ລິ້ງ ສຳຫລັບເຂົ້າຫາ

ສະຫະລັດ ແລະອີຣ່ານ ໂອ້ລົມສົນທະນາກັນ ເລື້ອງຂໍ້ຕົກລົງນີວເຄລຍ


Ayatollah Ali Khamenei ຜູ້ນຳສູງສຸດຂອງອີຣ່ານ ກ່າວໃນກອງປະຊຸມ ກັບພວກເອກອັກຄະລັດຖະທູດອີຣ່ານ ທີ່ເຕຫະຣ່ານ ວັນທີ 13 ສິງຫາ 2014.

Ayatollah Ali Khamenei ຜູ້ນຳ​ສູງ​ສຸດ​ຂອງ​ອີຣ່ານ ກ່າວ​ໃນ
​ວັນອາທິດ​ມື້​ນີ້​ວ່າ ທ່ານ​ເຫັນ​ດີ​ນຳ​ ການ​ບັນລຸ​ຂໍ້​ຕົກລົງດ້ານ​ນີວ
​ເຄລຍ ກັບ ພວກ​ປະ​ເທດ​ມະຫາ​ອຳນາດ ຕາບ​ໃດ​ທີ່​ສົນທິສັນຍາ
​ດັ່ງກ່າວ​ ບໍ່​ຂັດ​ຕໍ່ຜົນ​ປະ​ໂຫຍ​ດອັນ​ດີ​ທີ່​ສຸດຂອງ​ປະ​ເທດ​ນີ້.

ຜູ້ນຳ​ຂອງ​ອີຣ່ານ ​ໄດ້​ກ່າວ​ຖ້ອຍ​ຖະ​ແຫຼ​ງດັ່ງກ່າວ​ ຕໍ່​ບັນດາ​ພະນັກ
ງານ​ກອງທັບອາກາດ ​ໃນ​ເວລາ​ດຽວ​ກັນ​ກັບທີ່ ​ລັດຖະມົນຕີ​ການ
​ຕ່າງປະ​ເທດ​ຂອງ​ທ່ານ​ ກ່າວ​ປາ​ໄສ​ຢູ່​ທີ່​ນະຄອນ Munich ກ່ຽວ​
ກັບ​ການ​ແກ້​ໄຂ​ບັນຫາ ​ເລື້ອງ​ເຮັດ​ຂໍ້​ຕົກລົງ​ນີວ​ເຄລຍກັນ​ນັ້ນ.

ທ່ານ Javad Zarif ກ່າວ​ວ່າ ທ່ານ “ໄດ້​ເຂົ້າ​ພົວພັນ​ ໃນ​ການ​ໂອ້ລົມ​ສົນທະນາ​ກັນ​ ຢ່າງ​
ເອົາ​ຈິງ​ເອົາ​ຈັງ” ​ໃນ​ວັນ​ອາທິດ​ມື້​ນີ້ ກັບ​ທ່ານJohn Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ ກ່ຽວ​ສະພາບ​ການ​ຂອງ​ໂຄງການ​ນີວ​ເຄລຍຂອງ​ອີຣ່ານນັ້ນ.

ທ່ານ Zarif ກ່າວ​ວ່າ ຊ່ອງ​ທາງ​ດຽວ​ທີ່​ຈະ​ພົວພັນ​ກັບ​ອີຣ່ານໄດ້ ກໍແມ່ນ ຜ່ານ “ການ​ເຄົາ
ລົບ
ນັບຖື ​ແລະ​ການ​ເຈລະຈາ​ກັນ.”ທ່ານ​ໄດ້​ຕຳໜິຕິຕຽນການ​ລົງ​ໂທດ​ຕ່າງໆ ທີ່​ໄດ້​ບັງ
ຄັບ​ໃຊ້​ມາ​ຕໍ່​ອີຣ່ານ ​ໂດຍ​ກ່າວ​ວ່າ ການ​ຈຳກັດ​ຮັດ​ແຄບເຫລົ່າ​ນັ້ນ ​ບໍ່ໄດ້ບັນລຸ​ຜົນທີ່​ຕ້ອງ
ການ​ຂອງ​ມັນ.

