼວດ.

ບັນດາ​ເຈົ້າ​ໜ້າ​ທີ່​ ຜູ້​ທີ່​ຖະ​ແຫຼ​ງດ້ວຍເງື່ອນ​ໄຂ​ທີ່​ບໍ່​ປະສົງອອກ​ຊື່ ກ່າວ​ຕໍ່​ສື່​ມວນ​ຊົນ​ວ່າ ທ່ານ​ນາງ Loretta Lynch ລັດຖະມົນຕີ​ກະຊວງ​ຍຸຕິ​ທຳ ອາດ​ຈະປະກາດຂ່າວການ​ສືບສວນ​ສອບ​ສວນ ​ເລື້ອງ​ລະ​ເມີດ​ສິດທິ​ພົນລະ​ເມືອງ​ນີ້​ໃຫ້​ຊາບ​ ໃນ​ວັນ​ສຸກ​ນີ້​ກໍ​ເປັນ​ໄດ້.

ທ່ານ​ນາງ Lynch ທີ່​ໄດ້​ຂຶ້ນ​ດຳລົງ​ຕຳ​ແໜ່​ງລັດຖະມົນຕີ​ກະຊວງ​ຍຸຕິ​ທຳ ​ໃນ​ສັບປະດາ​ແລ້ວ​
ນີ້ ​ໄດ້​ແຍ້ມ​ອອກ​ມາ​ໃຫ້​ຮູ້​ຢ່າງ​ແຂງ​ແຮງ ໃນ​ລະຫວ່າງ​ການ​ໄປ​ໃຫ້ການ​ຕໍ່​ລັດຖະສະພາ​ສະ
ຫະລັດ​ໃນ​ວັນ​ພະຫັດ​ວານ​ນີ້​ວ່າ ການ​ສືບສວນ​ສອບ​ສວນ​ຂອງ​ກະຊວງ​ຍຸຕິ​ທຳ ​ກຳລັງ​ຈະ​ມີ​ຂຶ້ນ.

ທ່ານ​ນາງ​ກ່າວ​ວ່າ "​ເວລາ​ໃດ​ມີ​ການ​ກ່າວ​ຫາ​ວ່າ​ມີ​ການ​ກະທຳ​ທີ່​ຜິດພາດ ຕໍ່​ເຈົ້າ​ໜ້າ​ທີ່ຕຳຫຼວດ​ແຕ່​ລະຄົນ ​ແລະ​ກົມ​ຕຳຫຼວດ ກະຊວງ​ຍຸຕິ​ທຳ​ສະຫະລັດ ມີ​ຄວາມ​ຮັບຜິດ
ຊອບ​ເພື່ອ​ກວດກາ​ເບິ່ງ​ຫຼັກ​ຖານ ​ແລະ​ຖ້າ​ຈຳ​ເປັນ ກໍຕ້ອງ​ທຳ​ການ​ປ່ຽນ​ແປງ.
"

ທ່ານ​ນາງ Stephanie Rawlings-Blake ​ເຈົ້າ​ຄອງ​ກຳ​ແພງ​ນະຄອນ Baltimore ​ໄດ້​
ຂໍ​ຮ້ອງ​ໃຫ້​ລັດຖະບານ​ກາງ​ ທຳ​ການ​ສືບສວນ​ສອບ​ສວນ​ກົມ​ຕຳຫຼວດ​ ຂອງ​ນະຄອນ Baltimore ຂອງ​ທ່ານ​ນາງ ຫຼັງ​ຈາກ​ການ​ເສຍ​ຊີວິດ​ຂອງ​ທ້າວ Freddie Gray ​ໄວ 25
ປີ ທີ່​ໄດ້​ເສຍ​ຊີວິດ​ຍ້ອນ ​ຄໍຂອງ​ລາວ​ບາດ​ເຈັບ ​ໃນ​ຂະນະ​ທີ່​ຂ່ີ​ລົດ​ຕູ້​ຂອງ​ຕຳຫຼວດ​ໄປ.

Justice Baltimore
please wait
Embed

No media source currently available

0:00 0:01:07 0:00

XS
SM
MD
LG