ລິ້ງ ສຳຫລັບເຂົ້າຫາ

ກຊ ຕ່າງປະເທດ ສຫລ ໂຕ້ແຍ່ງ ການປະເມີນຜົນ ໂຄງການນິວເຄລຍ ຂອງເກົາຫຼີເໜືອ


ຊາວເກົາຫຼີໃຕ້ ກຳລັງເບິ່ງ ພາບຖ່າຍຈາກດາວທຽມ ຂອງສະຖານທີ່ນິວເຄລຍໃນເກົາຫຼີເໜືອ, ຢູ່ທີ່ສະຖານີລົດໄຟ ໃນນະຄອນຫຼວງ ໂຊລ, ເກົາຫຼີໃຕ້.

ຮອງລັດຖະມົນຕີ ການຕ່າງປະເທດ ສະຫະລັດ ທ່ານ Antony Blinken ໄດ້ໂຕ້ແຍ່ງ ການປະເມີນຜົນຂອງທ່ານ James Clapper ຜູ້ອຳນວຍການ​ອົງການສືບລັບແຫ່ງຊາດ ສະຫະລັດ ທີ່ໄດ້ກ່າວໄປເມື່ອສັບປະດານີ້ ​ໂດຍ​ເວົ້າວ່າ ຄວາມພະຍາຍາມທີ່ຈະຊັກຊວນ ເກົາຫຼີເໜືອ​ເປັນ​ປະ​ເທດ ​ທີ່ປອດອາວຸດນິວເຄລຍ ນັ້ນ “ແມ່ນອາດບໍ່ມີຫວັງຈະສຳເລັດ ເລີຍ.”

ທ່ານ Blinken ໄດ້ກ່າວວ່າ “ພວກເຮົາຈະບໍ່ຍອມຮັບ ໃຫ້ເກົາຫຼີເໜືອ ເປັນປະເທດ ທີ່ ມີອາວຸດນິວເຄລຍ. ພວກເຮົາຈະບໍ່ຍອມຮັບໃຫ້ ເກົາຫຼີເໜືອ ມີອາວຸດນິວເຄລຍ ໃນຄອບຄອງ, ​ເດັດຂາດ.”

ຮອງລັດຖະມົນຕີ ການຕ່າງປະເທດ ສະຫະລັດ ໄດ້ເຂົ້າຮ່ວມກອງປະຊຸມໃນນະຄອນ
ຫຼວງ ໂຕກຽວ ກັບ ຮອງລັດຖະມົນຕີການຕ່າງປະເທດຂອງຍີ່ປຸ່ນ ທ່ານ Shinsuke Sugiyama ແລະ ຮອງລັດຖະມົນຕີການຕ່າງປະເທດ ຜູ້ທີໜຶ່ງຂອງເກົາຫຼີ​ໃຕ້ ທ່ານ
Lim Sung Nam ເພື່ອປະສານງານ ກ່ຽວ​ກັບຍຸດທະສາດຮ່ວມ ເພື່ອຈະຮັບມືກັບ
ການທ້າ​ທາຍເກາະຜິດທີ່ມີຢູ່ຕໍ່ມາ ຂອງເກົາຫຼີເໜືອ ຮວມທັງການທົດລອງນິວເຄລຍ ສອງຄັ້ງ ແລະ ການຍິງລູກສອນໄຟຂີປະນາວຸດ 24 ເທື່ອໃນປີນີ້.

ທ່ານ Blinken ໄດ້ກ່າວອີກວ່າ ວໍຊິງຕັນ ແລະ ບັນດາພັນທະມິດຂອງຕົນແມ່ນ “ໄດ້
ສຸມໃສ່ ຄືກັນກັບແສງເລເຊີ້”
ເພື່ອຊັກຊວນໃຫ້ລັດຖະບານ Kim Jong Un ​ເຂົ້າຮ່ວມ ໃນການເຈລະຈາທີ່ເຊື່ອຖືໄດ້ເພື່ອຍຸຕິຄວາມໄຝ່ຝັນຢາກມີອາວຸດນິວເຄລຍຂອງຕົນ ໂດຍຜ່ານມາດຕະການກີດກັນ​ເພີ້ມຂຶ້ນ ​ໃນດ້ານການທູດ ແລະ ການກົດດັນ.

ເຖິງຢ່າງໃດກໍຕາມ ຢູ່ທີ່ສະພາອິດສະຫລະ ກ່ຽວກັບຄວາມສຳພັນດ້ານການຕ່າງປະເທດ ເມື່ອວັນອັງຄານຜ່ານມາ ທ່ານ Clapper ໄດ້ກ່າວວ່າ ການນຳພາຂອງເກົາຫຼີເໜືອ “ຈະບໍ່ເຮັດເຊັ່ນນັ້ນ ໂຄງການນິວເຄລຍ ແມ່ນເປັນປີ້ເພື່ອການຢູ່ລອດ ຂອງພວກ ເຂົາເຈົ້າ.” ​

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG