ລິ້ງ ສຳຫລັບເຂົ້າຫາ

ທ່ານໂອບາມາ ໄວ້ອາໄລ ແກ່ພວກເຄາະຮ້າຍ ຢູ່ບອສຕັນ (ສະໄລດ໌/ວີດິໂອ)


ພວກຄົນກໍາລັງໄວ້ອາໄລ ຜູ້ເຄາະຮ້າຍ ໃນເຫດການວາງລະເບີດ ເມື່ອວັນຈັນຜ່ານມາ ທີ່ເມືອງ Boston ລັດ Massachusetts
ປະທານາ​ທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ເດີນທາງ​ໄປ​ຍັ​ງ​ເມືອງ Boston ​ໃນ​ວັນ​ພະຫັດ​ມື້​ນີ້ ຊຶ່ງ​ຢູ່​ທີ່​ນັ້ນ ທ່ານ​ຈະ​ຮ່ວມ​ໃນ​ພິທີຮ່ວມ​ກັນ​ລະຫວ່າງ​ຫລາຍໆ​ສາສະໜາ ​ເພື່ອ​ໄວ້ອາ​ໄລ​ໃຫ້​ແກ່​ຜູ້​ເຄາະຮ້າຍ​ ຂະນະ​ທີ່​ເມືອງ​ດັ່ງກ່າວ​ຍັງ​ພະຍາຍາມຮັບ​ມື​ກັບ​ເຫດ ການ​ວາງລະ​ເບີດ​ທີ່​ອັນ​ຕະລາຍ​ເຖິງຕາຍ ​ເມື່ອ​ວັນ​ຈັນຜ່ານ​ມາ​ນີ້ ​ໃນ​ງານ​ແຂ່ງຂັນແລ່ນ​ທົນ​ມາ​ຣາທອນນັ້ນ.

Carolyn Presutti ຜູ້​ສື່​ຂ່າວ​ວີ​ໂອເອ ທີ່​ກໍາລັງ​ເອົາ​ຂ່າວ​ຢູ່​ເມືອງ​ບອສຕັນ ​ໃນ​ຂະນະ​ນີ້ ​ເວົ້າ​ວ່າ ປະທານາທິບໍດີ ຈະ​ນໍາ​ເອົາ​ສານແຫ່ງ​ການ​ຕັດສິນໃຈ ​ຢ່າງ​ເດັດດ່ຽວ ແລະ​ການ​ປຸ້ມລຸມ​ສາມັກຄີກັນ.


ເມື່ອ​ວັນ​ພຸດ​ວານ​ນີ້ ​ບັນດາເຈົ້າໜ້າ​ທີ່​ສືບສວນ​ກາງ​ສະຫະລັດ ຫຼື FBI ​ພ້ອມທັງບັນດາ ໄອ​ ຍະ​ ການ​ລັດຖະບານ​ກາງ ​ແລະ​ຕໍາຫຼວດ​ເມືອງ​ບອສຕັນ ຕ່າງ​ກໍ​ປະຕິ​ເສດ​ຂ່າວ​ສື່​ມວນ​ຊົນ​ ທີ່ອອກ​ມາ​ຢ່າງກວ້າງຂວາງວ່າ​ ຜູ້​ຕ້ອງ​ສົງໄສ​ໃນ​ເຫດການ​ລະ​ເບີດ​ ​ໄດ້​ຖືກ​ຈັບ​ກຸມ​ແລ້ວນັ້ນ.