ນັກ​ການ​ທູດສູງ​ສຸດ​ຂອງ​ອີຣ່ານ ກ່າວ​ວ່າ ມັນ​ຈະ​ບໍ່​ເປັນ​ “ການ​ສິ້ນ​ສຸດ​ລົງຂອງ​ໂລກ” ຖ້າ​
ບໍ່​ໄດ້​ບັນລຸຂໍ້​ຕົກລົງ​ດ້ານ​ນີວ​ເຄລຍ ​ກັນ​ກັບ​ພວກ​ປະ​ເທດ​ມະຫາ​ອຳນາດ ​ແຕ່​ທ່ານກໍ​ຢາກ​
ໃຊ້​ເວລາໃນອີກ 6 ສັບປະດາ​ຂ້າງ​ໜ້ານີ້ ​ເພື່ອ​ຕັ້ງ​ອົກ​ຕັ້ງ​ໃຈ​ໃສ່​ການ​ຊອກ​ຫາ​ທາງ​ແກ້​ໄຂ
ບັນຫາ.

​ເວລາ​ກ່າວ​ປາ​ໄສ​ຕໍ່​ກອງ​ປະຊຸມ​ວ່າ​ດ້ວຍ​ຄວາມ​ໝັ້ນຄົງ ​ທີ່ນະຄອນ Munich ທ່ານ Kerry
ກ່າວ​ວ່າ ທ່ານ​ຫວັງ​ວ່າ​ຈະ “​ໄດ້​ຮັບ​ການ​ແກ້​ໄຂ​ກັນ​ຢ່າງ​ສັນຕິ” ກ່ຽວ​ກັບ​ໂຄງການ​ນີວເຄລຍ
ຂອງ​ອີຣ່ານນັ້ນ.

ຝ່າຍ​ຕາ​ເວັນ​ຕົກ​ກ່າວ​ຫາ​ເຕຫະຣ່ານວ່າ ກຳລັງພະຍາຍາມສ້າງ​ອາວຸດ​ນີວ​ເຄລຍ. ​ແຕ່​ອີຣ່ານ ກ່າວ​ວ່າ ​ໂຄງການ​ນີວ​ເຄລຍຂອງ​ຕົນ​ແມ່ນ​ມີ​ວັດຖຸ​ປະສົງທາງ​ດ້ານ​ສັນຕິ​ເທົ່າ​ນັ້ນ.

​ໃນ​ເຊົ້າ​ວັນ​ອາທິດ​ມື້​ນີ້ ທ່ານ John Kerry ລັດຖະມົນຕີ​ຕ່າງປະ​ເທດ​ສະຫະລັດ ​ໄດ້​ທຳການ
​ໂອ້​ລົມ​ສົນທະນາ​ ​ເລື້ອງ​ໂຄງການ​ນີວ​ເຄລຍຂອງ​ອີຣ່ານ ​ເປັນ​ມື້​ທີ​ສອງ​ ກັບທ່ານ Zarif ​
ຄູ່​ຕຳ​ແໜ່​ງຈາກ​ອີຣ່ານ ຢູ່​ນອກ​ກອງ​ປະຊຸມ​ວ່າ ດ້ວຍ​ ຄວາມໝັ້ນຄົງໃນ​ນະຄອນ Munich.

ທ່ານ Kerry ​ແລະ​ທ່ານ Javad Zarif ລັດຖະມົນຕີ​ຕ່າງປະ​ເທດ​ອີຣ່ານ ​ໄດ້​ພົບ​ປະກັນ​ເປັນ​ເວລາ 2 ຊົ່ວ​ໂມງ​ເຊັ່ນ​ກັນ ​ໃນ​ວັນ​ສຸກ​ຜ່ານ​ມາ ຢູ່ Munich ບ່ອນ​ທີ່​ທ່ານ Kerry ​ໄດ້​ກົດ​ດັນ
ທ່ານ Zarif ກ່ຽວກັບ​ຄວາມ​ປາດ​ຖະໜາ​ຂອງ​ລັດຖະບານໂອ​ບາ​ມາ ທີ່​ຢາ​ກ​ໃຫ້ມີ​ການບັນລຸ
ຂໍ້​ຕົກລົງ​ກັນໂດຍ​ສັງ​ເຂ​ບ.

XS
SM
MD
LG