ລິ້ງ ສຳຫລັບເຂົ້າຫາ

ຍີ່ປຸ່ນ ພວມພິຈາລະນາ ກ່ຽວກັບການຫຼຸດ ການນຳເຂົ້າ ນໍ້າມັນຈາກອີຣ່ານ

  • ໄພສານ ວໍຣະຈັກ

ລັດຖະມົນຕີການຕ່າງປະເທດຍີ່ປຸ່ນ ທ່ານ Koichiro Gemba

ລັດຖະມົນຕີການຕ່າງປະເທດຍີ່ປຸ່ນ ທ່ານ Koichiro Gemba

ໃນ​ວັນ​ສຸກ​ມື້ນີ້ ລັດຖະມົນຕີ​ການ​ຕ່າງປະ​ເທດ​ຍີ່ປຸ່ນ​ກ່າວ​ວ່າ ​ໂຕ​ກຽວ​ຍັງ​ບໍ່​ທັນ​ຕັດສິນ​ໃຈ​ເທື່ອ​
ວ່າ ຈະ​ຫຼຸດການ​ນຳ​ເຂົ້ານໍ້າມັນ​ຈາກ​ອີຣ່ານຫຼືບໍ່ ​ເພື່ອ​ເປັນ​ການ​ສະໜັບສະ​ໜຸນ​ການ​ລົງ​ໂທດ
ຂອງ​ສະຫະລັດ​ຕໍ່​ໂຄງການ​ນິວ​ເຄລຍຂອງ​ອີຣ່ານນັ້ນ.

ລັດຖະມົນຕີ​ການ​ຕ່າງປະ​ເທດ​ຍີ່ປຸ່ນທ່ານ Koichiro Gamba ກ່າວ​ວ່າ ມັນຕ້ອງການໆ​ພິຈາ
ລະ​ນະ​ຢ່າງຮອບ​ຄອບ​ຖີ່​ຖ້ວນ ດັ່ງນັ້ນລັດຖະບານ​ຍີ່ປຸ່ນ​ຈຶ່ງ​ຈະ​ປຶກສາ​ຫາລື​ກັນ​ຢ່າງ​ລະມັດລະວັງ
ກ່ຽວ​ກັບບັນຫາ​ດັ່ງກ່າວ​ກ່ອນ​ທີ່​ຈະ​ທຳ​ການ​ຕັດສິນ​ໃຈຂັ້ນສຸດ​ທ້າຍ.

ການ​ໃຫ້​ທັດສະນະ​ດັ່ງກ່າວ​ຂອງ​ທ່ານ Gamba ມີ​ທ່າ​ທາງ​ວ່າ​ຂັດ​ກັນ​ກັບ​ການ​ໃຫ້ຄວາມ​ເຫັນ
ຂອງ​ລັດຖະມົນຕີ​ການ​ເງິນຂອງ​ຍີ່ປຸ່ນ ທ່ານ Jun Azumi ທີ່​ກ່າວ​ໃນວັນ​ພະຫັດ​ວານ​ນີ້ວ່າຍີ່
ປຸ່ນ​ ຈະ​ເອົາ​ບາດກ້າວ​ອັນ​ໜັກ​ແໜ້ນ​ເພື່ອ​ຫຼຸດຜ່ອນ​ປະລິມານ ການ​ນຳ​ເຂົ້ານໍ້າມັນ​ຈາກ​ອີຣ່ານ.
ຍີ່ປຸ່ນຫວັງ​ວ່າ​ ຈະ​ສາມາດ​ຫຼີກລ້ຽງ​ການ​ປະກາດ​ລົງ​ໂທດ​ຂອງ​ສະຫະລັດ​ເມື່ອ​ໄວໆ​ມານີ້ທີ່​ຫ້າມ​
ບໍ່​ໃຫ້​ທະນາຄານ​ຕ່າງປະ​ເທດ​ເຮັດ​ທຸລະ​ກິດ​ກັບ​ທະນາຄານ​ກາງຂອງອີຣ່ານ ຊຶ່ງ​ເປັນ​ຜູ້​ຮັບຜິດ
ຊອບທີ່​ສຳຄັນ​ໃນ​ເລື່ອງການ​ຂາຍ​ນໍ້າມັ​ນຈາກ​ຕະຫຼາດການ​ເງິນ​ຂອງ​ສະຫະລັດ.

ແຕ່​ທ່ານ Gamba ​ໄດ້​ສະ​ແດງ​ຄວາມ​ວິຕົກ​ກັງວົນ​ວ່າ ການ​ລົງ​ໂທດ​ຢ່າງ​ໜັກ​ຂອງ​ສະຫະລັດ​
ອາດ​ພາ​ໃຫ້​ລາຄາ​ນໍ້າມັນ​ແພງ​ຂຶ້ນທີ່​ທ່ານ​ເວົ້າວ່າ ມີ​ພຽງ​ແຕ່​ຈະເປັນ​ຜົນ​ດີ​ແກ່​ອີຣ່ານທໍ່​ນັ້ນ.

ທ່ານ Gamba ​ໃຫ້​ຄວາມ​ເຫັນ​ດັ່ງກ່າວ​ນີ້ ທີ່​ກອງ​ປະຊຸມ​ຖະ​ແຫຼງຂ່າວ​ທີ່​ກຸງ​ໂຕ​ກຽວ​ຮ່ວມ​ກັບ
ລັດຖະມົນຕີ​ການ​ຕ່າງປະ​ເທດຂອງຝຣັ່ງ ທ່ານ Alain Juppe ທີ່​ກ່າວ​ວ່າ ​ໂລກ​ຂອງ​ເຮົາ​ຈະ
ເຮັດ​ຄວາມ​ຜິດພາດ​ຢ່າງ​ຮ້າຍ​ແຮງທີ່​ບໍ່​ໄດ້​ເອົາ​ຫົວຊາ​ກ່ຽວ​ກັບໄພ​ຂົ່ມຂູ່​ຈາກ​ໂຄງການນິວ​ເຄລຍ
ຂອງ​ອີຣ່ານຊຶ່ງ​ຫຼາຍໆ​ປະ​ເທດ​ສົງ​ໄສ​ວ່າ​ມີ​ເປົ້າແນ​ໃສ່​ເພື່ອ​ສ້າງ​ອາວຸດ​ນິວ​ເຄລຍ.

ທ່ານ Juppe ກ່າວ​ວ່າ ທ່ານ​ບໍ່​ເຊື່ອ​ວ່າການ​ເອົາ​ມາດ​ຕະການ​ທາງ​ດ້ານ​ການ​ເງິນ​ຕໍ່​ອີຣ່ານນັ້ນ
ຈະ​ມີ​ຜົນ​ກະທົບ​ຕໍ່​ລາຄາ​ນໍ້າມັນ.

XS
SM
MD
LG