ລິ້ງ ສຳຫລັບເຂົ້າຫາ

ສະຫະລັດ ແລະ ຈໍແດນ ຊອກຫາ ຄຳຕອບ ພາຍຫຼັງ ການຍິງກັນ


ເຈົ້າໜ້າທີ່ຕຳຫຼວດ ແລະ ທະຫານຮັກສາຄວາມປອດໄພ ຢືນເຝົ້າຍາມສູນຝຶກຊ້ອມຕຳຫຼວດຢູ່ໃຈກາງພາກຕາເວັນອອກຂອງນະຄອນຫຼວງ Amman, 9 ພະຈິກ, 2015, ບ່ອນທີ່ເຈົ້າໜ້າທີ່ ຈໍແດນ ຍິງທະຫານ ສະຫະລັດ 2 ຄົນເສຍຊີວິດ ແລະ ບາດເຈັບອີກ 2 ຄົນ ຄົນກ່ອນຂ້າໂຕເອງຕາຍ.

ເຈົ້າໜ້າທີ່ຕຳຫຼວດ ແລະ ທະຫານຮັກສາຄວາມປອດໄພ ຢືນເຝົ້າຍາມສູນຝຶກຊ້ອມຕຳຫຼວດຢູ່ໃຈກາງພາກຕາເວັນອອກຂອງນະຄອນຫຼວງ Amman, 9 ພະຈິກ, 2015, ບ່ອນທີ່ເຈົ້າໜ້າທີ່ ຈໍແດນ ຍິງທະຫານ ສະຫະລັດ 2 ຄົນເສຍຊີວິດ ແລະ ບາດເຈັບອີກ 2 ຄົນ ຄົນກ່ອນຂ້າໂຕເອງຕາຍ.

ຊາວ​ອາ​ເມຣິກັນ​ສອງ​ຄົນ ​ຮ່ວມຢູ່​ໃນ​ບັນດາ​ຜູ້​ຖືກ​ສັງຫານ​ຢູ່ບ່ອນ​ເຝິກແອບຕຳ​ຫລວດ​ໃນ​ປະ​ເທດ ຈໍ​ແດນ ​ໃນ​ວັນ​ຈັນ​ວານ​ນີ້ຊຶ່ງບໍ ລິສັດ DynCorp ​ເປັນຜູ້ ເຝິກຊ້ອມ​ທີ່ເປັນ​ຫ້ອງການ​ຮັກສາ​ຄວາມ​ປອ​ດ​ໄພ ​ແລະ​ພະລາທິການ​ມີ​ສັນຍາ​ຈ້າງ​ກັບ ລັດຖະບານ​ສະຫະລັດ.

​ໂຄສົກ​ກະຊວງ​ຕ່າງປະ​ເທດ ທ່ານ John Kirby ກ່າວ​ວ່າ ຊາວ​ອາ​ເມຣິກັນ ຮ່ວມ​ຢູ່​ໃນ​ “ຫລາຍ” ຄົນທີ່​ໄດ້ເສຍ​ຊີວິດ​ຈາກ​ການ​ໂຈມ​ຕີ ຢູ່​ທີ່ ສູນ​ກາງ​ເຝິກ​ແອບ​ຕຳຫລວດ​ສາກົນ ຈໍແດນ ​ໃກ້​ກັບນະຄອນ ຫລວງ Amman​. ທ່ານ ກ່າວ​ວ່າ ຊາວ​ອາ​ເມຣິກັນ​ອີກສອງ​ຄົນ​ໄດ້​ຮັບ​ບາດ​ເຈັບ​ຈາກ​ການ​ໂຈມ​ຕີດັ່ງກ່າວ.

ໃນຮູບທີ່ຖ່າຍໃນປີ 2013 ນີ້, ທະຫານໜ່ວຍປະຕິບັດການພິເສດ ສະຫະລັດ ຢືນເບິ່ງທະຫານຈາກ ອີຣັກ,​ ຈໍແດນ ແລະ ເລບານອນ ໃນລະຫວ່າງການຝຶກຊ້ອມຫຼາຍ ປະເທດໃນເມືອງ Zarqa ປະເທດ ຈໍແດນ.

ໃນຮູບທີ່ຖ່າຍໃນປີ 2013 ນີ້, ທະຫານໜ່ວຍປະຕິບັດການພິເສດ ສະຫະລັດ ຢືນເບິ່ງທະຫານຈາກ ອີຣັກ,​ ຈໍແດນ ແລະ ເລບານອນ ໃນລະຫວ່າງການຝຶກຊ້ອມຫຼາຍ ປະເທດໃນເມືອງ Zarqa ປະເທດ ຈໍແດນ.