ຄະນະ​ສືບສວນ​ ​ໄດ້​ບອກ​ພວກ​ອົງການ​ຂ່າວ​ທັງຫຼາຍວ່າ ຮູບ​ພາບ​ຈາກ​ກ້ອງ​ວົງ​ຈອນ​ປິດ​ກ້ອງ​ນຶ່ງ ສະ​ແດງ​ໃຫ້​ເຫັນ​ຊາຍ​ຄົນ​ນຶ່ງ​ຖືຖົງໆນຶ່ງມາ ​ແລ້ວ ກໍຖິ້ມຖົງ​ນັ້ນ​ ລົງຢູ່ໃກ້​ບ່ອນ​ທີ່​ເກີດເຫດລະ​ເບີດ​ສອງ​ບັ້ນ​ພ້ອມ​ກັນ ທີ່​ຍັງ​ຜົນ​ໃຫ້​ມີ​ຜູ້​ເສຍ​ຊີວິດສາມຄົນ ​ແລະ​ບາດ​ເຈັບ​ອີກ 176 ຄົນ ຢູ່ບໍລິ​ເ​ວນ​ເສັ້ນ​ໄຊ​ຂອງ​ການ​ແຂ່ງຂັນ​ແລ່ນ​ທົນມາ​ຣາທອນ​ປະ​ຈໍາປີ​ນັ້ນ.



ຄະນະ​ສືບສວນ​ສອບ​ສວນ​ໄດ້​ເກັບ​ກໍາ​ຊິ້ນ​ສ່ວນ​ຕ່າງໆຂອງຫຼັກຖານທີ່​ພວກ​ເຂົາ​ເຈົ້າ​ເວົ້າ ວ່າ ​ເປັນ​ຊິ້ນ​ສ່ວນ​ຂອງ​ລະ​ເບີດ ​ໂຮມ​ທັງ​ຊິ້ນ​ສ່ວນ​ຈາກ​ໝໍ້ຕົ້ມ ອັດ​ຝາ​ແໜ້ນ ທີ່ອັດ​ຄວາມ​ກົດ​ດັນ​ໄວ້​ທາງ​ໃນ ທີ່​ບັນ​ຈຸ​ວັດຖຸລະ​ເບີດນັ້ນ. ມີ​ການ​ພົບ​ເຫັນຝາ​ຂອງໝໍ້​ຕົ້ມ​ໜ່ວຍ​ນຶ່ງ​ໃນ​ຈໍານວນຫຼາຍໝໍ້ ທີ່​ຟົ້ງ​ຂຶ້ນ​ໄປ​ຕົກ​ຢູ່​ເທິງຫຼັງຄາ​ຂອງ​ຕຶກ​ທີ່ຢູ່​ຕິດ​ກັບ​ບ່ອນ​ເກີດ​ເຫດ.

ຄະນະ​ສື​ບສວນ​ສອບ​ສວນ ​ໄດ້​ນໍາ​ຮູບ​ພາບຊິ້ນ​ສ່ວນຂອງ​ໝໍ້​ຕົ້ມທີ່​ແຕກ​ບິດ​ບ້ຽວອອກ​ເຜີຍແຜ່ ພ້ອມ​ກັບ​ສາຍ​ໄຟ​ທີ່ໄໝ້ ທີ່​ມັດ​ຕິດ​ກັບ​ກ່ອງ​ນ້ອຍ​ກ່ອງ​ນຶ່ງ ພ້ອມ​ກັບ​ແບັດ​ເຕີຣີ້ ຕິດ​ກັບ​ສາຍ​ໄຟ​ສີ​ແດງ​ແລະ​ດໍາ ຕະປູ​ນ້ອຍອັນ​ນຶ່ງ ​ແລະ​ຫົວ​ຊິ​ບທີ່​ເປື້ອນເລືອດ. ນອກ​ນີ້ ​ເຈົ້າໜ້າ​ທີ່​ຍັງພົບ​ເຫັນ​ແຜງ​ວົງ​ຈອນ​ໄຟຟ້າ​ແຜງ​ນຶ່ງ ທີ່​ເຊື່ອ​ວ່າ​ເປັນ​ສ່ວນ​ນຶ່ງ​ຂອງ​ລະ​ເບີດ​ລູກ​ນຶ່ງ.

ເບິ່ງວີດິໂອ ພວກໂຮງໝໍຕ່າງໆ ໃຫ້ການຊ່ວຍເຫລືອແກ່ພວກຄົນເຈັບ:



XS
SM
MD
LG