ເຈົ້າ​ໜ້າ​ທີ່​ລັດຖະບານ​ຈໍ​ແດນ​ຄົນ​ໜຶ່ງ​ກ່າວ​ວ່າ ຜູ້​ເຝິກ​ແອບ​ຊາວ​ອາ​ຟຣິກາ​ໃຕ້ ຄົນ​ໜຶ່ງ ​ແລະ​ຊາວ​ຈໍ​ແດນ ສອງ​ຄົນ​ໄດ້​ເສຍ​ຊີວິດ ພ້ອມ​ດ້ວຍ​ມື​ປືນ ຜູ້​ທີ່​ໄດ້​ຖືກ​ຍິງ​ໂດຍ​ຕຳຫລວດ ​ເພີ້​ມຈໍານວນ​ຜູ້​ເສຍ​ຊີວິດ​ທັງ​ໝົດເປັນ​ຢ່າງ​ໜ້ອຍຫົກ​ຄົນ.

ສື່ມວນ​ຊົນ​ທ້ອງ​ຖິ່ນ ​ແລະ​ສາກົນ ​ໄດ້​ບົ່ງວ່າມື​ປືນ​ນັ້ນ​ແມ່ນ ຮ້ອຍເອກ​ຕຳຫລວດ Anwar Abu Zeid ອາຍຸ 28 ປີ.

ທ່ານ Kirby ກ່າວ​ວ່າ “ຍັງ​ໄວເເກີນໄປ” ທີ່​ຈະ​ກ່າວ​ເຖິງ​ສາ​ເຫດໄດ້.

ການໂຈມ​ຕີ​ນີ້ກົງ​ກັບ​ວັນຄົບຮອບ 10 ປີ​ຂອງ​ການ​ໂຈມ​ຕີ​ທີ່​ຮ້າຍ​ແຮງ​ໃນ​ປະວັດ​ສາດ​ຈໍ​ແດນ ​ເວລາ​ບັນດາ​ຜູ້​ວາງ​ລະ​ເບີດ​ສະລະ​ຊີບ ​ໄດ້​ໂຈມ​ຕີ​ໂຮງ​ແຮງ​ສາມ​ແຫ່ງ ​ໃນ​ນະຄອນຫລວງ Amman ສັງຫານ​ຫລາຍ​ກວ່າ 50 ຄົນ​ໃນ​ວັນ​ທີ່ 9 ​ເດືອນ​ພະ​ຈີີກ ປີ 2005.

ຜູ້​ກໍ່ການ​ຮ້າຍ Al-Qaida ​ໃນ​ອີຣັກ ​ໄດ້​ອ້າງ​ເອົາ​ຄວາ​ຮມຮັບຜິດຊອບ​ໃນ​ການວາງ​ລະ​ເບີດນີ້.

ລັດຖະບານ ​ສະຫະລັດ ​ໄດ້​ໃຊ້​ສູນ​ກາງ​ເຝິກ​ແອບ ​ໃນ​ເມືອງ Muwaqqer ປະມານ 30 ກິ​ໂລ​ແມດ​ຈາກ ນະຄອນຫລວງ Amman ​ເພື່ອ​ປະສານ​ງານ​ກັບ ຈໍ​ແດນ ​ໃນ​ການ​ເຝິກ​ແອບນາຍ ຮ້ອຍ​ຕຳຫລວດ ​ຫລາຍ​ສິບ​ພັນ​ຄົນຈາກ​ຕາ​ເວັນ​ອອກກາງ.

​ ໂຄງການ​ດັ່ງກ່າວ​ໄດ້​ປະສານ​ງານ ​ແລະ​ບໍລິຫານ​ຜ່ານ ກະຊວງ​ຕ່າງປະ​ເທດ ສະຫະລັດ ທີ່​ເປັນ​ຄູ່​ຕຳ​ແໜ່​ງດ້ານ​ຮັກສາ​ຄວາມ​ປອດ​ໄພ​ທາງ​ການ​ທູດ.

ກະຊວງ​ຕ່າງປະ​ເທດ​ກ່າວ​ວ່າ ການ​ເຝິກ​ແອບໃນ​ປັດຈຸບັນ​ນີ້ ສ່ວນ​ໃຫຍ່

ແມ່ນ​ສິດສອນ​ກຳລັງ​ຮັກສາ​ຄວາມ​ປອດ​ໄພ​ແ​ກ່ ​ປາແລ​ສ​ໄຕ​ນ໌ ທາງ​ດ້ານ​ຄວາມ​ສຳນານພື້ນ ຖານດ້ານ​ຄວາມ​ປອດ​ໄພ.

XS
SM
MD
LG